Зун цаг ирж, халуун өдрүүд үргэлжлэх болсон нь амархан мууддаг хүнсний бүтээгдэхүүнүүдийг хадгалах, ундаа усаа хөргөх, мөс хөлдөөх гээд олон зүйлд хөргөгч гэдэг зүйл ямар чухал болохыг сануулж байх шиг. Гэхдээ энэ зүйл маань өөрөө цахилгаан эрчим хүчний тусламжтайгаар ажилладаг. Харин дараах аргуудыг хэрэглэснээр эрчим хүчээ хэмнэхийн хамт хөргөгч, хөлдөөгчөө бүрэн хүчин чадлаар нь ашиглах боломжтой юм. Мөн зарим зүйлс хөргөгч хөлдөөгчний гүйцэтгэлийг бууруулдаг болохыг ч мэдэж авч болно.
8. Хөргөгчний байршил
Хөргөгчөө халууны эх үүсвэрүүдээс хол байлгах хэрэгтэй. Богино долгионы зуух, цахилгаан зуухнаас хол байлгахаас гадна нарны шууд тусгалаас хол байлгаарай. Халууны эх үүсвэрүүд гэх мэт гадаад хүчин зүйлс нь хөргөгчний хүчин чадалд сөргөөр нөлөөлдөг. Гадаад орчны өөрчлөлтийг тэнцүүлэхийн тулд компрессор үргэлж ажиллах шаардлагатай болдог учир дээрх дүрмийг хэрэгжүүлснээр компрессорын ажиллагааг багасгаж болох юм.
7. Хоолны үлдэгдлүүд
Хоолны үлдэгдлийг халуун үед нь хөргөгчинд хийх хэрэггүй. Өрөөний температурт хүртэл нь хөргөсний дараа битүү саванд хийж хөргөгчинд хийгээрэй.
6. Агааржуулалт
Хөргөгчөө хананаас хэдэн сантиметр зайтай байрлуулах хэрэгтэй. Хөргөгчний ар талаар агаар чөлөөтэй нэвтэрч байх нь халуун агаар чөлөөтэй гадагшилж, компрессорын ажиллагааг бууруулдаг.
5. Температурын тохиргоо
Хэт хөргөх шаардлагагүй үед тохиргоогоо хэт хүйтэн дээр тавих нь үргүй зардлыг ихэсгэж байгаа хэрэг.
4. Хөргөгчөө цэгцлэх
Эмх цэгцтэй хөргөгчинд хүйтэн агаар чөлөөтэй тархаж, бүх зүйлийг жигд хөргөхөд тустай. Энэ нь компрессорыг илүү их хүч гарган ажиллахаас сэргийлнэ.
3. Хөргөгчний дээд тал
Бид хөргөгчин дээр юм тавих дуртай байдаг. Гэхдээ ингэх хэрэггүй. Хөргөгчинд дээр тавьсан эрдэнэшишийн хоосон хайрцаг нь халууныг хуримтлуулснаар компрессор үр дүнгүй хүч гарган ажиллахад хүргэдэг.
2. Лацыг шалга
Хөргөгчнийхөө хаалганы лацыг үнэхээр сайн хэвээрээ байгаа эсэхийг шалга. Лац нь хүйтэн агаар гадагш алдагдаж, халуун агаар гаднаас нэвтрэхээс хамгаалдаг. Хаалганы завсарт хуудас цаас хавчуулаад сугалж авахад нь энэ нь их амархан байвал лацыг солих болсон гэсэн үг. Лацны эдэлгээг удаан байлгах гол зүйл бол байнга угааж цэвэрлэж байх юм.
1. Конденсаторын ороомгийг цэвэрлэх
Хөргөгчнийхөө ажиллагааг сайжруулахын тулд жилдээ хэд хэдэн удаа конденсаторын ороомгийг цэвэрлэж байх ёстой. Тодруулбал 2-3 сар тутамд нэг удаа цэвэрлэх хэрэгтэй. Тоос сорогчоор соруулах, алчуураар арчих гэх мэтээр цэвэрлэж болно.
Бахархмаар
Гоё
Ха Ха
Хөөрхөн
Гайхмаар
Харамсалтай
Тэнэглэл
Буруу
