Заримдаа хурдхан шиг, амттай, хөнгөн хоол хийгээд идчихмээр санагддаг. Энэ үед брускеттыг туршаад үзээрэй – өнгөц шарсан зүсэм талхан дээр элдэв амтлагч тавьсан хөнгөн зууш.
Энэ удаад бяслаг, улаан лоольтой хийх аргыг танд санал болгож байна.
Орц:
- Талх – 4 зүсэм
- Бяслаг – 100-150 гр
- Сармис – 1-2 хумс
- Улаан лооль – 1-2 ш
- Цөцгийн тос – 1-2 х.х
- Давс, перец – өөрийн хүссэн хэмжээгээр
- Шинэ ногоон амтлагчууд (базилик, укроп, петрушка) – өөрийн хүссэн хэмжээгээр
Хийх арга:
1. Цөцгийн тосон дээрээ жижиглэсэн сармисаа хийж хутгана.
2. Зузаавтар хэрчсэн талхан дээрээ сармистай тосоо түрхэнэ.
3. Хэрчиж бэлдсэн бяслагаа талхан дээрээ өрж бяслагаа хайлтал талх шаргал өнгөтэй болтол нь шарна.
4. Шарах шүүгээнээс талхаа гаргаад хайлсан бяслаг дээрээ дугуй хэрчсэн улаан лоолио өрж дээрээс нь давс, перец, ногоон амтлагч ногоонуудаа цацна. Буцаагаад шарах шүүгээндээ 1 минут орчим шарна.
Шаржигнасан амтат брускеттээ идээрэй. Сайхан хооллоорой.
3
Гоё2
Бахархмаар0
Ха Ха0
Хөөрхөн0
Гайхмаар0
Харамсалтай0
Тэнэглэл0
Буруу
