Энэ сарын 6-ны өдөр Швейцарийн Женев хотноо эхэлсэн нэр хүндтэй авто шоунаа дэлхийн авто брэндүүд хамгийн сүүлийн үеийн, хамгийн шилдэг төмөр хүлгүүдээ залаад байгаа. Авто шоуг зорин ирэгчид хамгийн сүүлийн үеийн Focus Ford эсвэл Subaru Forester зэрэг машинуудыг харахын хамт хамгийн санаанд оромгүй зүйлсийг ч харж байгаа аж. Энэ чинь одоо юу вэ гэсэн үгийг Женевийн зочдын амнаас унагааж байгаа содон зүйлс нь юу юм бол?
Edag Genesis
Энэ машиныг Германы инженерийн Edag групп түргэвчилсэн загвар хийх аргаар 3D принтер ашиглан бүтээжээ. Дулааны хуванцар материалыг үечлэн давхарлах замаар бүтээсэн их биеэ гадуур нь группынхны нэрлэснээр яст мэлхийнээс санаа авсан хуягаар бүрж өгчээ.
Lazareth Wazuma V8F
Enzo Ferrari-г өөрийнх нь машиныг худалдан авсан хүмүүс хөдөлгүүрийн үнийг л төлж байгаа, бусдыг нь үнэгүй өгч байгаа гэж хэлсэн гэлцдэг. Харин Lazareth энэ үгнээс санаа авчээ. Ferrari 328-ын 3,2 литрийн 250 морины хүчтэй хөдөлгүүр бүхий энэ тээврийн хэрэгсэл бол зүгээр л дугуйн дээр суурилсан мотор.
Lazareth Wazuma GT
4 литрийн V8 хөдөлгүүр, хоёр хүний суудалтай Lazareth Wazuma GT
Citroen C4 Cactus
Хараа булаам өнгө, их биеийг хамгаалсан хөөсөнцөр хэлбэрийн оруулга бүхий энэ машиныг удахгүй Европын үзэсгэлэнгийн танхимуудад тавигдана гэсэн яриа байгаа аж.
Nimrod AvantiRosso Lamborghini Aventador
Алсаас харахад Lamborghini Sesto Elemento-той адилхан харагдах энэ машиныг АНУ-д 400,000 доллараар худалдаж авах боломжтой юм байна.
Mansory Rolls-Royce Desk
Rolls-Royce оффис ширээ үргэлж ширээний ард суухаас өөр аргагүй байдаг ч Rolls-Royce-т хязгаартай хайртай хүмүүст зориулагдсан байна.
Ermini Seiottosei Barchetta
Ermini бол дайны дараах жилүүдэд 50 гаруйхан машин үйлдвэрлэсэн Италийн брэнд. Гэхдээ тэд 1950, 1953 онуудад Targa Florio хэмээх нэр хүндтэй уралдаанд ялалт байгуулсан. Ermini 315 морины хүчтэй, 2 литрийн багтаамжтай, хийн хоолойн компрессороор тоноглогдсон хийн хөдөлгүүр бүхий Seiottosei Barchetta-гаар эргэн иржээ. Энэхүү хөдөлгүүр нь 0-100 км/цагийн хурдыг 3,5 секундэд авдаг байна.
Sbarro Espera ES-13 Flеche Rouge
Sbarro Royale Event
Franco Sbarro-гийн 35 жилийн өмнө загварыг нь гаргасан Royale Event энэ жилийн шоугаар эргэн иржээ. Rover-ын хоёр V8-ыг нэгтгэсэн V16 хөдөлгүүртэй, 6,5 метр урттай энэ машин 6-хан ширхэг бүтээгдсэнээс ердөө хоёр л үлдээд байгаа аж.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
