Амьд үлдэх чадвар шалгах тест: Хүнд хэцүү нөхцөл байдалд та амь насаа аврахын тулд аль замыг сонгох байсан бэ?

Адреналинаа ялгаруулах дуртай аялагчид эсвэл аюултай мэргэжил эзэмшсэн хүмүүс, эрсдэлтэй нөхцөлд, зөвхөн муу зүйл тохиолдохгүй байх гэсэн итгэл үнэмшилдээ тулгуурлаж, туршлагадаа найдаж, хүнд хэцүү саад бартааг даван туулдаг.

Амьдрал бол тааварлашгүй зүйл учраас хэзээ ч, юу ч тохиолдож болно. Энэ үед бид овсгоотой байж, хурдан сэтгэж чадах эсэхээс амь нас, эрүүл мэнд маань хэрхэх нь шууд хамаарна.

Тэгэхээр ямар нөхцөл байдал хамгийн эрсдэлтэй болохыг тодруулцгаая. Тааварлашгүй, стресстэй, гэнэтийн үйлдэл шаардсан болон хүмүүсийн амь нас эсвэл эрүүл мэндэд заналхийлсэн байна. Хэдийгээр танд дээрх зүйлс тохиолдож байгаагүй ч гэлээ, эрт оройгүй тулгарч болох эрсдэлээс амьд гарах арга ухааныг мэдэж байхад буруудахгүй.

Бид та бүхэнд зориулж бяцхан тааврыг бэлдсэн байгаа, энэ таавар таныг 5 хүнд хэцүү нөхцөл байдалд, зөв шийдвэр гаргаж амь насаа аварч чадах эсэхийг чинь шалгах юм. Зарим нь бодит орчин, бусад нь – бодит бус төсөөллийн газрууд, гэхдээ ихэнх газруудад хүмүүс буруу шийдвэр гаргадаг байна. Ингээд эхэлцгээе.

1. Та гэртээ байна, гэнэт хүчтэй хуй салхи босвол та юу хийх вэ?

1. Бүх хаалга, цонхнуудаа хаана.
2. Цахилгаан хэрэгслүүдийг унтрааж, чийдэн эсвэл лаа асаана.
3. Хаалгаа цоожилж, гадагшаа гарна.

2. Таныг нуур эсвэл голд сэлж байх үед аянга цахилж, хүчтэй аадар бороо орвол яах вэ?

1. Уснаас гарч модны доор нуугдана.
2. Юу ч хийхгүй, учир нь бороонд сэлэх нь аюулгүй.
3. Ус болон металь эд зүйлээс даруйхан холдоно.

3. Сүрэг зөгий таныг чиглэн ирж байвал яах вэ?

1. Ойр орчимд устай газар байвал хурдхан шумбана.
2. Харанхуй газар олж тэндээ нуугдана.
3. Шавьжнуудын эсрэг дайрна.

4. Хэрэв та том хэмжээтэй бул хар чулуун дор гацвал юу хийх вэ?

1. Хурдан гарахыг хичээнэ.
2. Тайвширч гал асаана.
3. Тайвширч толгойгоо алчуураар бооно.

5. Олон нийтийн газар байх үед гэнэт гал гарвал яах вэ?

1. Бусдад яаралтай мэдэгдэж, аль болох олон хүнд анхааруулна.
2. Галыг унтраахын тулд бүхий л чадлаараа хичээнэ.
3. Тайван байж, ойролцоох гарах гарцаар болгоомжтой гарна.

Эдгээр асуултууд бага зэрэг энгийн бас сургуулийн насны хүүхдүүд хариулж мэдэхээр санагдаж байж болно. Гэхдээ ихэнхи насан хүрэгчид эдгээр нөхцөл байдалд, ямар шийдвэр гаргахаа төдийлөн сайн мэддэггүй. Буруу хариулсан бол өөрийгөө зэмлэх хэрэггүй. Зөв хариултуудыг танд хүргэе.

1. Хуй салхи босоход, цахилгаан хэрэгслүүдийг унтрааж, цонх болон хаалгануудыг хаах шаардлагатай.
2. Аянга цахилгаантай аадар бороо ороход сэлэхийг хориглоно яагаад гэвэл, ус цахилгаан дамжуулдаг. Уснаас гарч аль болох мод болон металь эд зүйлээс хол газар очих хэрэгтэй.
3. Та сүрэг зөгийнөөс харанхуй газар нуугдаж болно, учир нь тэд харанхуйд муу хардаг тул танд аюул учруулахгүй.
4. Хэрэв та хад асган доор дарагдаж гацвал, нүүр болон толгойгоо даавуугаар бүтээх хэрэгтэй. Энэ нь амьсгалын системээ тоос, шорооноос хамгаалж буй хэрэг юм.
5. Олон нийтийн газар гал гарахад тайван байж, ойролцоох гарах гарцаар гарч, ямар ч нөхцөлд хоёр хөл дээрээ бат зогсохыг хичээгээрэй.

Энэ таавар олон учир шалтгаанаар танд хэрэг болно. Дараа нь санаж явахад хэрэгтэйгээс гадна таны мэдлэгийг тэлж, эрсдэлтэй нөхцөлд зөв шийдвэр гаргахад тусална. Та хэдэн асуултад зөв хариулснаа сэтгэгдэл үлдээх хэсэгт бичээрэй.

62

Тэнэглэл

26

Гоё

8

Гайхмаар

7

Ха Ха

5

Бахархмаар

4

Хөөрхөн

3

Буруу

3

Харамсалтай

Баярлалаа!