Гүйх үед хүний биед ямар өөрчлөлтүүд гардаг вэ? Таны биед эдгээр шинж тэмдгүүд ажиглагдаж байсан уу?

Нийтлэгч: Domingo

Огноо: 2021/04/05

Total36
36

Хүмүүс хэвийн жингээ барихын тулд гүйх нь элбэг болсон ч гүйснээр биед маш олон төрлийн өөрчлөлт гарч байдаг ажээ. Орноосоо босоод угаалгын өрөө орохоор явах ч бас таны эрүүл мэндэд сайн нөлөө үзүүлж байдаг байна. Манай сайт уншигч танд гүйх нь хүний биед чухам ямар өөрчлөлт гарч байдаг талаарх мэдээллийг бэлдлээ.

Хөлийн хумсанд xөх туяа сууна

Гүйх үед хөлийн хуруу пүүзтэй үрэлт үүсгэх, жижиг пүүз, бариу оймс өмсөх, хөл хөөж хавдах зэрэг нь хөлийн хумсанд xөх туяа суух шалтгаан болж байдаг. Түүнчлэн тараагуур хялгасан судас хагарсан тохиолдолд ч ийм нөлөө ажиглагдах нь бий.

Намхан болно

Гүйх үед шингэн болон амьсгалын дутагдлын улмаас сээр нурууны хооронд байх мөгөөрс шахагдаж хүний өндөр ойролцоогоор 1 см-аар намхан болдог ажээ. Гэхдээ энэ нь түр зуурын үзэгдэл бөгөөд удалгүй эргэн хэвийн байдалдаа ордог байна.

Сонсгол хурц болно

Гүйх нь бие дэх хүчилтөрөгчийн болон шим тэжээлийн урсгалыг түргэсгээд зогсохгүй дотор чих рүү чиглэсэн цусны эргэлтийг нэмэгдүүлж, сонсгол болон тархины харилцан үйлчлэлийг дэмжиж өгснөөр сонсгол хурц болж байдаг ажээ.

Хамар битүүрнэ

Гүйнэ гэдэг нь илүү их хэмжээний хүчилтөрөгчийг богино хугацаанд авна гэсэн үг. Энэ нь аливаа орчны бохирдол, харшил болон үрэвсэл үүсгэгч зэргийг шүүлтүүргүй амьсгалах нөхцлийг бүрдүүлж, амьсгалын замыг үрэвсэлд хүргэснээр хамар битүүрэх магадлал нэмэгддэг байна.

Халууцна

Гүйх үед бие өөх, нүүрсхүчлийг шатааж энерги болгон хувиргаж эхэлнээр биеийн хэм нэмэгддэг байна. Харин халууцсан биеийг хөргөхийн тулд арьс руу чиглэсэн цусны урсгал нэмэгдэж, хөлөрдөг ажээ.

Гэдэс өвдөх магадлалтай

Гүйх нь ходоодонд ялгарах дааврын ялгаруулалтыг нэмэгдүүлж, гэдэс базлах, өвдөх магадлалыг нэмэгдүүлдэг. Түүнчлэн ходоод руу чиглэх цусны урсгалыг бууруулж, гүйлгэхэд хүргэх ч магадлалтай.