Ирээдүйд бидний дунд алхах орчин үеийн 10 робот

НАСА-гийн супер баатар робот 182 см өндөртэй. Олон улсын сансрын станцад ашиглахаар анх бүтээгдсэн Valkyrie робот нь өөрөө алхаж, юмсыг авч, багаж хэрэгслийг ашиглаж чадна. НАСА нэг л өдөр энэ робот нь аюултай бүс, гамшгийн аюултай хориглосон газруудад хүн төрөлхтөнд туслах үүрэг гүйцэтгэх болно гэж итгэж байгаа аж. Эмэгтэйлэг шинж чанартай эмэгтэй робот байдлаар бүтээгдсэн энэ робот нь хэд хэдэн камер, дуу бичлэгийн болон усан доогуур хайгуул хийх тоноглолтой юм байна.

Японы компаний зохион бүтээсэн /Google хожим нь худалдаж авсан/ энэ робот саяхан болсон DARPA robotics тэмцээнд түрүүлсэн. 120 см өндөртэй энэ робот шингэн хөргөлттэй өндөр хүчдэлийн мотор технологи ашигладаг ба батерейны оронд конденсатороор өөрийгөө цэнэглэдэг. Энэ нь батерейгаар хязгаарлагдалгүй даалгаврыг яг таг, хурдан гүйцэтгэх боломжийг олгодог байна.

Google-ийн эзэмшлийн Boston Dynamics-ын бүтээсэн Ian робот нь Atlas роботод тулгуурлан бүтээгдсэн. 182 см өндөртэй энэ робот гидравлик холбоосууд, стерео харааны системтэй бөгөөд хамгийн дэвшилтэт робот юм. Ian-ыг онцгой болгож байгаа бас нэг зүйл нь түүнд машин жолоодох боломжийг олгосон программ аж. Ian Robo-Olympics-т хоёрдугаар байранд оржээ.

CHIMP (Carnegie Mellon University Highly Intelligent Mobile Platform) нь тэгш бус газарт танк шиг явдаг. Босож зогсох, шаардлагатай тохиолдолд мөчөө авирах зориулалтаар ашиглаж чаддаг. 160 см өндөртэй энэ робот арын хоёр мөч зам дээрээ явах ба даалгавар гүйцэтгэх үедээ бусад мөчөө ашигладаг байна.

Флоридагийн олон улсын их сургуульд одоо хүртэл хөгжүүлж байгаа Telebot робот нь шархдаж гэмтсэн цагдаагийн албан хаагчдыг эргүүлийн хэсэг рүү буцааж авчрах зориулалттай. 180 см өндөртэй робот дугуйн дээр явдаг ба роботыг алсын удирдлагаар удирддаг. Роботын 3 HD камер нь 360 градуст харж, олон арван мэдрэгчид нь аюултай нөхцөл байдал, гудамж, аюулгүй хэсэг зэргийг ялгаж таних боломжийг олгодог байна. Роботын нүүрэн дээрх дэлгэц нь энгийн сэтгэл хөдлөлүүдийг харуулдаг аж.

Энэ жижиг робот нь гар тэсрэх бөмбөгийг үүргэвч шиг үүрэн дайны талбар руу шиддэг. Ус шорооны хамгаалалттай энэ робот 500 гр жинтэй бөгөөд 36,6 м хол зайд шидэж чадна. Throwbot XT-гийн HD камер, гэрлийн цацраг ашигласан мэдрэгчүүд нь харанхуйд харах боломжийг олгожээ.

181 кг жинтэй ачааг зөөвөрлөх, 32 км замыг зогсолтгүй явж туулах чадвартай энэ робот унавал өөрөө босож чаддаг. Цэргүүдийг дагаж, тэгш бус газраар хүнд зэвсэг зөөвөрлөх зориулалттай энэ роботыг одоо Тэнгисийн цэрэгт туршиж байгаа аж.

Боинг 757 онгоцтой дүйцэхүйц далавчны хэмжээ бүхий энэ нисдэг хэрэгслийг АНУ-ын арми амжилттай туршжээ. Өндөрт нисэж, хяналт шалгалт, тагнуулын мэдээллээр хангах чадвартай энэ робот 360 градусын өнцгөөр харж, 4 км зай доторх зүйлсийг харж ажиглах чадвартай.

Triton бол том хэмжээний нисдэг хэрэгсэл. Харин Францын Parrot компани гэртээ, өдөр тутам ашиглах нисдэг хэрэгслийг бүтээжээ. Тус компани MiniDrone, Jumping Sumo нэртэй хоёр төрлийн нисдэг хэрэгслийг бүтээсэн байна. Эдгээр нь хоёулаа ухаалаг гар утас руу видео мэдээллийг дамжуулах чадвартай. Гэр орны аюулгүй байдал болоод зугаа цэнгэлийн зориулалтаар ашиглах боломжтой энэ роботууд хэдхэн сарын дараа боломжийг үнээр зах зээлд гарч эхлэх аж.

Израйлийн 2 пүүсийн хамтран зохион бүтээсэн Guardium ухаалаг танк нь эргүүл хийх чадвартай. Өргөн хүрээний мэдрэгчүүд нь оператороос өгсөн даалгаврыг гүйцэтгэх ба дайсан байгааг олж тогтоосон тохиолдолд даалгаврын дагуу гал нээдэг. Бүх газраар явах боломжтой ба хамгийн хэцүү төвөгтэй газруудаар ч явж, томоохон хэмжээний газарт шалгалт хийн нуугдаж байгаа дайсны байрлалыг тогтоодог байна.