Нисэх багийнханы амардаг өрөө хаана байдгийг зорчигчид бараг мэдэхгүй байх. Харин энэ өрөөний дотор талыг одоо танд харуулъя.
Онгоцны үйлчлэгчид ч бас олон цаг нисэхэд бидэнтэй адил ядарна, амрах хэрэгтэй болно шүү дээ. Гэхдээ тэд хаана унтаж амардаг юм бол?
Боинг 777, 787 онгоцнуудад тусгай бүхээг бий. Ихэнхдээ нисгэгчийн бүхээгний ард, бизнес ангиллын танхимын дээд талд байрлана.
Нисгэгчийн бүхээгний хажууд, тусгай код юм уу, эсвэл түлхүүрээр онгойдог жижиг хаалга байх бөгөөд энэ хаалгаар орж дээшээ мушгиа шатаар авирч гардаг.
American Airlines Boeing 773 зэрэг онгоцнуудад энэ өрөө рүү орох тусгай шат байхгүй, зорчигчдын суудлын дээр байрлах нээлхийгээр дамжиж ордог. Энэ нь тээшний тавцангийн хаалга шиг л харагдана.
“Нууц” өрөөн дотор өөр хооронд нь ойрхон шахаж байрлуулсан 6-10 ор байна. Цонх байхгүй.
“Онгоц хөөрөхөд бэлдэх, хөөрөх, буух үед амралтын бүсэд орохыг хориглоно. Дээд тал нь 8 хүний багтаамжтай. Нэг хүнд нэг ор зориулагдсан.”
Амралтын энэ өрөөнд ихэвчлэн ном уншихад зориулсан гэрэл, толь, хувцас өлгөх дэгээ өлгүүр, хувийн эд зүйлсээ хадгалах шургуулга байна. Мөн ор дэрний цагаан хэрэгсэл, заримдаа унтлагын хувцас ч байдаг.
American Airlines Boeing 773 онгоцны хувьд усан онгоц шиг орнуудаа уртааш нь эгнүүлэн байрлуулж, хажуугаараа явж болох төдий багахан хонгил гаргаж өгсөн байдаг.
Боинг 747 онгоцны амралтын орнуудыг давхарлаж байрлуулсан байдаг бөгөөд дуу чимээ тусгаарлах хөшиг татсан байна.
Энэ “нисдэг бүхээг” бол Airbus A380 онгоцных. Тун дажгүй, тухтай харагдаж байна.
Боинг 777 онгоцны тухайд, нисгэгчдэд зориулсан унтлагын хоёр ор, бизнес ангиллын хоёр буйдан, шүүгээ, эсвэл суултуур, угаалтуур байрлуулдаг.
Олон янзын ааштай зорчигчдын ая тухыг хангах гэж онгоцны үйлчлэгчид эелдэг, тэвчээртэй зан гарган үйлчилдэг билээ. Биднийг тив далай алгасан арван мянган метрийн өндөрт “Доктор Стрэнж”-ээ үзэн тухалж явахад тэд амсхийгээд авдаг нь юутай сайн хэрэг вэ.
Одоо нууцыг нь нэгэнт мэдсэн юм чинь, тэднээс нууц өрөөгөө үзүүлээч гэж шалгаамаар байна уу? Татгалзахгүй гэж бодож байна.
Хэрвээ та хамгийн хямд үнэтэй, найдвартай тийз борлуулагч компани хайж байгаа бол Air Expert компанийг сонгоорой
https://www.facebook.com/AIREXPERT.MN