Тархиа ажиллуулахад тань туслах 15 сайт

Бидний тархи нэг төрлийн болон энгийн бодлогоор ачааллаад байвал удахгүй “мангар” болж хурдан ажиллах чадвараа алддаг. Тархин дахь оньснууд нь удааширч, зэвэрч эхэлнэ л гэсэн үг.

Тийм учраас таны тархийг ажиллуулах дараах сайтуудыг танилцуулж байна. Өнөөдөр бодлого, дасгал, тоглоомын тусламжтайгаар ой санамжаа дээшлүүлээд маргааш сэтгэн бодох чадвараа дээшлүүлье. Үр дүн нь найдвартай, хурдан ажиллах тархи таных.

Доорх сайтууд руу зочилж орохыг хүсвэл гарчиг дээр нь дарна уу.

Cognifit

Энэхүү сайтын тусламжтайгаар эхлээд та тархиныхаа үйл ажиллагааг шалгаж өөрт тохирсон хөтөлбөр гаргаж ахиц дэвшлийг харж болно. Ашиглахад үр дүнтэй, бас амархан. Муу тал бас байна аа –  үнэгүй хувилбарынх нь боломж хязгаарлагдмал.

Wikium

Эхлээд таны ой тогтоолт, анхаарал, сэтгэн бодох чадварыг тань шалгана. Гарсан дүнг үндэслэж танд зориулсан дасгалын хөтөлбөрийг санал болгоно. Цааш төвшин ахихад төлбөртэй боловч илүү боломж танд нээгдэх юм.

Mnemonica

Энэ сайт биднийг “Муу ой санамжтай хүн гэж байхгүй. Үүнийгээ ашиглаж чаддаггүй хүн л гэж байдаг юм” гэсэн ишлэлээр угтах болно. Хүнд биш дасгал хийж ой санамжаа хөгжүүлэх боломжтойгоос гадна тоо, үг, текст тогтоох чадвараа нэмэгдүүлнэ. Мөн сэтгэхүйгээ сайжруулах дасгалууд санал болгож танд ашигтай зөвлөгөөнүүдийг өгнө.

Happymozg

Онлайн дасгал, тоглоомоор ой тогтоолт, анхаарал, тархины хариу үйлдэл болон тархины ажиллагааны төвшинг тодорхойлж болно. Мөн тархи гэж юу болох, тархины хэвийн үйл ажиллагааг хэрхэн хангах талаарх онолын хэсэг ч бий.

Petruchek

Тархиа ажиллуулах онлайн логикийн шилдэг тоглоомуудыг эндээс үзэж болно.

Brainscale

Энэ сайт дээр тархинд зориулсан ганцхан л дасгал бий – N-буцах бодлого. Тархины ой санамж, сэтгэх чадварыг дээшлүүлнэ. Тоглоомын дүрэм: матрицад байгаа дөрвөлжинг харж байхад нэг үсэг хэлэхийг сонсоно. Сонсоод тухайн дүрс харагдсан эсэхийг тэмдэглэж өгнө.

Uplift

Ой санамж, хурд, сэтгэлгээ, тоо бодох чадварыг дээшлүүлэх зорилготой тоглоомуудыг энэ сайтаас олж авч болно. Тоглоом тоглож эхлэхээс өмнө тархины аль хэсгийг хөгжүүлэх шаардлагатай байгаагаа тестээр үзнэ. Тестийн дүнг харгалзан танд зориулсан дасгал, бодлогуудаас та сонгох боломжтой.

Fitnessbrain

Логикийн бас нэгэн тоглоомтой сайт, үүнд үгийн сүлжээ, ой тогтоолтыг нэмэгдүүлэх дасгалууд, паззл-ууд бий.

Zanimatika

Тархиныхаа насыг тодорхойлох сонирхолтой тестийг та бөглөөрэй.

S-mind

Хүний тархины чадвар болон оюун ухааны хөгжлийг нэмэгдүүлнэ. Бидний тархи ямар бүтэцтэй, яаж ажилладаг, ажиллагааг нь хэрхэн сайжруулах тухай зөвлөмжүүдийг мөн дэлгэжээ. Жишээ нь “Богино хугацааны ой санамжийг хэрхэн сайжруулах” тухай нийтлэлээс гадна логик бусад чадварыг нэмэгдүүлэх бодлогууд маш олон сонголттойгоор тавигджээ.

Chisloboi

Тоо бодох хурдыг нэмэгдүүлэх онлайн тоглоомууд байна. Хэд хэдэн үетэй: цаггүйгээр тархиа халаах үе, марафон – 20 асуултанд өөрийн боломжоор хурдан хариулах, хоёр минутад ямар ч алдаа гаргахгүйгээр тоо бодох.

Quantified-mind

Хэрвээ та англи хэлийг төрөлх хэл шигээ эзэмшсэн бол энэ сайтаар ороод үзээрэй. Таны тархины бүхий л үйл ажиллагааг дэмжихэд зориулсан толгоом, бодлогууд энд бий. Зөвхөн тархиа ажиллуулаад зогсохгүй хүссэн судалгаандаа оролцох боломжтой.

Litlbetr

Ой тогтоолт, анхаарал төвлөрөл, сэтгэн бодох, хурд зэргийг сайжруулах сонирхолтой бөгөөд хөгжилтэй дасгал, үгийн сүлжээнүүд бий. Зүгээр зугаагаа гаргаж болно – жишээ нь, хөгжилтэй үгийн сүлжээг бөглөж болно, эсвэл логикийн бодлого бодож 5-6 дугаар шат дээр учраа олохоо болих вий дээ.

Mozgame

Ой тогтоолт, харааны тогтоолтыг сайжруулах төрөл бүрийн онлайн тоглоомуудыг тоглож болно.

Brainexer

Маш олон төрлийн дасгалууд байх ажээ: анхаарал төвлөрлийн дасгал, ялган шигших, үгийг ялгах, төрөлжүүлэх, арифметикийн чадвар, алгассан тоог олох, замыг олох гэх мэт. Нэгэн сонирхолтой дасгал бол – “Struppa Effect” заавал тоглож үзээрэй.

8

Бахархмаар

3

Гоё

1

Хөөрхөн

1

Гайхмаар

0

Ха Ха

0

Харамсалтай

0

Тэнэглэл

0

Буруу

Баярлалаа!