Элэг цэвэрлэж эрүүлжүүлэх 19 төрлийн хүнс

Өнөө үед хамгийн их яригддаг болсон өвчин бол элэгний өвчин. Элэг хатуурах, элэг өөхлөх, элэгний хорт хавдар гээд элэгний өвчлөл их байгаагийн шалтгаан нь өнөөгийн бидний амьдралын буруу хэв маяг, хоол хүнсний сонголт, хүрээлэн буй орчны бохирдол, халдварт өвчин гээд олон зүйлтэй холбоотой. Гэхдээ хоол хүнсээр дамжуулан элгийг эрүүлжүүлж, цэвэршүүлэх арга байдаг нь таатай хэрэг. Доор дурдсан 19 төрлийн хүнсний бүтээгдэхүүнийг өдөр тутмынхаа хоол хүнсэнд хэрэглэж заншсанаар элгээ байгалийн аргаар, хялбархнаар цэвэрлэх боломжтой юм байна.

1. Манжин, лууван

Лууван нь элгийг хоргүйжүүлэхэд тусалдаг глутатион хэмээх уургаар баялаг. Мөн бета-каротинаар аль аль нь баялаг учир энэ хоёр хүнсний ногоог идэх нь элгийг сэргээж, элэгний үйл ажиллагааг бүхэлд нь дэмждэг байна.

2. Улаан лооль

Улаан лооль нь элэгний хамгийн шилдэг хоргүйжүүлэгч болох глутатионоор нэн баялаг. Мөн улаан лоолинд агуулагдах ликопин нь хөх, арьс, уушигны хавдраас хамгаалдаг.

3. Бэрсүүт жүрж

Элэг цэвэрлэгч глутатионы өөр нэгэн эх сурвалж бол бэрсүүт жүрж юм. Витамин С, антиоксидантуудаар баялаг бэрсүүт жүрж нь элгийг хоргүйжүүлэгч энзимийн ялгаруулалтыг дэмжиж, хорт хавдар үүсгэгч бодис болон бусад хорт бодисуудыг элэгнээс хөөн гаргахад тусалдаг төрөлхийн элэг цэвэрлэх процессыг сайжруулдаг.

4. Бууцай

Глутатионоор нэн баялаг түүхий бууцай нь элэгний хор цэвэрлэх энзимийг идэвхжүүлдэг.

5. Цитрусын төрлийн жимснүүд

Нимбэг болон лайм нь витамин С-г их хэмжээгээр агуулдаг. Витамин С нь элгийг сэргээж, хорт нэгдлүүдийг саармагжуулахад тусалдаг.

6. Байцаа

Байцаанд агуулагдах бодис нь элгийг хоргүйжүүлэгч энзимүүдээр хангаж, хорт бодисуудыг хөөн гаргахад тусалдаг.

7. Турмерик буюу куркума

Турмерик бол элэгний дуртай амтлагч. Энэ амтлагч нь элэгний хоргүйжүүлэх үйл явцыг дэмжиж, хоол хүнсээр дамжин элгэнд очсон хорт хавдар үүсгэгч бодисуудыг хөөж гаргадаг.

8. Хушга

Глутатион, омега-3 тосны хүчил, амино хүчил аргинин зэргээр баялаг энэхүү самар нь элэгний ердийн цэвэрлэх үйл ажиллагааг дэмждэг ба ялангуяа аммиакыг хоргүйжүүлдэг.

9. Авокадо

Шим тэжээлт бодисоор баялаг авокадо жимс нь биеийн глутатион нэгдэл үүсгэх явцыг дэмждэг.

10. Алим

Пектин болон хоол боловсруулах замаас хорт бодисуудыг хөөж, цэвэрлэх үүрэгтэй бусад ашигт бодисуудаар баялаг алим нь цэвэрлэх үйл явцын үед хорт бодисын ачааллыг зохицуулахад нь элгэнд тусалдаг.

11. Брюссель байцаа

Энэ жижигхэн байцаанууд нь хүхэр болон антиоксидант глюкосинолатаар баялаг ба эдгээр нь хүрээлэн буй орчин болон хоол хүнсэн дэх хорт бодисууд элгийг гэмтээх явдлыг зогсоож, хорт бодисуудыг зайлуулах энзим ялгаруулахад тусалдаг.

12. Сармис

Хүхрээр баялаг сармис нь элэг цэвэрлэгдэхэд тусалдаг байгалийн хоёр нэгдэл болох бактерийн эсрэг бодис болон селенийг их хэмжээгээр агуулдаг.

13. Багваахай

Багваахайн үндэстэй цай нь өөх тосыг задалж, амино хүчил ялгаруулахад элгэнд тусалдаг ба ерөнхийдөө хорт бодисыг хөөн гаргадаг.

14. Навчит ногоонууд

Навчит ногоонууд нь хүрээлэн буй орчны хорт бодисыг шингээдэг хлорофиллоор баялаг ба хүнд металлууд, химийн бодис, хортонтой тэмцэх хэрэгслүүдийг саармагжуулах, элэгний ачааллыг багасгах үр ашигтай.

15. Тоонолжин цэцэгт хүнсний ногоонууд

Брокколи болон цэцэгт байцаа нь хорт хавдар үүсгэгч бодис болон бусад хорт бодисуудыг биеэс хөөн гаргахад тустай.

16. Аспарагус буюу хэрээний нүд

Шээс хөөх үйлдэлтэй учир цэвэрлэх үйл явцад тустай.

17. Ногоон цай

Элэгний үйл ажиллагааг дэмждэг нэгдлээр нэн баялаг. Мөн антиоксидантуудыг ихээр агуулдаг.

18. Оливийн тос

Цэвэр оливийн тос нь бие дэх хорт бодисууудыг хөөх чадвартай.

19. Үр тариа

Цавуулгаар баялаг улаан буудай, гурил болон бусад бүхэл үр тариа нь элэг хоргүйжих үйл явцыг дэмждэг. Хоол хүнсэндээ гурвалжин будаа, цэвэрлээгүй шар будаа зэргийг хэрэглэж заншаарай.

21

Гайхмаар

6

Бахархмаар

6

Хөөрхөн

3

Гоё

3

Ха Ха

1

Буруу

0

Харамсалтай

0

Тэнэглэл

Баярлалаа!