Эртний түүхийн домогт 10 дайчин соёлууд

Хүн төрөлхтний түүхэнд Наполеоны үе эсвэл орчин цагаас хавьгүй өргөн хүрээтэй эртний дайчид маш олон байсан. Эдгээр дайчин овог аймгуудын олонх нь бидний түүхийн эрт балар үед оршин байсан бөгөөд ганц хоёрхон нь орчин үеийн түүхтэй арай ойртох аж. Дайтан байлдах, манлайлах гайхалтай ур чадвартай дайчдын бүлэг, дайчин соёлын нөлөө бүхэл бүтэн нийгэмд нөлөөлдөг байсан байна.

10. Маори дайчид

Шинэ Зеландын уугуул Полинез хүмүүс болох Маоричууд нь дайсныхаа сүнслэг хүч чадал, нэр төрийг олзлохын тулд дайснаа идэж нэр хүнд, хүндлэл олж авдаг байжээ. Голчлон овог аймгуудын хооронд газар нутаг булаалдан тэмцэлдэж тулалддаг байсан Маоричууд дайн тулааныг сүнслэг хүч чадал mana-г олж авахын төлөө тулалдсан өвөг дээдэст нь зориулагдсан гэж итгэдэг байжээ. Ижлээ идэх ёс нь тулаанд ялагдсан дайсныхаа mana-г эзэмших хүслээр цэнэглэгддэг байв. Олонх уугуул соёлуудтай адилгүй нь Маоричууд хэзээ ч ялагдаж байгаагүй юм. Харгис хатуу Маори дайчид дайсныхаа зүрхийг үхүүлэх тэр ч бүү хэл удахгүй болох хүйс тэмтрэлтийн дохиог өгөх гэж дайснууд руугаа халдахын өмнө Peruperu хэмээх дайны бүжиг хийдэг байжээ.

9. Хөлөг баатрууд

Хөлөг баатрууд нь морь унаж, иж бүрэн хуяг дуулга өмссөн агуу дайчид байжээ. Дундад зууны үеийн хөлөг баатруудын хувьд нэр төр гол тулгуур нь байв. Хөлөг баатруудын зорилго нь сул дорой нэгнийг хамгаалах, бүх нийтийн амар тайвны төлөө тулалдах байсан байна. Хуяг дуулга, зэр зэвсэг, хүлэг морьд гээд хэрэгцээтэй бүхнээр хангагдсан хамгийн шилдэг бэлтгэгдсэн дайчид байсан ба тэд бас их баян байжээ. Ихэвчлэн 18-30 кг жинтэй нүсэр хуяг дуулга өмсдөг тэдний зарим нь бүрэн металл дуулга өмсдөг нь 45 кг жинтэй байдаг байв. Дайчин эр болон жентлемений төгс жишээ байсан тэднийг хуяг дуулга нь маш сайн хамгаалдаг байсан учир дайны талбарт хамгийн тэсвэртэй, бат бөх дайчид байдаг байжээ.

8. Ромын легион

Хамгийн прагматик үзэлтэй хүмүүс гэгддэг Ромчууд бүгд гайхалтай дайчид байсан. Ром иргэдээс тусгайлан шалгаруулж элсүүлсэн Ромын эртний армийн үндэс нь Ромын легионууд байсан байна. Легионуудын байгууллага цаг хугацааны өөр өөр үед харилцан адилгүй хэмжээтэй байсан ч үндсэндээ 5400 цэрэгтэй байв. Тэд эртний Грекчүүдийн дараа хуяг дуулга, бамбайгаар зэвсэглэсэн хүнд явган цэргүүдтэй байсан. Бамбай барьж, илд, жадаар тулалдахдаа гаргууд байсан Ромын легионууд тулааны чадвар сайтай байсан байна.

7. Апаче дайчид

Апаче омгийнхон хөвгүүдээ дуу чимээ гаргахгүйгээр явах, удаан хугацааны турш нойргүй явах зэрэгт хар нялхаас нь сургадаг байжээ. Араас мэдэгдэлгүй гэтэж, ухаарч амжаагүй байхад хоолой хэрчих Апаче дайчдын зэвсэг ихэвчлэн мод, яс байдаг байв. Мөн тэд дэлхийн хамгийн шилдэг хутгаар тулалдагчид байсны дээр сүхийг гайхалтай оновчтой шиддэг байжээ. Апаче дайчид АНУ-ын баруун өмнөд хэсэгт амьдарч байсан байна.

6. Нинжа

XV зуунд худалдаачид байдлаар гарч ирсэн нинжа нар нь тагнуул, дайчин, галдан шатаагч тэр ч бүү хэл алан хядагч байдлаар ажилладаг байжээ. Японы хүчирхэг феодлын удирдагчдад хөлслөгдсөн нууц цэргүүд болон худалдаачид нь нинжа нар байв. Тэдний гол үүрэг нь тагнах, хорлон сүйтгэх, аллага байсан ба тэд илд, хорт сум үлээгч хоолой, нинжагийн од, гинжит хадуур зэрэг зэвсэг хэрэглэдэг байжээ. Шөнийн цагаар, сүүдэр даган сэм явдаг гэдгээрээ алдартай нинжа нар тулааны урлагийн гайхалтай мастерууд байсан.

5. Самурай

Дундад зуун болон эхэн үеийн орчин үеийн Японы цэргийн сурвалжтангууд, катанагийн мастерууд болох самурай нар багш, эздийнхээ төлөө үхэхэд ч бэлэн байдаг. Дэлхийн хамгийн хурц илдээр зэвсэглэж, хуяг дуулга өмссөн самурай нарын илд эзэмших чадварыг гайхмаар. Мөн тэд эрт цагийн хамгийн шилдэг харваачид байсан. Маш хатуу чанд сургуулилттай тэдний хүчирхийлэгч авир нь ядуу тариачдыг тэдний эсрэг босож, нинжа нар үүсэхэд хүргэжээ.

4. Викинг дайчид

Европын айдас болсон Викингчүүд нь харгис хэрцгий дайралт, сүхт тулаан, сүсэг бишрэлгүй байдлаараа бүх Европыг чичрүүлж байсан. Викинг дайчид хуяг дуулга нэг их өмсдөггүй байсан ба зөвхөн хааны хамгаалагчид л гинжин хуяг өмсдөг байв. Сүх, жад, илдийг зэвсгээ болгон ашигладаг тэдний тулааны хэв маяг нь гэнэтийн ширүүн дайралт байжээ.

3. Мамлюк дайчид

1250-1517 оны хооронд Египетийг захирч байсан Мамлюкууд нь ислам болсон боол цэргүүд байсан бөгөөд дундад зууны үеийн Муслимын халифууд, султануудад үйлчилж байв. Цаг хугацааны урсгалд тэд цэргийн хүчирхэг бүлэг болж эздээ сууринаас нь түлхэн унагаж, Монголчууд болон загалмайтнуудыг ялж, 300 жилийн турш ноёрхсон эзэнт гүрнийг байгуулжээ.

2. Спартан дайчид

Спартанчуудын соёл нь бүхэлдээ дайны тухай бөгөөд эрчүүдийг бүх амьдралынх нь туршид бэлтгэж сургуулилдаг байв. Ялалт байгуулахгүй юм бол бүү эргэж ир гэсэн үгийг хэлдэг энэ дайчид илд болон бамбайгаар гайхалтай тулалдаг байжээ. Сул дорой байдал ямар ч Спартан дайчны хувьд тэсвэрлэшгүй зүйл байсан байна. Тухайн үеийнхээ бүх Грекийг айлган чичрүүлж байсан Спартанчууд дэлхийн хамгийн тэсвэр тэвчээртэй дайчид байжээ.

1. Монгол дайчид

Дэлхий дахиныг нэгэн тугийн дор нэгтгэх гэж их аян дайнд гарсан Азийн морьтон дайчид болох Монголчууд XIII зуунд дэлхийн талыг байлдан дагуулсан түүхтэй. Түүхэн дэх хамгийн агуу удирдагчдын нэг Чингис хааны удирдлаган доор морин дэл дээр дайтаж явсан Монгол эрс нум сумаар давхиж буй морины нуруун дээрээс гайхалтай оновчтой харвах чадвартай байсны дээр онцгой тэсвэр тэвчээртэй, байлдаанч хүмүүс байжээ.

19

Бахархмаар

4

Хөөрхөн

2

Тэнэглэл

2

Ха Ха

2

Гайхмаар

2

Гоё

0

Харамсалтай

0

Буруу

Баярлалаа!