2015 онд таны сексийн амьдралыг сайжруулах йогийн 10 байрлал

Танд байнга йог хийдэг хүмүүс яагаад ийм аз жаргалтай, амгалан тайван байдаг юм бол гэсэн бодол төрж байсан уу? Учир нь байнгын йогоор хичээллэдэг хүмүүсийн сексийн амьдрал бүхэлдээ дээд зэргээр чанарждагтай холбоотой аж. Биеийн эсэргүүцэл, уян хатан байдлыг сайжруулахаас эхлээд өөртөө итгэлтэй байдал болон биеийн мэдрэмжийг нэмэгдүүлдэг йог болон гайхалтай сексийн хоорондох холбоо маш нягт юм. Йог нь эрэгтэй эмэгтэй хүний аль алиных нь унтлагын өрөөн дэх амьдралд үр ашигтай ба хэрвээ та болон таны хамтрагч сексийн амьдралдаа шинэ, гайхалтай мэдрэмж, сэтгэл ханамжийг хүсэж байгаа бол хамтдаа йогийн студийг зорих хэрэгтэй юм байна.

Дараах 10 йогийн байрлал нь таны сексийн амьдралд гайхалтай нөлөө үзүүлж чадна.

1. Хөлөө алцайлган суух байрлал

Энэ байрлал нь цавь салтаа орчмын цусны эргэлтийг сайжруулдаг. Энэ байрлалд суухдаа хөлөө өөрт тухтай байдлаар аль болох сайн алцайлгаад хөлөө сунган шалнаас хөндийрүүлэлгүй сунгана. Цээжээ эгц сууж байгаад шал руу цээжээ доош бөхийлгөн хоёр гараар хоёр хөлнөөс барина.

2. Випарита Карани байрлал

Аарцаг орчмын цусны эргэлтийг сайжруулдаг энэ байрлалын үед нуруугаараа шалан дээр хэвтээд хөлөө дээш өргөн, их биедээ перпендикуляр байрлалд оруулна. Хөлөө дээш ийнхүү өргөхдөө хананд налуулах байдлаар тусламж авч болно.

3. Хүүхдийн байрлал

Оюун санаа хийгээд биеийн аль алиныг амрааж тайвшруулах энэ байрлал стрессийг арилгадаг. Эхлээд өвдөг нугалан суугаад дараа нь бохирон сууж, аажмаар гараа урагш сунган цээжээ доошлуулна. Гарын алгаа шаланд нааж, эгц урагш сунгана.

4. Гүүр байрлал

Аарцаг орчмын булчингуудад чиглэсэн энэ байрлал илүү хүчтэй, хяналттай дур тавилтанд хөтөлдөг. Гүүр байрлалд орохдоо шалан дээр нуруугаараа хэвтээд өвдгөө аажмаар нугалж, гуяа шаланд параллель болж, бие чинь гүүр хэлбэртэй болох хүртэл өгзгөө өргөнө. Энэ байрлалд 30 секундээс 1 минут хүртэл хугацаагаар байна.

5. Бадамлянхуа байрлал

Гуя болон ташааны булчингийн уян хатан байдлыг дэмждэг энэ байрлалд суухдаа хөлөө завилан шалан дээр сууж, хөлийнхөө тавхайнуудыг эсрэг талын гуян дээр тавина. Энэ байрлалын туршид гуяны булчин ихээр сунаж байгааг мэдрэх ёстой.

6. Анжис байрлал

Тархинд очих цусны эргэлтийг сайжруулснаар анхаарал болон урам зориг, сэрлийг нэмэгдүүлдэг энэ байрлал сексийн үеэр нуруунд гэмтэл авах эрсдлийг бууруулдаг. Шалан дээр дээш харан хэвтээд хөлөө шулуун байдлаар өргөж, биеийнхээ дээгүүр давуулна. Хөлийн хуруунуудыг толгойн оройн чиглэлд шаланд хүргэж, гараа нурууны араас тулах эсвэл зүгээр л биеийн дагууд шалан дээр тавьж болно.

7. Бүргэд байрлал

Савны хүзүү орчмын цусны эргэлтийг сайжруулах энэ байрлал сексийн харилцааны үед илүү тааламжтай мэдрэмжийг амсахад тусалдаг. Нэг хөлөөрөө шалан дээр зогсоод шалан дээр тулсан хөлөө нөгөө хөлөөрөө орооно. Хоёр хөлөө аажмаар шахсанаар энэ байрлалаас гарах үед цус урсгал нэмэгдэнэ.

8. Охин тэнгэр байрлал

Эмэгтэйчүүдэд сарын тэмдгийн үеэр өвчнийг багасгахад тусалдаг энэ байрлалд орохдоо суугаа байрлалаас хөлөө өвдгөөр нугалж, хөлийн улыг гадагш чиглүүлнэ. Өвдгөө нугалахдаа нуруу эгц байдлаар доош сууна.

9. Доош харсан нохой байрлал

Энэхүү байрлал бол йогийн бүх байрлалуудын үндсэн байрлалуудын нэг. Мөн йог хийж сурахаар төлөвлөж байгаа үед зайлшгүй суралцах байрлал юм. Өвдөг нугалан өвдөг болон гараараа газар тулж дөрвөн хөллөнө. Хөлөө эгцлэх зуураа ташаагаа хойш түлхэж өгнө. Өгзгөө агаарт өргөж өгснөөр бие чинь гүүр хэлбэртэй болж өгнө.

10. Гүрвэл байрлал

Бадамлянхуа байрлалтай адил ташаа болон аарцаг орчмын уян хатан байдлыг дэмждэг энэ байрлалыг авахдаа доош харсан нохой байрлалаас баруун хөлөө баруун гарын бугуйн орчимд зэрэгцүүлэн байрлуулна. Баруун өвдгөө нугалж, гуяа шалтай параллель байрлуулах ба боломжтой бол гараа тохойгоор нугалж, биеэ аль болох доошлуулна.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!