Нялх хүүхдийн цацлагыг ашиглан шийдэж болох 12 асуудал

Нийтлэгч: Жаргал

Огноо: 2014/08/21

40,140

Total0
0

Baby powder буюу нялх хүүхдийн цацлагыг манайхан ихэвчлэн тальк гэж хэлдэг. Бидний хайртай үрсийн арьсыг хуурай, зөөлөн, цэвэр байлгах зориулалт бүхий энэ бүтээгдэхүүнийг дээхэн үед хатгамал хатгадаг ээжүүд хээгээ буулгахад ашигладаг байсныг санаж байна. Үүнээс өөрөөр ашиглах боломжгүй гэж бодож байгаа бол энэ бүтээгдэхүүнийг үнэхээр дутуу үнэлж байгаа хэрэг аж. Нялх хүүхдийн цацлагыг ашиглан шийдэж болох асуудлууд цөөнгүй байдаг ба хэрхэн, юунд ашигладаг болохыг энд жагсаалаа.

1. Зангирсан хүзүүний зүүлт

Хүзүүний зүүлтний зангирсан хэсэгтээ тальк цацаад сүлбээр зүү ашиглан тайлж болно.

2. Хөгц үнэртсэн тавилга

Гал тогооны тавилганыхаа шургуулганы бүрээсэн доогуур хүүхдийн цацлага цацчихвал цэвэрхэн, таагүй үнэргүй байдаг.

3. Тослог үс

Олонх хуурай шампунь цардуулан суурьтай байдаг. Тиймээс хүүхдийн цацлага ч адилхан нөлөө үзүүлнэ. Гартаа багахан тальк цацаад хуйхандаа иллэг хийхэд илүүдэл тосыг маш сайн шингээдэг.

4. Зуны бөгчим шөнө

Зуны бөгчим шөнө халуун, зууралдсан хөнжил шөнийн нойрыг тавгүйтүүлдэг. Цагаан хэрэглэлийнхээ завсраар нунтаг цацлага цацчихвал хөлсийг шингээж, сэрүүн мэдрэмж төрүүлнэ.

5. Наалдсан хөзөр

Шөнөжин покердох гэтэл хөзөрнүүд чинь барьцалдаж наалдаад байвал цаасан уутанд хөзөрнүүдээ хийж, дээрээс нь хэдэн амны халбага хүүхдийн цацлага хийгээд сайн сэгсэрчих. Дараа нь хөзөрнүүдээ цаасан алчуураар арчаарай.

6. Шоргоолжны гэр бүл

Энэ бяцхан амьтан гал тогоо руу чинь халдаад байвал замыг нь талькаар хаачих.

7. Тосны толбо

Ямар ч тосон толбыг хүүхдийн цацлага маш сайн шингээж авдаг. Харин дараа ердийн угаадаг байдлаараа угаагаарай.

8. Резинэн бээлий

Аяга таваг угаах, шал арчих, хувцас угаах зэргийнхээ дараа резинэн бээлийнийхээ дотор талд багахан тальк цацчих. Энэ нь бээлийг цэвэрхэн, хуурай байхад туслах ба дараагийн удаад өмсөхөд хялбар байлгадаг.

9. Чахардаг модон шал

Модон шалан дээрээ хүүхдийн цацлага цацчих. Чахрах дуу арилсан бол илүүдэл хэсгийг нь арчаад цэвэрлээрэй.

10. Элс наалдсан хөл

Нуур, далайн эрэг рүү явахдаа цүнхэндээ жижиг савтай хүүхдийн цацлага авахаа битгий мартаарай. Эргээс явахаасаа өмнө элс наалдсан хөлөө хүүхдийн цацлагаар цэвэрлэж болно.

11. Гайхалтай сормуус

Гоо сайхны блог хөтлөгчид үүнийг дуу нэгтэйгээр зөвшөөрдөг. Сормуусны будгаа давхарлан түрхэхээсээ өмнө хөвөн багс ашиглан сормуусан дээрээ хүүхдийн цацлага түрх. Гайхмаар үр дүн харагдана.