Сайн найзтайгаа гэр бүл болно гэдэг гайхалтай биш гэж үү? Нэгнээ маш сайн мэддэг хэн нэгэнтэй гэр бүл болно гэдэг нь үл итгэлцэл, үл ойлголцол гарахгүй, сэтгэл доторх хамгийн таагүй зүйлсээ ч чөлөөтэй ил гаргаж ярилцах боломжийг бүрдүүлдэг нь ойлгомжтой. Харин саяхан судлаачид сайн найзууд гэр бүл болох нь хамгийн тохиромжтой байдгийг баталжээ.
Ханиа найз нөхөр шигээ үздэг хүмүүс амьдралдаа бусдаас илүү сэтгэл хангалуун байдаг
Гэрлэлт гэдэг бие болоод сэтгэл зүйн хувьд олон өөрчлөлтийг хүнд гаргадаг. Гэхдээ судалгаагаар урьд өмнө нь найз нөхдийн харилцаатай байсан эсвэл ханиа найз нөхөр шигээ үздэг хүмүүсийн амьдрал бусдаас хоёр дахин илүү сэтгэл ханамжтай байдаг нь харагджээ.
Түүнчлэн найз нөхдийн харилцаанаас хайр сэтгэлийн харилцаатай болсон хосуудын амьдрал аз жаргал дүүрэн, хоорондын харилцааны үнэ цэнийг хэнээс ч илүү мэдэрдэг, нэгнээ харилцан хүндэлдэг гэрлэлт бий болдог нь тогтоогдсон байдаг.
Тэдний гэрлэлт урт удаан үргэлжилдэг
Судлаачид 15 буюу түүнээс олон жил хамт амьдарч байгаа хосуудын урт удаан бөгөөд аз жаргалтай амьдралын нууцыг чухам юу байсан талаар асуулга явуулахад дийлэнх хосууд ханийгаа хамгийн сайн найз минь учраас хэмээн тодорхойлжээ. Түүнчлэн хувь хүнийхээ хувьд надад хамгийн их таалагддаг учраас гэсэн хариулт удаах байрт орсон бөгөөд энэ нь мөн л найз нөхдийн хүрээний нэгэн шинж чанар гэдгийг хэлэх нь илүүц биз ээ.
Тэд амьдралдаа сэтгэл хангалуун байж чаддаг
Найз нөхөр гэдэг хүний амьдралд аз жаргал бэлэглэгч чухал зүйлсийн нэг билээ. Харин найз нөхрийн холбоотой хэн нэгнийг амьдралынхаа ханиар сонговол зөвхөн аз жаргал ч бус бие, сэтгэлийн эрүүл мэндэд эерэгээр нөлөөлж эхэлдэг байна.
Судалгаагаар найз нөхрийн харилцаан дээр үндэслэсэн хайр дурлалын харилцаа хэн хэндээ тааламжтай, тухтай байдаг. Энэ нь нэг ижил хүсэл сонирхолтой хүмүүс найз нөхөр болдог гэдэгтэй шууд холбоотой биз ээ.
Бонус: Найз нөхрийн харилцаан дээр тулгуурласан гэрлэлт бүсгүйчүүдэд илүү тааламжтай байдаг
Бас нэгэн судалгаагаар найз нөхдийн харилцаанаас гэр бүл болсон хосуудын хувьд эрчүүдээс илүү бүсгүйчүүд илүү сэтгэл ханамжтай байх хандлагатай байдаг ажээ. Түүнчлэн эрчүүдтэй харьцуулахад бүсгүйчүүд эр нөхрөө өөрийн хамгийн сайн найз гэж үзэх үзэл харьцангуй бага байдаг нь ажиглагдсан байна.
Таны хайртай нэгэн таны хувьд хамгийн сайн найз тань байж чаддаг уу? Найз нөхрийн холбооноос хайр дурлалын харилцаатай болох боломжтой гэж та боддог уу?
Гоё
Буруу
Ха Ха
Тэнэглэл
Хөөрхөн
Гайхмаар
Бахархмаар
Харамсалтай
