Бүсгүй автомашины осолд орсныхоо дараа зургаа сошиалд оруулжээ. Гэвч хүмүүс бүсгүйн гэмтэл бэртэлд бус огт өөр зүйлд анхаарлаа хандуулаад байжээ. Тэр нь юу байсан гэж санана?

Энэ түүх өнгөрсөн оны 6 дугаар сард Бостонд амьдардаг Шелби Паган-д тохиолдсон юм. Шелби – кинонд гардаг шиг л “тамирчин, комсомолчин, бас жирийн нэгэн үзэсгэлэнтэй бүсгүй”: сувилагч, бас гал сөнөөх ангид ажилладаг, сайн дурын ажилд ч оролцдог нэгэн. Ийм идэвхтэй бас сайхан сэтгэлтэй хүн ч таагүй байдалд ордог ажээ. 6 дугаар сарын 28-ны өдөр бүсгүй авто осолд орж зарим нэг гэмтэл бэртэл авсан байна. Азаар хөнгөн бэртэл байсан тул Шелби удалгүй эдгэсэн юм. Үүгээр энэ түүхэд цэг тавьж болохоор байв, гэтэл Шелби цагдаа нарт зориулж эмнэлгийн орон дээр хэвтэж байгаа зургаа даржээ, үүнийгээ ч Инстаграмдаа тавьсан байна. Сошиал суваг хэрэглэгчид түүнд дэмжлэгийн үг илгээх нь илгээж, харин зарим нэг нь түүний гэмтэл бэртлээс илүүтэй тэс өөр зүйлд анхаарал хандуулжээ.

Танилцацгаана уу, Бостоны сувилагч Шелби Паган

Шелби автомашины осолд орсныхоо дараа Инстаграмд өөрийнхөө зургийг тавьжээ

Хэдэн өдөр үзэгдээгүйг минь, мөн өнөөдөр хөгжилтэй нийтлэл тавьж чадаагүйг минь өршөөгөөрэй.

6 дугаар сарын 28-ны Лхагва гаригт би ослын гэрлээ асаачихаад замаас гарч зогсоод техникийн тусламж руу залгасан юм, энэ үед миний шатахуун дуусчихсан юм л даа. Намайг утсаар ярьж байх хооронд 90 км/цаг хурдтай давхиж байсан машин ирж мөргөөд… Ингээд л нэг мэдэхэд намайг хүзүү, өвдөгний гэмтэлтэй, духандаа шархтай гээд түргэний машинаар аваад явсан. Энэ аймшигтай ослоос амьд гарсан төдийгүй бараг гэмтэлгүй үлдэж чадсанаа их аз гэж бодож байгаа.

Осол аваарын шалтгаан одоо болтол тодорхойгүй хэвээр. Гэхдээ надад миний амьдрал байна, би найз нөхөд, цуг ажилладаг хүмүүс, гэр бүлийнхнээрээ хүрээлүүлж байна. Сувилагч, эмч гээд надад тусалсан бүх хүмүүстээ талархлаа.

Сошиалын хэрэглэгчид түүнд дэмжлэгийг үг илгээхээс гадна гэрэл зураг дээрх өөр нэг зүйлийг нарийн анзаарчээ

Нүдний будаг бас л сайнаараа үлдсэн байна шүү.

Бас тэр контур уу! Түүний туулж гарсан аймшгийн дараа гэхэд бараг өөгүй хэвээр үлдэж чаджээ

Дөнгөж сая чиний постыг харлаа, зүгээр байгаад чинь баяртай байна. Нэг бодлын инээдтэй, нөгөө бодлын уйтгартай санагдчихлаа, гэхдээ энд байгаа бусад хүмүүсийн адил чи ямар контур ашигладгийг мэдмээр байна.

Ийм утга агуулгатай сэтгэгдэл маш олон бичигджээ. Ингээд Шелби хүрээлэгч харандааныхаа талаарх сэтгэгдлээ үйлдвэрлэгчийн албан ёсны сайт дээр үлдээхээр шийдэв.

Би авто осолд орсон ч миний контур байрнаасаа ч хөдлөөгүй байна.

Энэ бүтээгдэхүүн үнэхээр сайн эд байна. Замаас гараад техникийн тусламж дуудахаар утсаар ярьж байтал 90 км/цаг хурдтай давхиж байсан машин намайг ирж мөргөсөн юм. Намайг түргэний машин ирж авсан, би 8 цаг эмнэлэгт өнгөрөөсөн. Миний сормуусны будаг нулимстайгаа цуг урссан, бусад будагнууд эмнэлэг рүү явж байх замд арилжээ. Ганцхан контур л арилсангүй. Контур байрандаа үлдсэнийг батлах гэж та бүхэнд өөрийн гэрэл зургийг илгээлээ. Будаг юу ч болсон хамаагүй байрандаа л үлдэнэ гэсэн шиг. Энэ хүрээлэгч харандааг өөр юугаар ч, хэзээ ч солихгүй.

Энэ бүтээгдэхүүн усанд тэсвэртэй. Тийм ээ, та үүнийг заавал туршиж үзэх ёстой.

4 дүгээр сарын 24-ний өдөр @guadalahari гэх нэртэй бүсгүй хүрээлэгч харандаа хайж байгаад нэгэн хачирхалтай сэтгэгдэл олж уншжээ. Тэр олсон сэтгэгдлээ Твиттерээр хуваалцсан нь вирус шиг л тарахад хүрсэн байна.

Уг пост багагүй шуугиан тарьсан юм, гэхдээ хамгийн сонирхолтой нь бүсгүй ганцаараа ийм байдалд ороогүй байжээ

Харин энэ бүсгүйгээс юугаар контур зурсныг асуугаад зогссонгүй, нүүрний будгаа юугаар тогтоож байгааг ч бас асуужээ. Яагаад гэвэл нүүрний будаг нь мундаг хадгалагдаж үлдсэн байгаа юм.

Бүсгүй хүн гэж бүсгүй л хүн байх юм даа: ийм хүнд нөхцөл байдалд орсон ч гэсэн сайхан харагдахыг хүснэ. Шелби өөрийг нь буруутгасан хүмүүст бас нэгэн тайлбар хийжээ:

87

Ха Ха

20

Тэнэглэл

19

Буруу

17

Бахархмаар

11

Гоё

8

Харамсалтай

7

Хөөрхөн

6

Гайхмаар

Баярлалаа!