Олон янзын өвчинд зориулсан бүр ч олон төрлийн эм байх боловч тэдний аль нь ч 100%-ийн баталгаатай эмчлэхгүй, эсвэл хүн болгон худалдаж авч чадахааргүй үнэтэй байдаг.
Орчин үеийн шинжлэх ухаан, технологийн дэвшил нь анагаах ухааныг шинэ шатанд гаргахаас өмнө хүмүүс янз бүрийн эмийн ургамал хэрэглэдэг байжээ.
Байгаль дэлхий үнэхээр олон ид шидийг агуулдаг гэдэг нь маргашгүй. Гэтэл байгаль эх гэдэг зүйл байсаар байтал яагаад хүмүүс маш их мөнгийг эм, эмчилгээнд зориулсаар байна вэ?
Хариулт нь их энгийн – орчин үеийн анагаах ухаан үүний эсрэг байна. Тийм ээ, хүн эм уугаад маш хурдан үр дүнг нь мэдэрдэг. Харин байгалийн гаралтай ургамал нь удаан хугацааны турш хэрэглэж байж л үр дүнгээ үзүүлж эхэлдэг. Гэхдээ энэ нь таныг зөвхөн эмчлэх төдийгүй таны амьдралын чанар, өнгө будгийг ч гэсэн сайхан болгох билээ.
Байгаль дэлхийн бидэнд өгөх хамгийн сайн зүйлсийн нэг бол антибиотикийн оронд хэрэглэж болох эмийн ургамалууд юм. Тэдний зарим нэгийг танилцуулахад:
1. Сармис
Сармис бол зөвхөн хоолны сайн амтлагч төдий бус, мөн бактерийн эсрэг, үрэвслийн эсрэг үйлчилгээтэй, залуужуулах шинж чанартай ургамал юм. Сармист ихээр байх аллицин нь ихэнх микробыг устгах чадалтай байдаг.
Мөн сармисыг шимэгчийн эсрэг, тулай өвчний үед, чихрийн шижин, зүрх-судасны өвчинд хэрэглэхэд сайнаар нөлөөлдөг. Бас архаг өтгөн хатах, халуурах, шээсний замын өвчин, нойргүйдэх зэрэгт хэрэглэхийг зөвлөдөг байна.
2. Сонгино
Энэ амттай ногоо нь таныг уйлуулдаг ч тэжээллэг чанар нь харин баярлуулдаг билээ. Сонгино олон талаараа сармистай адил үйлчилгээтэй. Өвчин дарах, үрэвслийн шинж тэмдгийг багасгах, ханиад томуунд сайн гэх мэт. Мөн цусан дахь муу хоестерины хэмжээг бууруулж дархлаа дэмжих, ходоод гэдэсний хямралыг зөөллөх, судас нарийсах, ханиалга, бронхит, даралт ихсэх, бэлгийн үйл ажиллагааны хямралд хэрэглэнэ.
3. Грейпфрутын ясны экстракт
Сүүлийн үеийн судалгаагаар грейпфрутын ясны экстракт нь бактерийн эсрэг болон вирусын эсрэг, мөөгөнцрийн эсрэг үйлчилгээтэй болохыг тогтоожээ. Тийм учраас энэ бүтээгдэхүүнийг янз бүрийн халдварын үед ашиглахыг зөвлөдөг болсон байна.
4. Тунхуу
Тунхуу нь ходоодны үйл ажиллагааг сайжруулдаг, цэр ховхлох зэрэг үйлчилгээтэй. Янз бүрийн ханиад томууны үед, үрэвслийн үед болон ходоод гэдэсний хямрал, нурууны өвчин, элэгний өвчин, тулай, ревматизм, давсагны өвчин, арьсны өвчинд хэрэглэж болно. Тунхуунд байх глюкозын элдэв нэгдэл нь бүр хорт хавдартай ч тэмцэх хүчтэй нэгдэл билээ.
5. С амин дэм
С амин дэм буюу аскорбины хүчил нь хан боргоцой, жүрж, нимбэг зэрэг янз бүрийн жимс ногоонд их байна. Энэ хүчирхэг антиоксидантыг хүний дархлааг сайжруулах, үе мөчний зөөлөн эдийг бэхжүүлэх, цусны судасны үйл ажиллагааг сайжруулах зорилгоор хэрэглэдэг.
Мөн энэ амин дэмийг арьс нөхөн сэргээхэд хэрэглэнэ. Үүнээс гадна С амин дэм нь зүрхийг эрүүлжүүлэх, зүрхний өвчнөөс урьдчилан сэргийлэхэд чухал ач холбогдолтой юм.
6. Манука зөгийн бал
Энэ өвөрмөц зөгийн балны гарал үүсэл нь Шинэ Зеланд юм. Уг бал бактерийн эсрэг, үрэвслийн эсрэг, микроб болон вирусын эсрэг, мөөгөнцрийн эсрэг үйлчилгээтэй.
Одоо энэ балыг анагаах ухаанд жижиг шархыг, түлэгдлийг эдгээхэд голчлон хэрэглэж байна. Бас холестерины өндөр хэмжээг багасгах, чихрийн шижин болон хорт хавдрын эсрэг хэрэглэнэ.
7. Цинамон
Цинамон нь антиоксидант болох полифенолоор баялаг ба энэ нь чөлөөт радикалаас болж хүний биеийн хүчиллэг байдлын тэнцвэр алдагдахаас сэргийлнэ. Мөн цусан дахь сахарын хэмжээг багасгах, чихрийн шижингээс хамгаалах чухал үүрэгтэй. Мөөгөнцөр болон бусад төстэй өвчний эсрэг бас сайн үйлчилгээ үзүүлнэ. Цинамоныг хүнсний бүтээгдэхүүнийг удаан хадгалахад бас ашигладаг байна.
8. Алимны уксус
Бүр Гиппократын үеэс алимны уксусыг эм болгон хэрэглэдэг байжээ. Антиоксидантаар баялаг, гэмтсэн эд эсийг сэргээх үйлчилгээтэй. Бас микробыг өөрийн хүчиллэг чанараараа устгадаг нь антибиотикийн үүрэгтэй адил юм. Зүрхээ эрүүл байлгах, турахын тулд алимны уксусыг хэрэглэдэг байна.
9. Эвкалипт
Эвкалипт нь арьсны шархыг эдгээхэд маш сайн үйлчилгээ үзүүлдэг юм. Мөн ханиадны эсрэг цайнд хийж уух, мөөгөнцөр устгахад хэрэглэнэ. Амны хөндий, амьсгалын замын өвчин болох хатгаа, астма, сүрьеэ, бронхитийн эсрэг эмчилгээнд өргөнөөр ашигладаг байна.
Эвкалиптын тос нь тайвшруулах үйлчилгээ үзүүлж хүний сэтгэл зүйн хямралд эерэгээр нөлөөлдөг. Мөн хэт ядаргаа, стрессийн эсрэг үйлчилгээ үзүүлдэг билээ.
10. Цагаан гаа
Цагаан гааг ханиад болон түүнтэй төстэй өвчний эсрэг хэрэглэх ба түүнд ихээр байдаг гингерол хэмээх бодис нь олон төрлийн эмчилгээний шинж чанартай байна. Цагаан гааны үндэс нь дотор муухайрах, ходоодны хямрал, булчин, үе мөчний өвчинд сайн.
Энэ мэдээллийг найз нөхөд гэр бүлийнхэндээ заавал уншуулаарай.