Хүн хөрөнгө чинээ, мөнгө төгрөг ихтэй байх тусам хэрэглээ нь улам бүр өндөрсдөг нь нууц биш. Дэлхийн улс орнуудын чинээлэг эрхмүүдийн дунд энгийн орон сууцанд амьдарч, хямдхан машинаа олон жил унаж байгаа хүмүүс цөөхөн хүмүүс байдаг. Харин үлдсэн дийлэнх нь хамгийн сүүлийн үеийн тансаг зэрэглэлийн машин хөлөглөж, эрт цагийн баялаг түүхтэй хуучны шилтгээнд амьдарч, Дэлхийн хамгийн үнэтэй, хамгийн тав тухтай газруудаар үйлчлүүлж, амарч тухалдаг. Энд бид та бидний мэдэх зарим алдартнуудын өдөр тутмын амьдралаа өнгөрүүлдэг гэр сууцны талаарх мэдээллийг бэлтгэсэн байгаа ба энэхүү мэдээлэлд тухайн алдартан Дэлхийн хамгийн нөлөө бүхий хүмүүсийн жагсаалтын хэдэд бичигддэг, ямар үнэтэй ямар орд харш, шилтгээнийг хэзээ авсан зэрэг мэдээллүүд багтсан байгаа юм. Сонирхолтой санагдана гэдэгт эргэлзэхгүй байна.
Мадонна /Madonna/
Хамгийн нөлөө бүхий алдартнуудын жагсаалтын 5-д бичигддэг.
Фото: Калифорни, Беверли Хиллз дэх франц стилийн харш
Үнэ: 22,5 сая доллар
1500 м хавтгай дөрвөлжин талбай бүхий энэ харш 5000 м хавтгай дөрвөлжин талбай дээр байрладаг. 9 унтлагын өрөө, 2 давхар хоолны өрөө, биеийн тамирын заал, хэд хэдэн оффисын өрөө, ажилчдын өрөө бүхий энэ харшийн хашаан дотор амралт хэлбэрийн усан сан бий. Дуучин хатагтай энэ харшаа 22,5 сая доллараар худалдаж авсны зэрэгцээ Манхэттэн дахь орон сууцаа 16 сая доллараар зарсан байна. Саяхан Мадонна Манхэтэны зүүн хэсэг дэх хотын байшиндаа нүүж очсон ба энэ байшингаа 2009 онд 32,5 сая доллараар худалдаж авч байжээ.
Тейлор Свифт /Taylor Swift/
Хамгийн нөлөө бүхий алдартнуудын жагсаалтын 6-д бичигддэг.
Фото: Роуд Айленд дахь Вотч Хилл хотын эрэгт, Атлантын далайн эрэг дээрх харш
Үнэ: 17 сая доллар
Кантри поп гүнж өнгөрөгч 4-р сард энэ харшаа худалдаж авсан ба 20,000 кв.м талбайг эзлэн орших тансаг харшийн эзэмшил газарт 65 метр урт далайн эрэг мөн ордог байна. Залуу дуучин бүсгүй Калифорний Беверли Хиллзд нэг, Нэшвиллд хоёр гэртэй.
Жон Бон Жови /Jon Bon Jovi/
Хамгийн нөлөө бүхий алдартнуудын жагсаалтын 7-д бичигддэг.
Фото: Нью Йорк дахь пентхаус
Үнэ: 42 сая доллар
Манхэттэны Сохо дүүрэг дэх энэ пентхаусыг дуучин эрхэм 2007 онд худалдаж авсан ба хэвлэл мэдээллийнхний хэлж байгаагаар засварт нь гэхэд л олон сая доллар зарцуулсан гэнэ. 692 кв.м талбай бүхий энэ пентхаус 5 унтлагын өрөө, хэд хэдэн гал тогооны өрөө, олон задгай зуух, сэрүүн тавцангуудтайгаас гадна хотын үзэмжийг тольдох панорам маягийн цонхнуудтай гэнэ.
Жастин Бибер /Justin Bieber/
Хамгийн нөлөө бүхий алдартнуудын жагсаалтын 9-д бичигддэг.
Фото: Калифорний Калабасас хот дахь Оакс харш
Үнэ: 6,5 сая доллар
Лос Анжелес гүнлэгийн захад орших энэ байшингаа залуу дуучин өнгөрсөн жил худалдаж авсан. 6 унтлагын өрөө, 7 угаалгын өрөө бүхий энэ харшийн амьдрах талбай нь 855 кв.м аж.
Женнифер Лопез /Jennifer Lopez/
Хамгийн нөлөө бүхий 100 алдартны 12-т бичигдсэн.
Фото: Нью Йоркын Вотер Милл дэх харш
Үнэ: Өнгөрөгч 5-р сард Лопез 12,000 кв.м талбайтай газар дээр орших 890 кв.м талбай бүхий энэ харшийг худалдаж авсан ба 8 унтлагын өрөө, 7 угаалгын өрөө, хувийн саунтай. Байшингийн дэргэд жижигхэн байшин бүхий усан сан, дуучин хатагтайн Порше машинд зориулсан тусдаа гарааш бий. Лопез мөн Нью Йоркын Глен Хидэд нэг, Калифорнид нэг байшинтай.
Рианна /Rihanna/
Хамгийн нөлөө бүхий 100 алдартны 13-т бичигдсэн.
Фото: Лос Анжелесын захад орших Art Nouveau харш
Үнэ: 12 сая
1021 кв.м талбай бүхий энэ харшийг Рианна өнгөрсөн жилийн 12-р сард худалдаж авсан. 7 унтлагын өрөө, 9 угаалгын өрөөтэй энэ харшийн гадаа наран шарлагын газар болон барбекьюны тоног хэрэгсэл байрладаг. Цэцэрлэгийн талбай нь 560 кв.м.
Леброн Жеймс /LeBron James/
Хамгийн нөлөө бүхий 100 алдартны 16-д бичигдсэн.
Фото: Флорида, Маяами дахь Коконат Грөү харш
Үнэ: 9 сая доллар
Сагсан бөмбөгийн од энэ харшаа 2010 онд Маяами Хитэд нэгдсэнийхээ дараа авсан. Далайн эрэг дээрх 1130 кв.м талбай бүхий энэ байшин 6 унтлагын өрөө, дарсны зоорь, гэрийн театр зэрэгтэйн дээр арын хашаандаа усан сан, 2 дарвуулт онгоцны зогсоолтой аж.
Кети Перри /Katy Perry/
Хамгийн нөлөө бүхий 100 алдартны 18-д бичигдсэн.
Фото: Лос Анжелесын Холливуд Боулевард дахь харш
Үнэ: 6,5 сая доллар
Дуучин хатагтай 2011 онд хуучин нөхөр Рассел Брэнд /Russell Brand/-тэйгээ хамт амьдарч байсан энэ байшингаа худалдахаар шийдсэн ба өнгөрөгч 5-р сард 2 усан сан, 2 зочны байшин бүхий 16,000 кв.м талбайтай харшийг 11,2 сая доллараар худалдан авсан байна.
Леонардо ДиКаприо /Leonardo DiCaprio/
Хамгийн нөлөө бүхий 100 алдартны 21-д бичигдсэн.
Фото: Малибу дахь харш
Үнэ: 18,9 сая доллар
Энэ харшаа ДиКаприо 23 сая доллараар зарахаар тавьсан ч үнэ нь 18,9 сая болтлоо буураад байгаа. Энэ бол Малибу дахь жүжигчин эрхмийн хоёр харшийн нэг нь бөгөөд тэрээр мөн Холливуд Хиллд нэг, Нью Йоркын доод Манхэттэнд нэг пентхаустай.
Криштиан Роналдо /Cristiano Ronaldo/
Хамгийн нөлөө бүхий 100 алдартны 31-д бичигдсэн.
Фото: Мадрид дахь Вилла Ла Финча /Villa La Finca/
Үнэ: 7.1 сая доллар
Хөл бөмбөгийн од өнгөрөгч 6-р сард энэ сууцаа худалдахаар шийдсэн нь түүнийг өөр баг руу шилжих гэж байгаа гэсэн цуу яриаг дэгдээсэн. 4000 кв.м гаруй талбай бүхий энэ харш 7 унтлагын өрөө, 2 усан сан, цэцэрлэгүүдтэй.
Эштон Катчер /Ashton Kutcher/
Хамгийн нөлөө бүхий 100 алдартны 53-д бичигдсэн.
Фото: Лос Анжелес дэх харш
Үнэ: 8,450,000 доллар
Энэ байшингийн эзэн болохыг Жастин Бибер бас хүсэж байсан юм. Гэхдээ Эштон Катчер үүнийг 2012 онд Деми Мур /Demi Moore/-аас салсныхаа дараа түрээслэж байгаад дараа нь худалдаж авчээ. Үзэсгэлэнт нуур харах боломжтой сайхан байшин юм.
Кани Вест /Kaney West/
Хамгийн нөлөө бүхий 100 алдартны 59-д бичигдсэн.
Фото: Лос Анжелес дэх харш
Үнэ: 3,150,000 доллар
Реп уран бүтээлч энэ сууцаа өнгөрөгч 5-р сард худалдахаар тавьсан. Энэ жилийн эхээр дуучин залуу найз бүсгүй Ким Кардашиан /Kim Kardashian/-тайгаа Лос Анжелес хотын захад 11 сая доллараар харш худалдан авсан ч хоёр сарын дараа уг байшинг нь үл хөдлөх хөрөнгийн агент 1 сая доллараар үнэлсэн. Дуучин залуу Манхэттэны Соход орон сууцтай.
Женнифер Анистон /Jennifer Aniston/
Хамгийн нөлөө бүхий 100 алдартны 64-д бичигдсэн.
Фото: Бел Эйр Лос Анжелес дэх харш
Үнэ: 20,970,000 доллар
2011 онд Беверли Хиллз дэх Охана харшаа 35 сая доллараар зарсан тэрээр 2012 онд Манхэттэнд 2 зэрэгцээ орон сууц худалдан авсан. Харин түүнийгээ худалдсаныхаа дараа Бел Эйрт харш худалдан авсан юм. 12,000 кв.м газар дээр 790 кв.м талбайг эзлэн орших энэ харшид хувийн усан үзмийн талбай хүртэл бий.
Жизель Бундхен /Gisele Bundсhen/
Хамгийн нөлөө бүхий 100 алдартны 81-д бичигдсэн.
Фото: Лос Анжелес дахь харш
Үнэ: 20 сая доллар
Хамгийн нөлөө бүхий 100 алдартны 65-д бичигдсэн нөхөр, хөл бөмбөгийн тоглогч Том Бреди /Tom Bredy/-гийнхээ хамт 2050 кв.м талбай бүхий энэ харшийг худалдан авсан загвар өмсөгч бүсгүйн энэ харш 8 уужим унтлагын өрөө, биеийн тамирын заал, дарсны зоорьтойгоор зогсохгүй 6 машины гарааш, лифттэй. Дэргэдээ нуур хэлбэрийн усан сантай.
Кристен Стюарт /Kristen Stewart/
Хамгийн нөлөө бүхий 100 алдартны 70-д бичигдсэн.
Фото: Лос Анжелес дахь хаус
Үнэ: 2,2 сая доллар
Өнгөрсөн жилийн 11-р сард худалдан авсан энэхүү хаус нь 312 кв.м талбайтай ба 4 унтлагын өрөө, 4 угаалгын өрөө, нэг давхрын тагт болон жижигхэн оффистой. 1000 кв.м газарт байрлах энэ байшин мөн усан сан болон түүдэг гал түлдэг хэсэгтэй.
2
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
