Хүүхдүүдийг алмайруулах 15 илбийн арга

Нийтлэгч: Лука

Огноо: 2015/10/16

94,833

Total0
0

Хүүхдүүдтэйгээ цагийг зугаатай өнгөрүүлж тэднийг алмайруулах илбэ шидийн гайхамшгийг сурмаар байна уу? Дараах илбүүд таныг хүүхдүүдийнхээ хувьд илбэчин болгоно л гэсэн үг.

1. Гадилын хальсыг салгатал … дотор тал нь зүсэгдсэн байх болно

Яаж хийх вэ: Хальстай гадилыг сүлбээр зүүгээр хатгаж гадилын дотор талыг бүтэн зүсэж дуустал явуулна.

2. Жижигхэн болгож нугалсан цаас үзүүлэд чамайг үүгээр багтаах болно гэж хэл

Яаж хийх вэ: Цаасыг хэдэн давхар нугалаад хэд хэдэн удаа хайчлаарай.

3. Усыг аяганд хийж байхдаа мөс болгох

Яаж хийх вэ: савтай усыг 2-3 цаг хөлдөөгчинд хийнэ. Хөлдөөгчнөөс гаргаад жижиг мөсний хэлтэрхийтэй аяганд хүйтэн усаа юүлэхэд ус мөс болон хувирна.

4. Таталцлын хүчний эсрэг уяаны доороос дээш өгсөх бөгж

Яаж хийх вэ: Уяа нь резин байна, резинийг татаж сунгахад бөгж дээш яваа мэт харагдана. Үнэндээ бол резин л сунаж байгаа юм.

5. Нүцгэн гараараа алимыг тэг дундуур нь хуваах

Яаж хийх вэ: Тийм ээ, боломжтой – алим өөрөө хуваагдах оновчтой байрлалаас барихад л хангалттай.

6. Кетчупийг савтай усан дотор дээш доош болгох

Яаж хийх вэ: Савтай усыг чанга атгаж эсвэл сулруулахад боодолтой кетчуп дээш доош болно. Хүүхдийн анхаарлыг таны дээш доош болох гар сатааруулах ёстой бөгөөд та савтай усны гаднаас нь “усан доторх” кетчупийг удирдаж байгаа мэт дүр үзүүлнэ.

7. Аягатай кофег агаарт тогтоох

Яаж хийх вэ: Нууц маш энгийн, пенопластыг (хоёр талдаа наалттай скоч) эрхий хуруу болон аягатайгаа наана. Үнэхээр агаарт тогтож байгаа мэт гарын хөдөлгөөн хийж хуурна.

8. Хамрын нүхээр харандаа хийгээд чихээрээ гаргана

Яаж хийх вэ: Хамар руугаа харандаа чихэж байгаа мэт гарын хөдөлгөөн үзүүлнэ, дараа нь эсрэгээрээ чихнээсээ гаргаж ирж байгаа мэт сугалж авна. Толины өмнө хэд хэдэн удаа дасгал хийж гарын шууны ард харандаагаа нууж сурах хэрэгтэй.

9. Дусал ус ч дусаалгүй устай гялгар уутыг харандаагаар цоолох

Яаж хийх вэ: Ямар ч ид шид байхгүй, энэ бол цэвэр шинжлэх ухаан. Гялгар уутны молекуляр бүтэц нь харандаагаар цоолоход ус гоожуулдаггүй.

10. Газраас хөндийрөх

Яаж хийх вэ: хүүхдэд тань харагдахгүй байгаа талынхаа хөлний өлмий доор ивээс хийж өгнө. Ивээс дээрээ зогсож шалнаас хөндийрч байгаа мэт дээш хөөрөөрэй. Эхний ээлжинд бодитой харагдуулахын тулд толины өмнө сайн сургуулилт хийх хэрэгтэй.

11. Ширээ нэвтрэх зоос

Яаж хийх вэ: Бусад илбийн адил гарын хөдөлгөөн шаардлагатай. Энэ илбийг зөв хийхийн тулд үзэгчдийн анхаарлыг гарын бусад хөдөлгөөнөөр сатааруулах хэрэгтэй болно.

12. Чигчий хуруугаа таслаад буцааж наах

Яаж хийх вэ: Чигчий хуруугаа “таслахдаа” маш хурдан ядам хурууны цаана нууна. Буцаагаад “наахдаа” хурдхан шиг нуусан чигчий хуруугаа гаргаж ирээрэй.

13. Бөгжөө нүд ирмэхийн зуур зүүх

Яаж хийх вэ: Долоовор хуруугаа гаргаад бөгжөө сугалж байгаа мэт хөдөлгөөн хийх боловч энэ үед долоовор хуруугаа дунд хуруугаараа солих хэрэгтэй. Бөгжөө “зүүхдээ” хуруугаа солино.

14. Sprite ундааны өнгө солигдох

Яаж хийх вэ: Мөсний доод хэсэгт хүнсний будаг урьдчилан хийсэн байна. Мөсөн дээрээсээ Sprite ундааг хийхэд ундаа “ид шид”-ийн мэт өнгөө хувиргах болно.

15. Онгойлгосон хийжүүлсэн ундааны лаазыг эргүүлж бүтэн болгох

Яаж хийх вэ: Хоёр хэсгээс бүрдэнэ: 1. Лаазыг нээдэг хэсэг дээр хар цаас тавьж лаазыг онгойлгосон мэт харагдуулна. 2. Лаазыг зүүгээр цоолж багахан хийг гаргана (бүгдийг биш)