Гэрэл зураг дээр сайхан харагдах 7 арга

Нийтлэгч: Лука

Огноо: 2015/09/02

Total0
0

Зарим хүмүүс өөрийгөө гэрэл зураг дээр муухай гардаг гээд камернаас зугтаадаг. Энэ нь буруу байрлал авсантай холбоотой байх тал бий.

The Daily Mail-ийн сэтгүүлч нар Sky News сувгийн нэвтрүүлэгч Саманта Симмондстой хамтран гэрэл зураг дээр хэрхэн гоё харагдах туршилт хийжээ. Туршилтын үр дүнг та бүхэнд танилцуулж байна.

1. “Зөв тал”-аа тодорхойл

“Бараг бүх хүний царай гонзгой байдаг учраас өөрийнхөө зөв талыг тодорхойлох хэрэгтэй”гэж туршилтад оролцсон Лондонгийн гэрэл зурагчин Жон Годвин хэлж байна. Нүүрнийхээ өөрт илүү таалагддаг хэсгээрээ камер руу хараарай гэж зөвлөжээ.

2. Бага зэрэг нүдээ онийлгоорой

“Би зургаа даруулахдаа зовхио дээш өргөн илүү эелдэг болохыг хичээдэг. Харин Жон хэлэхдээ, илүү айсан дүр төрхтэй болж байна гэж хэллээ” хэмээн Саманта дурсаж байна.

3. Инээх гэж хэтэрхий их хичээсний хэрэггүй

Амаа ангайж инээсэн зураг амьд харагддаггүй, тэгээд ч хүн болгонд зохидоггүй гэж туршилтын баг үзсэн байна. Хөнгөн инээмсэглэж байгаа зураг илүү нүдэнд дулаан харагдахаас гадна элдэв үрчлээ ч гарахгүй.

4. Хацраа мартаж болохгүй

Нүүрний хэмжээг багасгахын тулд хоёрхон зүйл хийхэд хангалттай гэж Жон Годвин зөвлөж байна: өөрийнхөө зөв талаар камер руу 30 градусын налуугаар харах, уруулын хоёр өнцгийг багахан татах. Ингээд л таны нүүрний хэмжээ багасч байгаа юм.

5. Уруулаа бүү унжуулаарай

Унжсан уруул сайхан харагдахгүй нь мэдээж. Уруулаараа хэн нэгнийг үнсэх гэж байгаа юм шиг багахан хумиж болно.

6. Камер руу доороос дээш харна

Хэрвээ нүүр тань камернаас доор байрлалтай байвал хүзүүгээ сунгаж байгаа мэт нүүрээ багахан дээшлүүлээрэй. Зураг тань илүү амжилттай байх болно. Эсрэгээрээ, камернаас доош харвал ууртайдуу, царай муутайдуу гарна шүү.