Аливаад сониуч зангаар хандах нь хүний төрөлх араншин. Энэ зан араншингийнхаа ачаар л хүн төрөлхтөн өнөөгийн хөгжилд хүрсэн. Тийм болохоор сониуч байна гэдэг сайн зүйл. Сониуч зангийн тухай сайшаан өгүүлсний учир нь энэхүү нийтлэлд маань янз бүрийн зүйлсийн тухай сонирхолтой баримтуудыг дурдсан байгаа юм. Эрхэм уншигч та бүхэн энэ дэлхий ертөнц, түүн дээрх амьдралын дундах элдэв зүйлсийн тухай сонирхолтой баримтуудыг тухлан уншаарай.
1. Хүн төрөлхтний сайн дурын мөхлийг үүсгэх, нөхөн үржихүйгээс татгалзахыг уриалдаг “Voluntary Human Extinction Movement” нэртэй хүрээлэн буй орчны байгууллага байдаг байна. Энэхүү байгууллага нь нэн түрүүнд хүн төрөлхтний мөхлийг дэмждэг бөгөөд тус бүлгийнхэн үүнийгээ хүрээлэн буй орчны доройтлоос сэргийлэх болно гэж үздэг байна.
2. Niccolò Paganini-г гайхамшигтай авьяас чадварынх нь улмаас буг чөтгөрт сүнсээ худалдсан гэсэн цуу яриа гарснаас болж тэрбээр ээждээ түүнийг төрөхдөө хүн байсан гэдгийг батлаад өгөөч гэсэн захидал бичиж байжээ.
3. Хөгшин хүнээс үнэхээр үнэр үнэртдэг. Энэ нь 2-Nonenal гэх ханаагүй алдегид бөгөөд хөгшин хүмүүсийн хувьд энэ бодис арьсаар нэвчих нь залуу хүнийхээс илүү идэвхтэй байдаг байна.
4. Маш олон Афган хүмүүс яг хэзээ төрснөө мэддэггүйгээс төрсөн өдрөө 1-р сард тэмдэглэдэг.
5. Америкийн рок хамтлаг Dave Matthews Band аялан тоглолтоор явж байх үед автобусных нь жолооч Чикаго голын гүүрэн дээгүүр явж байх үедээ ариун цэврийн өрөөний суултуурын бохирыг суллахаар шийдсэн байна. Харамсалтай нь яг энэ үед гүүрэн доор амралтын завь хөвж явсан ба байгалийн сайхан, цаг агаарын тааламжтайг бахдан явсан амрагчдын дээрээс алдарт рок хамтлагийн гишүүдийн 160 кг ялгадас асгарчээ.
6. 2002 онд Такомагийн танхай этгээдүүд нэгэн эрийг ухаан алдтал нь нүджээ. Харин хохирогч ухаан орохдоо математикын суут ухаантан болсон байна.
7. Христосын шашин нь Иранд хамгийн хурдацтай өсөж байгаа шашин юм.
8. Усан үзмийг багахан хальсаар холбогдож байхаар таллаж хуваагаад богино долгионы зууханд хийхэд шатдаг.
9. Аляскд бараг бүх оршин суугчид нь нэг байшинд амьдардаг хот байдаг. Хотын хамгийн өндөр барилга болох 14 давхар энэ барилга дотор хотын бараг бүх оршин суугчдын гэрээс гадна шуудан, хүнсний дэлгүүр, эмнэлэг, хуурай цэвэрлэгээний газар, сүм зэрэг газрууд байрладаг.
10. Сайхан дуу сонсох үед арьс биржийдэг. Энэ нь допамины ялгарлын үр дүн юм.
Зочин
2016/07/17 at 22:15
Ysegnvvdee nohchihooch hn