Бидний өдөр тутмын хэрэглээний хүнсний бүтээгдэхүүний жагсаалтанд гарцаагүй бичигддэг нэг зүйл бол элсэн чихэр. Амт оруулах үүрэгтэй энэхүү бүтээгдэхүүний хэрэглээ хүн бүрт харилцан адилгүй байдаг. Хэдийгээр амттай боловч бидний бие организмд үзүүлэх сөрөг нөлөө нь давамгайлсан энэ бүтээгдэхүүний хэрэглээг хязгаарлахыг эмч мэргэжилтнүүд зөвлөдөг. Дайсан мэт үзэгдэх элсэн чихэр хэмээгч бүтээгдэхүүний тухай сонирхолтой баримтуудыг та бүхэнд дэлгэе.
1. Шархан дээр элсэн чихэр цацвал шарх хурдан эдгэрэхэд тустай
Африк омгуудын уламжлалт эмчилгээ болох энэ арга Британий эмнэлгүүдэд нэгэнтээ нэвтэрчээ.
2. Элсэн чихэртэй ямар нэгэн зүйл идэх нь зогьсолтыг зогсоодог
Зогьсоод зогсохгүй байвал халбага элсэн чихэр үмхчих.
3. Ацтекуудад элсэн чихэр гэж юу болох тухай ойлголт байгаагүй. Тиймээс тэд халуун чинжүү болон бусад амтлагчуудыг шоколадыг амт оруулахад ашигладаг байжээ
Тэд шоколадны амтыг сайжруулахын тулд янз бүрийн амтлагчнуудыг хайж, туршиж байжээ.
4. Nutella-ны анхдагч орц нь элсэн чихэр бөгөөд орцуудынх нь 50%-ийг эзэлдэг
5. Хос хүмүүс цусан дахь сахарын хэмжээ нь бага болоход хамтрагч руугаа уурладаг
6. Элсэн чихэр нь коллаген уурагт татагдаж нэгддэг учир элсэн чихэр идсэнээр арьс унждаг
Хэрвээ та чихэрлэг бүтээгдэхүүнд дуртай бол таны арьс хурдан хөгширнө гэсэн үг.
7. Чихэр идсэний дараа бид хэт идэвхтэй байдлыг мэдэрдэг
Хүүхдүүд амттан идсэний дараа үнэхээр хөдөлгөөнтэй болж байгааг та анзаарсан л биз дээ.
8. Хэрвээ та ямар нэгэн хэт халуун чанартай зүйл идсэн бол араас нь халбага элсэн чихэр идвэл хэл ам дарвигнуулсан халуун мэдрэмжийг бууруулж чадна
Халуун зуушны дараа амттан зооглоцгооё.
9. Бор элсэн чихэр бол ердөө л хар бурам нэмсэн цагаан элсэн чихэр. Тиймээс цагаан элсэн чихэр эсвэл түүхий элсэн чихэрнээс эрүүл гэсэн үг биш
Бор элсэн чихэрний амт арай өөр, бурам шиг амттай байдаг шүү дээ.
10. ДЭМБ-аас элсэн чихрийн эрүүл хэрэглээ өдөрт 25 грамм байх ёстой хэмээн мэдэгдсэн ба энэ нь 1 ширхэг Snickers гэсэн үг юм
Амны жижиг халбагаар бол 6 халбага элсэн чихэр хүний нэг өдрийн хэрэгцээг хангахад хангалттай.
11. Элсэн чихрийн хэтрүүлсэн хэрэглээ, хэтрүүлэн идэх, хангалттай нойр авахгүй байх, тамхи татах зэрэг нь бүгд тархи гэмтээдэг зуршлууд юм
12. Хүн төрөлхийн чихрийн хорхойтой байдаг
Мөн бид энэ хүсэлтэйгээ бүх амьдралынхаа турш тэмцдэг.
13. Жирэмслэх үедээ элсэн чихэр ихтэй хүнс хэрэглэж байсан эмэгтэйчүүд эрэгтэй хүүхэд төрүүлэх магадлал илүү их байдаг нь батлагдсан
14. Элсэн чихэр зууван талх шиг том хэмжээтэйгээр зарагддаг байсан ба хүмүүс түүнийг ямар нэгэн зүйлээр цохиж хагалж хэрэглэдэг байсан
Гэхдээ ийм байдлаар тийм ч удаан зарагдаагүй.
15. Зарим чихрийн шижинтэй хүмүүсийн шээс виски хийхээр хэмжээний их элсэн чихэртэй байдаг
16. Элсэн чихрийг манжингаас гаргаж авдаг.
17. Орчин үеийн кинотеатруудад попкорн заавал байдгийн учир нь дэлхийн хоёрдугаар дайн ба Их хямралын үед элсэн чихрийг картаар олгодог байсантай холбоотой
Попкорныг кино театруудад худалдаалдаг болсон нь тансаг хэрэглээ байсан ч гэлээ ядуу хүмүүс ч худалдан авах боломжтой зүйл байжээ.
18. 59 кг элсэн чихэр 1,767,900 ширхэг Skittles-тэй тэнцэнэ
Forbes-ын мэдээлснээр дундаж америк хүн 7 хоногт 1,3 кг элсэн чихэр иддэг ба энэ нь бүх амьдралынхаа туршид 1,767,900 ширхэг Skittles иддэг гэсэн үг юм.