Хэрвээ таны эцэг сугалаагаар мөнгө хожоод тэрийгээ тас нуусан бол та нарт хайргүйдээ нуусан гэж битгий бодоорой. Ийм бодол төрвөл та том андуурч байгаа хэрэг.
Тэр их мөнгө гэр бүлийн гишүүдийг эвдэх вий гэдгээс л болгоомжилж байгаа юм. Гэр бүлийнхнийг нь залхуу, бэлэнчлэх сэтгэлгээтэй, их зантай болгохоос хамгаалсан арга хэмжээ.
Яг ийм логикийг Хятадын нэгэн гэр бүлийн тэргүүн баримталжээ. Тэрээр сугалаагаар 220 сая юань (30 гаруй сая ам.доллар) хожоод гэр бүлийнхэндээ хэлэлгүй тас нуусан байна. Өөрийгөө “Ли” гэдэг нэрээр нууцалсан тэрээр энэ их мөнгө эхнэр, хүүхдийг нь их зантай, залхуу болгоно гэж үзжээ.
“Тэд өөрсдийгөө бусдаас дээгүүр тавьж ихэмсэг зан гаргах вий гэж болгоомжилж байна. Их мөнгөний сургаар тэд хичээнгүйлэн хөдөлмөрлөж, суралцахаа болино” гэжээ.
Азтай эр хожсон мөнгөнийхөө чекийг гардан авахдаа хүүхэлдэйн киноны баг өмсөн хүрэлцэн ирсэн ба үүнийгээ өөрийгөө бүрэн далдалж чадсан гэж үзсэн байна. Түүний санаа төлөвлөгөө ёсоор өндөрлөсөн боловч уг баг улс орон даяар алдаршиж эхэлжээ.
Уншигч та түүний оронд байсан бол ямар арга хэмжээ авах байсан бэ?
Гоё
Гайхмаар
Бахархмаар
Хөөрхөн
Ха Ха
Харамсалтай
Тэнэглэл
Буруу
