“Биднийг ажиглаж, мөрдөж байна”: Казахстаны иргэд гадаад паспортныхоо арын хуудаснаас чиптэй төстэй зүйл олсноор олны дунд томоохон шуугиан дэгджээ

Хоёр казак иргэн гадаад паспортноосоо чиптэй төстэй зүйл олоод ямар зориулалттай байж болох талаар тунгаан бодож л дээ. Бодсоны эцэст “Биднийг мөшгиж байна!” – гэж ойлгоод бичиг баримтаа урж хаясан байна. Тэдний сандрал бусдыг ч бас тайван орхисонгүй. Ингээд тус улсын иргэд дор бүрнээ бужигнаж эхэлжээ…

Казахстанд гадаад паспорттой холбоотой шуугиан олны дунд дэгдлээ.

Ард иргэдээ гадаад улсаар зочлох үед мөрдөж, мөшгих зориулалттай чипийг гадаад паспортод нуусан байна гэсэн мэдээлэл сошиал сүлжээнд тарснаас хойш хүмүүс бичиг баримтныхаа арын хавтсыг салгаж эхэлцгээжээ.

Анхны “xохирогч” үүнийг олж мэдээд жинхэнэ цочролд орсон бол түүний араас бусад казакууд ч мөн сандралджээ. Өөрийн гадаад паспортод мөрдөх “төхөөрөмж” байгаа эсэхийг шалгасан казакуудын бичлэг сошиал сүлжээнд олноор нэмэгдэх болов.

Ард түмний сандрал үнэхээр эмх замбараагүй болсон тул Дотоод хэргийн яам оролцохоос өөр аргагүйд хүрчээ. Яамны төлөөлөгч сандарсан хүмүүсийг тайвшруулж тайлбар хийхдээ: “Чип – олон улсын стандарт бөгөөд дэлхийн улс орнууд 2009 оноос хойш нэвтрүүлсэн зүйл. Паспортын арын хавтсанд хавсаргасан чип нь паспорт эзэмшигчийн тоон мэдээллийг агуулж байгаа юм. Тоон формат байдлаар иргэний овог, нэр, төрсөн огноо, газар, гэрэл зураг болон эзэмшигчийн тоон гарын үсэг хадгалагдсан” гэжээ.

Уг арга нь улсын хил нэвтрэхэд шалган байцаах үйл ажиллагааг илүү хөнгөвчилж өгөхөд тустай.

Гадаад паспорттой асуудал албан ёсны тайлбарын дараа дууссан гэж бодож байвал та андуурч байна. Уг асуудал Молдовт хүрчээ. Өөр ямар улс оронд иймэрхүү үл ойлголцол гарч байгаа бол?

4

Бахархмаар

3

Гайхмаар

3

Ха Ха

2

Хөөрхөн

1

Буруу

1

Харамсалтай

1

Тэнэглэл

0

Гоё

Баярлалаа!