Филиппиний нийслэл Манилад ойролцоогоор 6 мянга орчим хүн амьдардаг оршуулгын газар байдаг. Cementerio del Norte оршуулгын талбай – 540,000 м.кв. Тус нийслэлд байдаг хамгийн хуучны бас хамгийн том оршуулгын газар, жуулчдын хөл хөдөлгөөн ч тасардаггүй газар ажээ.
Манилагийн хойд хэсэгт байрлах оршуулгын газар – бүхэл бүтэн хот гэхэд буруудахгүй. Өөрийн гэсэн гудамжтай, хэдэн мянган оршуулгаар зааглагдсан булан тохой ч бий. Уг газар сагсан бөмбөгийн “талбай”, ресторан, интернэт кафе, караокэ-танхим, түргэн хоолны цэгтэй. Энэ амьдралын хажуугаар оршуулгын газарт өдөртөө 80 орчим оршуулга болдог байна.
Оршуулгын газар орон гэргүй хүмүүс амьдардаг – хотод байр орон сууц худалдаж авах боломжгүй Филиппинчүүд амьдардаг ажээ. Зарим нэг нь оршуулгын газарт ажилладаг – өсвөр насныхан, жишээ нь, авс зөөх зэрэг ажил хийж өдрийн хоолоо залгуулна. Хүүхдүүд хаягдал төмөр зэргийг зарж болох хог хаягдал цуглуулдаг ажээ. Мөн оршуулгыг арчилж, хулгай тонуулаас хамгаалж ар гэрийнхнээс нь бага ч гэсэн мөнгө авдаг хүмүүс ч бий. Бас ирсэн жуулчдад газарчин хийж хөлс авдаг хүмүүс ч цөөнгүй.
Оршуулгын газарт хэзээ хүмүүс амьдарч эхэлсэн нь тодорхойгүй. 1950-аад оны үед нүүж ирсэн оршин суугчдынх нь ярьж байгаагаар бол тэр үед л олон хүн байсан ажээ. Манилад ойролцоогоор 12 сая хүн амьдардаг бөгөөд дэлхийд хүн амын тоогоороо тавд, хэмжээгээрээ арван нэгт бичигдэх мегаполис юм.
Харамсалтай
Гайхмаар
Гоё
Хөөрхөн
Буруу
Ха Ха
Бахархмаар
Тэнэглэл
