Вьетнам эрчүүд чихэндээ филлер шахуулж, Будда багшийнх шиг чихтэй болох моод дэлгэрчээ

Вьетнамд гоо сайхны шинэ моод хүчтэй дэлгэрч байна. Хүмүүс Будда багшийнх шиг том чихтэй болохын тулд чихнийхээ гэдсэнд гиалуроны xүчил шахуулах болжээ. Чихнийхээ гэдсийг өөрчлөөд амьдралаа сайжруулна гэдэгт Вьетнамчууд бат итгэсэн бололтой.

Саяхан Вьетнамын хэвлэл мэдээллийн хэрэгслээр Куангнин дахь гоо сайхны салоны тухай мэдээлэл цацагдсан юм: вьетнамчууд чихнийхээ гэдсэнд филлер шахуулахаар уг салоныг зорих болжээ. Эд баялаг, амжилтын бурхан хэмээгдэж өргөмжлөгдсөн Инээмсэглэж буй Буддагийнх шиг чихтэй болбол амьдралаа сайжруулна гэдэгт вьетнамчууд ихэд итгэсэн байна. Энэ мэс заслын сурталчилгаа сошиал сүлжээнд ч алдаршсан тул гоо сайхны салонууд шашин шүтлэгтэй үйлчүүлэгчдэдээ уг үйлчилгээг хурдан бөгөөд өвчингүйгээр хийж өгөхөө амлах болжээ.

Мистер Т. гэх нэртэй гоо сайхны салоны эзэн вьетнамын сэтгүүлчдэд ярилцлага өгөхдөө: уг үйлчилгээг хийлгэхээр ихэнхдээ 30-аас дээш насны эрчүүд хандаж байна, тэд бизнесийн амжилтад шашин шүтлэг чухал үүрэг гүйцэтгэдэг гэж боддог гэжээ. Сүүлийн өдрүүдэд мөн эмэгтэйчүүд ч ирэх нь ихсэж байна. Чихний гэдсийг филлерээр дүүргэх мэс засал 15-20 минут орчим үргэлжилнэ. Уг үйлчилгээг эрүүл мэндэд аюулгүй, гаж нөлөөгүй гэж сурталчилж байгаа юм. Зарим нэг салон бүр гарсан үр дүнд үйлчлүүлэгч сэтгэл хангалуун биш байвал чихний хэлбэрийг засаж өөрчилж өгч болно гэж амласан байгаа нь харагдана.

Гиалуроны xүчлийг чихний гэдэс томруулах мэс засалд ер нь ашиглаж ирсэн. Өмнөд Солонгост үйлдвэрлэсэн энэ төрлийн xүчил зах зээл дээр чанартайд тооцогддог. Мэргэжлийн хүнээр уг мэс заслыг хийлгэх аюулгүй байж болох юм, гэхдээ сонирхогч эсвэл чанар муутай xүчил шахуулах нь эрүүл мэндэд сөргөөр нөлөөлнө. Вьетнамын мэдээллийн алдартай сайт Инээмсэглэж буй Буддагийнх шиг чихний том гэдэстэй болохыг хүссэн нэг залуугийн түүхээс хуваалцжээ. Гэхдээ тэр залуу үнэгүйгээр сайхан болохыг зорьсон нь харамсмаар үр дагаварт хүргэсэн юм. Залуу спа-салонд ажилладаг найзаасаа гиалуроны xүчил олж өгөхийг хүсжээ. Харин xүчлийг өөрөө өөртөө тарьсан байгаа юм. Харамсалтай нь залуугийн хүссэн үр дүн гарсангүй.

Чихний гэдэсний өнгө нь өөрчлөгдөөд байгааг ойлгосон залуу эмнэлэгт хандахад эмч нар түүнд чихний шарх нь гүн үрэвссэн гэсэн онош тавьжээ. Үнэндээ гиалуроны xүчлийг судсанд тарьснаас болсон эсвэл чанарын шаардлага хангаагүй xүчлээс болсон эсэхийг тодорхойлох боломжгүй юм. Хо Ши Миний эмнэлгийн эмч нар бас нэгэн өвчтөний тухай мэдээлэл албан ёсоор өгсөн байна: “ажлын онцлогоос шалтгаалж” чихнийхээ гэдсийг Буддагийнх шиг болгохоос өөр аргагүйд хүрсэн, харин үр дагаварт нь түүний чих үрэвсэж тэр хэсгийн эс үxжилд орох аюултай байсан тул чихний нэг хэсгийг нь тайрч авахад хүрчээ. Өвчтөнд гиалуроны xүчил биш харин силикон шахсан байх гэж эмч нар сэжиглэж байгаа юм. Түүний чихний хэлбэрийг засахын тулд дахиад мэс засал хийсэн гэдэг.

Хэвлэл мэдээллийн бүхий л боломжит хэрэгслээр уг мэс заслын сурталчилгаа идэвхтэй цацагдах болсон тул мэргэжлийн эмч нар анхааруулга явуулж эхлээд байна: Буддагийн чихтэй болох хүсэлтэй хүмүүс энэ талаар эхлээд нарийн судалгаа хийсний үндсэн дээр эцсийн шийдвэрээ гаргавал зохино. Эмч нарын зөвлөж байгаа нь огт хамаагүй, үнэхээр сүсэг бишрэлдээ автаад байгаа бол нэр хүндтэй мэргэжлийн туршлагатай салоноор үйлчлүүлэхийг зөвлөжээ.

9

Ха Ха

4

Бахархмаар

2

Гайхмаар

1

Буруу

1

Харамсалтай

1

Тэнэглэл

0

Гоё

0

Хөөрхөн

Баярлалаа!