Өнөө цагт интернетээр харж байгаа зүйлдээ итгэж болохгүйн нэгэн жишээг 53 настай эр 20-иод настай залуухан бүсгүйн дүрд хувирч цахим сүлжээ хэрэглэдэг байснаас харж болох биз ээ. Хэрэв та FaceApp аппликейшн ашигладаг бол хүйс солих цэс байдгийг аль хэдийнээ мэддэг байх. Олон хүмүүс үүнийг хөгжилдөх гэж ашигладаг бол 53 настай энэ Япон эрийн хувьд энэ үйлдлийг цахим орчинд олны анхаарлыг татаж, олон дагагчтай болоход ашиглажээ. Тэрбээр өөрийгөө FaceApp аппликейшнд дoнтогч хэмээн тодорхойлсон бөгөөд чөлөөт цагаараа хүйсээ хувиргаж сельфи хийж янзлах, зургаа цахим сүлжээнд байршуулах тун дуртай гэжээ.
Тэрбээр FaceApp ашиглаж, үзэсгэлэнтэй, дур булаам бүсгүйн дүрд хувирч удаан хугацааны турш цахим сүлжээ хэрэглэж байгаа гэдгээ саяхан олон нийтэд мэдэгджээ.
Тэрээр Instagram хуудастаа, “Би 50 нас гарсан FaceApp аппликейшнд дoнтсон, хүйсээ сольж дарсан зургаа нийтлэх дуртай нэгэн эр” хэмээн бичжээ.
Түүний энэхүү мэдэгдлийн дараа Японы цахим сүлжээ түүний зурагнуудыг нийтэлж, үнэхээр бодит зураг мэт харагдаж байгааг гайхан биширсээр байгаа ажээ. Энэхүү мэдээг харсан зарим хүмүүс түүнийг жигшим үйлдэл хийсэн хэмээн шүүмжилж байгаа бол нөгөө хэсэг нь түүнийг маш чадварлаг зураг янзалдаг хэмээн магтжээ.
Ийнхүү ухаалаг утаснаасаа дүр төрхөө танигдахын аргагүй өөрчилж байгаа энэ эрээс эхлээд хиймэл оюун ухаанд суурилсан мэдээний хөтлөгч зэрэг хиймэл дүр төрхийг олон янзаар бүтээх боломжтой болсон энэ цаг үед цахим орчинд харж буй зүйлдээ бүрэн итгэх аргагүй болсоор байна.
53 настай FaceApp ашиглагч Япон эр өнгөрсөн зунаас эхлэн зургаа Instagram хуудаст нийтэлж эхэлсэн бөгөөд өдгөө түүний Instagram хуудас 13,000 дагагчтай, Twitter хуудас нь 7100 дагагчтай болжээ.
Тэнэглэл
Ха Ха
Харамсалтай
Буруу
Гайхмаар
Хөөрхөн
Гоё
Бахархмаар
