Үзэгний таглаан дээр байдаг нээх хэсэг, ноосон малгайн дээрх зөөлөн бөмбөлөг мэт зүйл зэрэг бидэнтэй өдөр тутамд тааралддаг, ямар шалтгаанаар хийгдсэн нь тодорхойгүй олон зүйлс бий. Манай сайт уншигч танд тэдгээр зүйлс чухам ямар зорилготой хийгддэг тухай мэдээллийг хүргэхээр бэлдлээ.
1. Угаалтуурт байдаг нүх
Угаалтуурт байдаг энэ нүх бидэнд ямар ч хэрэгцээгүй мэт харагддаг нь нууц биш билээ. Харин түүний үндсэн зорилго нь угаалтуур усаар дүүрсэн тохиолдолд хальж асгарахаас сэргийлэх болон агаарын солилцоо явагдах боломжийг хангах ажээ.
2. Шүдний чигчлүүрийн ховил
Шүдний чигчлүүрийн ховил нь хэдийгээр ямар нэгэн үүрэггүй мэт харагддаг боловч ширээн дээр тавих үед өнхөрч унахаас сэргийлэх үүрэгтэй байдаг байна.
3. Эмэгтэй унадаг дугуй
Эмэгтэй унадаг дугуйг бусдаасаа зүгээр л намхан гэдгээрээ ялгаатай гэж боддог бол та эндүүрчээ. Эмэгтэй унадаг дугуй нь нам тэнхлэгтэй тул даашинз болон банзалтай унахад нэн тохиромжтой байдлаар хийгдсэн байдаг аж.
4. Цахилгаан зуухны агуулах хэсэг
Зарим цахилгаан зуухны доод хэсэгт агуулахын зориулалттай татлага байдаг. Энэ нь хэдий хэрэгцээгүй мэт санагдавч үндсэн үүрэг нь таны хүнсийг халуунаар нь хадгалах ажээ.
5. Цүнхэн дээрх дөрвөлжин
Үүнийг гахайн хошуу гэж нэрлэдэг бөгөөд хуучин цагт явган аялал хийх үедээ дундуур нь утас гүйлгэж цүнхээ уяж бэхлэх боломжийг олгох үүднээс хийгддэг байв. Орчин цагт ч гахайн хошуу нь хуучин дүр төрхөө хадгалж цүнхэн дээр хийгдсээр байгаа билээ.
6. Модон өлгүүр
Модон өлгүүр нь хувцас дахь элдэв хортон шавжийг устгаж, хувцсанд таатай үнэр шингээх ач холбогдолтой байдаг.
7. Компьютерын гар дээрх F, J үсэгнүүдийн доор байрлах товгор зураас
Энэ нь хүнийг компьютерын гар руу харалгүйгээр үсэгнүүдийн байрлалыг мэдэрч, илүү үр бүтээлтэй ажиллахад туслах зориулалттай хийгддэг байна.
8. Гуталны гогцоо
Гуталны ард байрладаг гогцоо нь гутал өмсөхөд туслах эсвэл загварын чиг хандлагатай ямар ч холбогдолгүй бөгөөд харин гутлаа өлгөж хатаах болон явган аялал хийх үед үдээсээ оруулж бэхэлж үдэх зориулалттай байдаг байна.
9. Үүргэвчний шүгэл
Олон үүргэвчинд нууц шүгэл байдаг бөгөөд аюул осол тохиолдсон үед тусламж дуудахад туслах зорилгоор хийгддэг байна. Дээрх зурагт үлээх газрыг зааж тэмдэглэсэн зураасыг та харж байна.
10. Авто замын биржгэр зурвас
Энэ зурвас нь жолоочийг сэргээх, анхаарал болгоомжтой явахыг сануулах нэгэн тэмдэглэгээ ажээ. Түүнчлэн ийм зурвасыг замын гол болон зах хөвөөнд байрлуулж жолоочийг зам, урсгалаасаа гарахаас хамгаалдаг байна.
Таны хувьд аль нь хамгийн гайхмаар үүрэгтэй байсан бэ? Бидний өдөр тутамдаа таардаг боловч ямар зорилготой хийгдсэн гэдгийг нь хүмүүс төдийлөн мэддэггүй өөр ямар зүйлс байдаг вэ?