Хэрэв та бэлхүүс нарийсгагч корсет өмсвөл, таны биед дараах 6 зүйл тохиолдох болно. Гоолиг бэлхүүстэй болохын тулд эрүүл мэндээ бүү золиослоорой!

0000001/Reporter/East News, Depositphotos.com

Корсетыг олон зууны турш хэрэглэсээр ирсэн бөгөөд эрэгтэй болон эмэгтэй хүмүүсийн аль аль нь өмсдөг байв. Одоо цагт “корсет” гэх ойлголт хуучин загвартайд тооцогдож, орчин үед тохирсон буюу “бэлхүүс нарийсгагч” гэдэг нэртэй болсон. Хэдийгээр эдгээр хувцаснуудад өөр өөрийн ялгагдах шинжүүд байгаа ч, хоёулаа таны бүсэлхийг багасгах зориулалттай. Гэхдээ хүссэн үр дүнд хүргэх нь юу л бол. Харин ч эсрэгээрээ эрүүл мэндэд сөрөг нөлөө үзүүлдэг байна.

Хэрэв та корсет эсвэл бүсэлхий нарийсгагчийг тогтмол өмсөж эхлэхээр шийдсэн бол, таны биед ямар өөрчлөлтүүд гарахыг хэлж өгье. Эдгээрийг тоолгүй өнгөрөлгүй, анхааралтай уншсаныхаа дараа шийдвэрээ гаргаарай.

1. Та элсэн цаг шиг биетэй болохгүй

Та бүсэлхий нарийсгагч өмсөх үед таны бүсэлхий илүү жижиг харагдана. Хэдий тийм боловч, тайлах үед буцаад хэвийн байдал руугаа шилжинэ. Хэдийгээр та тодорхой хугацааны дараа бүсэлхий нарийсгагчаа тайлсны дараа бага ч болов үр дүнг олж харж болох ч, энэ үр дүн цаашид тэр хэвээрээ үлдэхгүй.

2. Та жин хасахгүй

Танд бүсэлхий нарийсгагч өмссөний дараа бага зэрэг жин хассан юм шиг санагдаж мэднэ. Харин энэ хасагдсан юм шиг харагдаж буй жин бол хөлрөлтөөр дамжиж алдсан шингэн болохоос биш, биеийн өөх биш. Бүсэлхий нарийсгагч таны гэдсийг шахаж, цатгалан юм шиг мэдрэмж төрүүлдөг учир, та бага хэмжээний жин хасах магадлалтай. Гэхдээ энэ нь эрүүл аргаар жин хасаж буй хэлбэр биш бөгөөд найдвартай аргад тооцогдохгүй.

3. Танд тав тухгүй санагдана

Хэдийгээр танд бүсэлхий нарийсгагчийг өмссөний дараа зарим нэг өөрчлөлт мэдрэгдэх боловч, энэ нь тийм ч таатай санагдахгүй. Яагаад гэвэл танд тухгүй мэдрэмж төрнө. 2010 онд хийсэн судалгаагаар корсет өмсдөг болон өмсдөггүйгээс үл хамаарч, эрүүл аргаар жин хасагчдад илүү урт хугацаанд үр дүн мэдрэгддэг болох нь тогтоогдож байв. Гэсэн ч дээрх судалгаанд хамрагдсан хүмүүсийн дотор тав тухгүй санагдуулж байсан учир, явцын дунд корсет өмсөхөө больсон хүмүүс олон байсан гэнэ.

4. Та нурууны асуудалтай болох магадлалтай

Бүсэлхий нарийсгагчийг өмсөх үед таны нурууг зөв хэлбэртэй болгоход тусална. Гэхдээ та үүнийг хэтэрхий их өмсвөл, биеийн гол булчингуудыг хэврэг болгож мэдэх талтай. Мөн тайлах үед нурууны хэлбэр чинь алдагдаж, тэр ч бүү хэл нуруу орчмоор өвдөлт мэдэрч болзошгүй.

5. Танд амьсгалахад хүндрэлтэй санагдана

Бүсэлхий нарийсгагч амьсгалахад хүндрэл учруулдаг. Түүгээр ч зогсохгүй, уушгины багтаамжийг 30-60% бууруулдаг байна. Үүнээс болоод та ухаан алдаж ч мэднэ. Бүсэлхий нарийсгагч таны уушгинд нөлөөлснөөр илүү ноцтой асуудал үүсгэж болзошгүй. Тухайлбал, үрэвсэл болон илүүдэл шингэн хуримтлагдах гэх мэт.

6. Таны эд эрхтнүүд болон хавирга гэмтэх магадлалтай

Учир нь бүсэлхий нарийсгагч гэдсийг шахсанаар дотор эрхтнүүдэд нөлөөлдөг. Үр дүнд нь дотор эрхтнүүдийн байрлал өөрчлөгдөж, цаашлаад бүр цусны урсгалын үйл ажиллагаа доголдоход хүргэдэг байна. Корсет тогтмол өмсөх болон удаан хугацаагаар үүнтэй байх нь хавиргыг өөрчлөлтөд оруулж, гэмтээнэ.

Та урьд өмнө корсет эсвэл бүсэлхий нарийсгагч өмсөж байсан уу? Ямар нэгэн үр дагварыг нь анзаарч байв уу? Тав тухтай санагдсан уу?

15

Харамсалтай

8

Гайхмаар

4

Буруу

4

Ха Ха

4

Гоё

1

Тэнэглэл

0

Хөөрхөн

0

Бахархмаар

Баярлалаа!