Сахлаа яаж сайхан ургуулах вэ: танд хэрэг болох 10 зөвлөмж

1. Сахал ургуулах ямар хэрэгтэй вэ?

Нэгдүгээрт сайхан харагдана. Үнэндээ үүнээс өөр шалтгаан олох хэцүү л дээ. Шашин шүтлэг нь сахалтай байхыг шаарддаг эсвэл сахлаа хусахаас залхуурдаг ч юм уу.

2. Эр хүн болгон сахал ургуулж чадах уу?

Үгүй. Зарим хүмүүсийн сахал нь ургадаггүй. Гутрах хэрэггүй. Сахал бол амьдралын чухал зүйл биш.

3. Юунаас эхлэх вэ?

Тэвчээртэй байх хэрэгтэй. Хүмүүс сахлын хутгаа хаяхыг зөвлөдөг. Тэгэх хэрэггүй, яагаад гэвэл сахланд хэлбэр оруулахад сахлын хутга хэрэг болно.

4. Тэвчээр юунд хэрэгтэй вэ?

Эхний сардаа сахлаа хусахгүй байх тэвчээр хэрэгтэй. Ихэнх хүмүүс эхний сард сахлаа хусдаг. Энэ нь олон шалтгаантай: нэгдүгээрт, ургаж эхэлж байхдаа сахал сайхан харагдахгүй. Энэ нь сахал гэхээсээ илүү арзайсан үс л байна. Хоёрдугаарт, та энэ үед сахлаа хусахаас залхуурч байгаа хүн шиг харагдана. Зарим хамт олонд ийм хүмүүс рүү үл итгэх байдалтай хардаг. Тэгээд ихэнх тохиолдолд: сахлаа ургуулж байгаа юм уу? гэж асуудаг. Гуравдугаарт, дөнгөж ургаж байгаа сахал загатнадаг бөгөөд хатгадаг. Сахлын үс урт ургахаараа нүүрний болон хүзүүний арьс хатгадаг. Үүнийг тэвчихэд тийм ч амаргүй.

5. Сахал ихээр загатнах болон хатгаад байвал яах вэ?

Сахалд зориулсан тусгай тос хэрэглэх хэрэгтэй. Эдгээр нь өөр өөр үнэртэй болон шинж чанартай байдаг. Зарим тос сахлыг хурдан ургуулахад нэмэр болдог. Тос нь барбершоп болгонд байдаг. Мөн үүнийг интернэтээр захиалж авч болно.

6. Барбершоп гэж юу вэ?

Барбершоп гэж эрэгтэйчүүдийн үс засдаг газрыг хэлдэг. Сайн барбершоп-д сахал арчлах тос байнга байдаг. Танд мөн зөвлөгөө өгч тус болно.

7. Би бүтэн сар тэслээ. Одоо яах вэ?

Одоо харин барбершоп ороод сахлынхаа хэлбэрийг сонгох хэрэгтэй. Сахал маш олон хэлбэртэй байж болно:

8. “Ердийн” сахал ямар хугацаанд ургадаг вэ?

Цаг хугацаа нь янз бүр байдаг. Яагаад гэвэл сахал ургах хугацаанд генетикээс авахуулаад улирал хүртэл маш олон шалтгаан нөлөөлдөг. Жишээ нь, Их Британи эрчүүдийн сахал нь зуны улиралд өвлийн улирлаас хурдан ургадаг гэсэн нэг судалгаа байдаг юм байна. Ер нь бол сахал гүйцэд ургахад 2-3 сар хэрэгтэй байдаг. Хүмүүсийн сахлаа хусахгүй, өдөр болгон зургийг нь авч байгаа бичлэгийг харах юм бол хагас жилийн дотор л сайхан сахалтай болж болно.

9. Сахлыг түргэн ургуулж болох уу?

Энэ тухай олон заавар бичсэн байдаг. Эдгээрээс зарим дүгнэлт хийж болох юм. Сахлаа ойр ойрхон угаах эсвэл норгож байх хэрэгтэй. Барбершопоос сахлын тусгай шампунь авч болно. Витамин хэрэглэхийг мартаж болохгүй. Зөв хооллох хэрэгтэй. Биеийн тамираар хичээллэх хэрэгтэй.

10. Сахлаа байнга бага багаар тайрч байх юм бол сахал хурдан ургах уу?

Үгүй, хурдан ургахгүй.

11. Одоо сахлаа яах вэ?

Угааж, самнаж арчлах хэрэгтэй. Бусдаас магтаалын үг сонсоход бэлэн бай. Сахалтай бусад хүмүүс рүү инээмсэглэ. Сахлаас чинь болоод инээмсэглэл чинь харагдахгүй бол нүдээ ирмэх хэрэгтэй. Та сахлаасаа уйдах юм бол сахлаа өөр хэлбэрт оруул.

12. Би сахлаасаа залхвал яах вэ?

Тайвшир. Ийм зүйл хүн болгонд тохиолддог. Дараах дүрмийг баримтал: сахлаа хусахаар шийдсэн бол нэг хоног хүлээж байгаад  дараа нь хусах. Сахлаа хусах шийдвэрийг гутарсан үед эсвэл архи уусан үед гаргаж болохгүй.

41

Ха Ха

10

Тэнэглэл

6

Гоё

4

Буруу

4

Гайхмаар

4

Хөөрхөн

3

Харамсалтай

2

Бахархмаар

Баярлалаа!