Бие зассаны дараа суултуур дээр үлдэх элдэв толбо, зэрэг зүйлсийг харагдуулахгүй байх үүднээс суултуурыг бараан өнгөөр хийх нь зүйтэй гэж та бодож байсан уу? Харамсалтай нь дэлхийн хаана ч очсон суултуурны өнгө цагаан байдаг нь яг л хэн нэгэнд илүү ажил удах зорилготой юм шиг л санагдуулдаг. Тэгвэл манай сайт уншигч танд энэ бүх асуултын хариултыг өгөхөөр энэхүү нийтлэлийг бэлдлээ. Нийтлэлийн төгсгөл хэсгээс та мөн Дэлхийн Суултуурны Өдрийг хэзээ тэмдэглэдэг тухай ч мэдэж авах болно.
Ихэнх суултуурыг шаазангаар хийдэг
Шаазан бол маш тэсвэртэй сайн материал гэдэг нь гарцаагүй. Шаазанг галд хийж боловсруулах үед гадаргуу нь гөлийж, ус нэвтрэхгүй, элдэв толбо суухгүй болдог. Иймээс суултуур нь хэдий цагаан өнгөтэй ч амархан цэвэрлэгээ авдаг байна.
Өндөр хэмд шатааж боловсруулах үед шаазангийн өнгө цагаан болж хувирдаг. Иймээс боловсруулах энэ үйл явцын өмнө будагч хийж өнгийг нь өөрчлөх боломжтой. Гэхдээ угааж цэвэрлэхэд хялбар бөгөөд үнийн хувьд хямд тул цагаан суултуур түгээмэл дэлгэрсэн байдаг.
Цагаан өнгө нь цэвэр ариун байдлыг илэрхийлдэг
Өнгөний онолын үүднээс авч үзвэл өнгө нь хүний сэтгэл зүйд олон янзаар нөлөөлж байдаг ажээ. Хэдийгээр үндэс угсаа, хүйсийн ялгаатай байдлаас үүдэлтэйгээр өнгө бидэнд өөрөөр нөлөөлж байдаг хэдий ч цагаан өнгө дэлхий дахинд нэг л утга илэрхийлдэг нь цэвэр ариун болон аюулгүй байдал юм. Иймээс л дэлхий дахинд суултуурны өнгө цагаан, эрүүл мэндийн байгууллагын дотоод засал цагаан байдаг ажээ.
Харин хар болон бор гэх мэт бараан өнгөнүүд нь танд сөрөг мэдрэмжүүдийг төрүүлж байдаг. Гэхдээ цагаан өнгө бидэнд эерэг мэдрэмжийг төрүүлдэг хэдий ч сэтгэл сэргээх мэдрэмжийг төрүүлж үл чаддаг ажээ.
Ийм л учраас цагаан өнгийг суултуур хийхэд түлхүү ашигладаг
Цагаан өнгөний гаргаж буй эерэг мэдрэмжүүд нь суултуур хийхэд хамгийн тохиромжтой өнгө хэмээн тооцогддог байна. Судалгаагаар XX зууны эхэн үед гоёмсог хээ хуартай суултуурнууд хэрэглэгдэж байсан нь нотлогдож, дэлгүүрүүдэд олон төрлийн суултуур зарагддаг хэдий ч сонгодог цагаан өнгө үргэлж хамгийн эхний сонголт хэвээр байсаар байгаа билээ.
Цагаан өнгийн суултуур нь ямар ч загварын засал чимэглэлтэй угаалгын өрөөнд төгс зохицдог. Эсрэгээрээ хар өнгийн суултуур маш таагүй мэдрэмж төрүүлэх нь бий.
Бонус: Хэд хэдэн улсад Дэлхийн Суултуурны Өдрийг 11 сарын 19-ний өдөр тэмдэглэн өнгөрүүлдэг
Энэхүү тэмдэглэлт өдөр нь дэлхий дахинд дутагдаж буй ариун цэврийн асуудалтай тэмцэх болон дуу хоолойгоо өргөх зорилготой ажээ. Энэ баяр нь жил бүр өөр өөрийн сэдэвтэйгээр зохион байгуулагддаг. Тухайлбал өнгөрсөн жил “Хэнийг ч битгий ардаа үлдээ” сэдвийн дор эрүүл ахуйн шаардлага хангасан цэвэр орчинд амьдрах боломжгүй 673 сая орчим хүнд чиглэсэн үйл ажиллагааг энэ баяраар хийсэн байна.
Дээрх зурагт 2014 онд Сенегал улсад Дэлхийн Суултуурны Өдрийг тохиолдуулан жагсаал хийж буй хүмүүсийг харуулжээ. Жил бүрийн уг өдөр улс бүрт ийм төрлийн арга хэмжээ зохион байгуулагддаг ажээ.
Танай гэрийн суултуур ямар өнгөтэй вэ? Хэрэв цагаан өнгөтэй бол бараан өнгийн суултуур авах талаар бодож байсан уу?