Коронавирусын халдварын үед ч романтик харилцаа болон болзоо хийх боломжтой. Үүний тулд хүмүүс бага зэрэг бүтээлч байх шаардлагатай. Нью-Йоркийн гэрэл зурагчин Jeremy Cohen орон сууцны дээвэр дээр бүжиглэж байсан бүсгүйг хараад өөрийнхөө дугаарыг дроноор явуулж, түүнтэй зайнаас оройн зоог барьсан байна. Тэдний шинэхэн харилцаа цааш үргэлжилжээ. Учир нь Jeremy түүнтэй жинхнээсээ уулзаж, болзохыг хүсжээ.
Хөл хорионы үед хүмүүс бие биенээсээ зайгаа барих ёстой – Jeremy энэ асуудлыг шийдэж чадсан. Тэр хийлдэг бөмбөлөг дотор орж, тэр ч бүү хэл Tori-д (дээвэр дээр бүжиглэж байсан эмэгтэй) сарнай цэцэг болон гар ариутгагч бэлэглэжээ.
Тэднийг уулзаж, болзоогоо хийж байх үед цагдаа нар Jeremy-ийг түр саатуулсан байна – гэхдээ санаа зовох хэрэггүй, түүнийг баривчлаагүй. Ингээд та бүхэн дэлхий нийтээрээ хөл хорионд ороод байгаа энэ үед тэдний болзоо хэрхэн өрнөсөн, анх юу болсон, одоо ямар харилцаатай байгаа талаарх сонирхолтой мэдээг хүлээн авна уу.
Нэг өдөр Jeremy Cohan гэх залуу Tori гэх эмэгтэйг дээвэр дээр бүжиглэж байхыг нь олж харжээ
Тэгээд Jeremy өөрийн дугаараа дроноор дамжуулан түүн рүү нисгэсэн байна
Цагийн дараа Tori-гоос мессеж иржээ!
Тэд хамтдаа зайнаас оройн зоог барьсан байна
Энэ үеэр Jeremy эмэгтэйд хандан үзэсгэлэнтэй харагдаж байна гэж хэлэв
Коронавирусын тархалтын үед бие биенээсээ зайгаа барьж, тусгаарлах нь ямар чухал болохыг Jeremy мэдэж байв
Иймээс тэр Tori-д зориулан бяцхан гэнэтийн бэлэг барихаар төлөвлөжээ
Ямар гэнэтийн бэлэг барьсныг нь та тааж чадах уу?
Тэр болзоондоо зориулж, хийлдэг бөмбөлөг авчээ. Яагаад гэвэл энэ цаг мөчид хүмүүс бие биенээсээ зайгаа барих ёстой
Тэр ч бүү хэл Jeremy түүнд зориулан баглаа цэцэг болон гар ариутгагч худалдаж авчээ
Гэвч тэр хийлдэг бөмбөлөг дотроо бэлгээ аваад орсон учраас Tori-д өгч чадсангүй
Тэр хийлдэг бөмбөлөг дотроо алхаж явсаар Tori-гийн гэрийн гадаа ирэв
Энэ үед Tori сэтгэл хөдлөлөө барьж дийлэхгүй байлаа
Түүнд бэлэг нь ч гэсэн маш их таалагдсан бололтой
Дараа нь тэд Нью-Йорк хотын гудмаар хамтдаа алхжээ
…мэдээж хөгжилдөхөө юу гэж мартахав
Гэнэт цагдаагийн машин гарч ирэв
Цагдаа нар Jeremy-ийг хөл хорионы үеэр нэгэн эмэгтэйтэй өвөрмөц оройн зоог барьсан залуу гэдгийг мэдээнээс олж харсан учраас таньжээ
Цагдаагийн ажилтнууд тэдэнтэй хамт зургаа авахуулаад амжсан байна
Болзоо амжилттай болжээ!
Хамтдаа жинхнээсээ нүүр нүүрээ харж уулзаж, хэрхэн болзсон бичлэгээ Jeremy Инстаграмдаа оруулсан байна
Тэднийг дараагийн болзоогоо хэрхэн хийхийг харахыг хүсэж байгаа хүн маш олон байгаа ажээ
Та бүхэнд Jeremy-гийн Tori-ийг бүжиглэж байхыг нь харсан эхний бичлэгийг үзүүлье:
…мэдээж хэрэг оройн зоог барьж буй 2 дахь бичлэг:
Хөл хорионы үеэр өвөрмөц болзоо хийх санааг бодож олсон Jeremy гэх энэ залуу болсон явдлын талаар ярилцлага өгсөн бөгөөд тэр “Энэ хүнд хэцүү цаг үед гэртээ хөл хорионд байгаа олон хүмүүст инээд хөөр, баяр жаргал мэдрүүлж чадсан бол надад сайхан байна. Ингэж л бид хар бараан цаг хугацааг хамтдаа даван туулна шүү дээ. Болзоо амжилттай болсонд баяртай байна. Би ээж минь байхгүй байсан бол энэ бүгдийг санаачилж, хийж чадахгүй байсан юм. Тэр надад олон гайхалтай түүхүүдийг ярьж өгдөг байлаа.” гэжээ.
Танд түүний романтик болзоо ямар санагдаж байна вэ? Өөрт төрсөн сэтгэгдлээ бидэнтэй хуваалцаарай.
Бахархмаар
Гоё
Гайхмаар
Хөөрхөн
Тэнэглэл
Ха Ха
Харамсалтай
Буруу
