Тэд бол Дэлхийн хамгийн шилдэг жолооч нар. Тэд автомашиныг 320 гаруй километр цаг хүртэл хүссэнээрээ хурдлуулж чаддаг. Тэдний машин бол үндсэндээ газар дээр явдаг тийрэлтэт онгоц л гэсэн үг. Нисэх мэт хурдалдаг ийм машинуудыг жолооддог эрчүүдийг өөр төрлийн эрчүүд гэж хэлж болно. Тэгвэл энэхүү өөр төрлийн эрчүүдийн шилдгүүд нь хэн хэн байдаг хийгээд хэдий хэмжээний орлоготой болохыг хамтдаа сонирхоцгооё.
1. Фернандо Алонсо /Fernando Alonso/ – 30 сая евро
2005, 2006 онуудад тэрээр Ренаулт /Renault/-д Дэлхийн аварга болж байсан. Үүний үр дүнд маш хэрэгцээтэй нэгэн болсон Испаний тэрээр 2008, 2009 онуудад Ренаултад эргэн ирэхийнхээ өмнө МакЛарен /McLaren/ руу шилжсэн. 2010 онд Италийн аварга Феррари /Ferrari/-д нэгдсэн Фернандо Алонсо нь Дэлхийн хамгийн өндөр цалинтай Ф1-ийн жолооч юм.
2. Льюис Хэмилтон /Lewis Hamilton/ – 16 сая евро
2007 онд анх гарч ирэхдээ анхны хар арьст Ф1-ийн жолооч байсан тэрээр АНУ-ын Индианаполис Мотор Спидвей /Indianapolis Motor Speedway/ уралдаанд ялалт байгуулсан анхны хар арьст жолооч болж байсан юм. Үнэндээ холимог цустай энэ залуугийн ээж нь цагаан арьстай хүн. 2007 онд ердөө ганцхан оноогоор Дэлхийн аваргын цомыг Финляндын жолооч Кими Райкконен /Kimi Raikkonen/-д алдаж байсан Хэмилтон удаах жил нь Дэлхийн аварга болсон билээ. Британий жолооч эрхэм одоо Мерседест хүчин зүтгэдэг.
3. Женсон Баттон /Jenson Button/ – 16 сая евро
2000 онд Уильямс /Williams/-т гарч ирсэн Британий Ф1-ийн жолооч удаах жил нь Бенеттон /Benetton/ руу шилжсэн бөгөөд эцэст нь Ренаултад очсон. 2003 онд БАР /BAR/ руу шилжсэн нь 2006 онд баг нь Хонда болсон ба мөнхүү жилдээ Баттон Унгарын Гранд Прикс /Hungarian Grand Prix/-ийн тэргүүн байрыг эзэлсэн. 2009 онд Хонда спортыг орхиж, тэдний байранд Английн мотоспортын инженер Росс Браун /Ross Brawn/ очсон бөгөөд Баттон 2009 онд Дэлхийн аварга болсон. 2009 онд тэрээр МакЛарен-Мерседес /McLaren-Mercedes/-т очсон.
4. Себастьян Феттель /Sebastian Vettel/ – 10 сая евро
Ердөө 25-хан насандаа Германы Себастьян Феттель өөрийн дээд амжилтуудыг тогтоосон. Гранд Приксийн албан ёсны дадлагын улиралд багтсан хамгийн залуу жолооч, хамгийн залуу аварга гэхчилэн түүнд хамгийн залуугаараа дуудуулдаг хэд хэдэн гуншин бий. Хамгийн чухал нь тэр хамгийн залуу Ф1-ийн аварга. Түүгээр ч үл барам түүнээс хойш дараалан хоёр удаа аварга болсон нь түүнийг хамгийн залуу гурван удаагийн аварга болгосон. Тэрээр одоо ч РедБулл /RedBull/-д бий.
5. Марк Веббер /Mark Webber/ – 10 сая евро
Австралийн Дэлхийн аваргын багийн гишүүний анхны гараа нь 2002 онд Минарди /Minardi/-гаас эхэлж байсан. Гурван жилийн дараа Ягуар /Jaguar/ руу шилжиж, 2009 онд РедБулл руу шилжсэнээр түүний цаг ирсэн. Германд анхны Гранд Прикстээ ялалт байгуулж, жолооч нарын аварга шалгаруулах тэмцээнд Феттель болон Алонсо нарын ард 3-р байранд орохоосоо өмнө улирлын ихэнх үед тэргүүнд байсан. Дараах жил нь дахиад л нөгөө хоёрын ард орсон юм.
6. Фелипе Масса /Felipe Massa/ – 10 сая евро
1989 онд карьераа эхлүүлсэн Бразилийн жолооч Формула Шевролет /Formula Chevrolet/, Италийн Формула Ренаулт /Formula Renault/, Евро Формула /Euro Formula/ руу шилжихдээ бүхий л шатанд аварга болж байв. 2003 онд Ферраригийн туршилтын жолооч болохоосоо өмнө Саубер /Sauber/-т очсон ч Саубертаа эргэн ирсэн. Гэвч 2006 онд Феррари түүнийг эргүүлэн авсан бөгөөд Бразилийн Гранд Прикст түрүүлсэн. 2008 онд тэрээр Хэмилтонтой улирлын турш аваргын төлөө өрсөлдсөн ч оны төгсгөлд дэд байранд орсон юм. 2009 онд бэртлийн улмаас тойргоос гарсан тэрээр жилийн дараа эргэн ирэхдээ Ферраритай гэрээ хийсэн нь одоо ч үргэлжилж байгаа.
7. Нико Росберг /Nico Rosberg/ – 10 сая евро
1982 оны Дэлхийн аварга Кеке Росберг /Keke Rosberg/-ийн хүү тэрээр Герман, Финляндын хос иргэншилтэй хэдий ч Германы далбаан доор нисдэг. 2006 онд Уильямст анхныхаа Ф1-ийг хийж байсан тэрээр 2010 онд Мерседес рүү шилжсэн.
8. Майкл Шумахер /Michael Schumacher/ – 8 сая евро
Айртон Сенна /Ayrton Senna/-гийн дараах бүх цаг үеийн шилдэг жолооч нарын хоёр дахь хүн хэмээгддэг энэ эрхэм долоон удаагийн Дэлхийн аварга болсны хоёр нь Бенеттонтой, тав нь Ферраритай холбоотой. Олон удаагийн Дэлхийн аварга гэдгээсээ гадна уралдааны бусад ялалтуудын эзэн Майкл Шумахер 2002 онд уралдаан бүрдээ эхний гуравт багтаж байсны дээр хамгийн олон удаа дараалан түрүүлсэн нэгэн юм. 2004 онд 18 уралдааны 13-т нь ялалт байгуулсан энэ эрхэм 2006 онд тэтгэвэртээ гарсан ч 2009 онд бэртэлтэй байсан Массаг орлон Ф1-дээ эргэн ирсэн. 2010 онд Мерседестэй 3 жилийн гэрээ хийсэн.
9. Кими Райкконен /Kimi Raikkonen/ – 5 сая евро
2001 онд Сауберт анх гарч ирсэн Финляндын жолооч дараах жил нь МакЛарен Мерседес рүү шилжсэн бөгөөд 2003, 2005 онуудад дэд байрын шагналууд хүртсэн. 2007 онд Феррари руу шилжсэн тэрээр мөн жилээ Дэлхийн аварга болсон. Лотус-Ренаулт /Lotus-Renault/-тай хоёр жилийн гэрээ хийж, Ф1-д эргэн ирэхээсээ өмнө тэр раллигаас гарч, НАСКАР /NASCAR/ болон ачааны машины цувралд хүч үзсэн.
10. Хейкки Ковалайнен /Heikki Kovalainen/ – 4 сая евро
2008, 2009 оны улирлын туршид МакЛаренд жолоо барьж байсан Финляндын жолооч эрхэм 2010 онд Лотус руу шилжсэн ба Лотус 2012 онд Катерхэм /Caterham/ болсон ч тэндээ үлдсэн.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
