Нэгэн эр 11 ширхэг контейнер ашиглан мөрөөдлийнхөө байшинг босгожээ. Та энэ байшингийн дотор талыг үзээд өөрийн эрхгүй уулга алдах болно!

Өөрийн мөрөөдлийн байшингаа барих үед, хүмүүст янз бүрийн санаанууд төрдөг. Зарим нь тав тухтай зуслангийн байшинг сонгодог бол, бусад нь тансаг зэрэглэлийн хаусанд амьдрахыг илүүд үздэг. Хэдий тийм боловч өөрийн гараар загвар хийцийг нь гаргаж, уламжлалт архитектурын тусламжтайгаар, бусдаас өөрөөр сэтгэж байшин барьж бас болно. Тухайлбал чингэлгэн байшин. Энэ байшинг дизайнер Will Breaux босгосон бөгөөд тэр контейнерээр барьсан байшингийн эзэн нь юм.

Түүний шинэ гэр нь Хьюстон дахь МакГовен гудамд байрладаг. Байшингийн эзний хэлж байгаагаар, түүний 11 чингэлгээр барьсан байшин нь энэ төрөлдөө хамгийн үнэтэйд тооцогдох бүтцээр босжээ.

Чингэлгүүдийг дээр дээрээс нь давхарлан байрлуулж, 3 давхар болгосон бөгөөд хамгийн дээд талдаа бас нэг сондгой чингэлэгтэй юм байна.

Тэр энэ байшинг 2000 оноос хойш барихыг хүсэж байжээ. Гэсэн хэдий ч урт хугацааны турш тэрээр энэ байшингийн дизайныг зөв гаргаж өгөх хүнийг хайж байсан гэнэ. Эцэст нь тэр өөрөө дизайныг нь гаргахаар шийджээ.

“Би өөрт маань хамгийн ихээр таалагддаг барилгын төслүүдийг хайж, сонирхож байлаа. Эцэст нь нэгэн дизайнер гэр бүлийнхэнтэйгээ хамтран өөрсдөө дизайныг нь гаргаж, 3 давхар байшин барьсан тухай сонссон юм. Олон сар эргэцүүлж бодсоны эцэст би тэдэнтэй уулзахаар шийдсэн. Надад хэрэгтэй зүйлийг хэлж өгнө гэж бодсон юм л даа. Ингээд би байшингийнхаа дизайныг 2011 оноос эхлэн өөрөө гаргаж эхэлсэн.” хэмээн тэрээр хувийнхаа блогт бичсэн байна.

Түүнд чингэлгээр байшин барих санаа олон жилийн өмнөөс төрсөн аж. Яагаад заавал чингэлэг гэж? Энэ бүхний ард энгийн утга учир бий.

“Чингэлэг бол бат бөх, галын хамгаалалттай, урт настай, хуй салхинд ч тэсвэртэй, бас миний сэтгэлд нийцдэг.” гэж Breaux тайлбарлажээ.

Тэр мэргэжлийн барилгачин биш, түүнд хэрхэн мөрөөдлийн байшингаа барих мэдлэг, туршлага ч байхгүй байв. Гэхдээ зорилгоо биелүүлэхийн тулд тууштай зүтгэжээ.

Түүний хийсэн эхний зүйл бол байшингийнхаа 3D хар зургийг гаргасан явдал байв. Чингэлгээр байшин барих тухай олон цаг судалж, мэдсэний дараа Breaux 2,500 хавтгай дөрвөлжин талбай бүхий гайхалтай байшингаа барьж чаджээ. Одоо байшингийн дотор засал чимэглэл бараг дуусч байгаа бөгөөд яг Breaux-ийн бодож, төлөвлөснөөр бүх ажил амжилттай үргэлжилж байгаа аж.

Та ирээдүйд өөрийн гараар мөрөөдлийнхөө байшинг барихыг хүсдэг үү? Ямар төрлийн байшин барих вэ?

178

Гайхмаар

39

Гоё

30

Хөөрхөн

16

Буруу

13

Бахархмаар

10

Харамсалтай

10

Тэнэглэл

9

Ха Ха

Баярлалаа!