Та азтай, одтой байхыг хүсэж байна уу? Хэрэв та азтай нэгэн болохыг хүсэж байгаа бол дараах 10 зуршлыг яг одоо хаях хэрэгтэй. Ямар зуршлууд вэ гэвэл:
1. Гэнэтийн дүгнэлт хийх
Хүн бүхэнд л ирээдүйд юу тохиолдох бол гэсэн бодол байхын сацуу, ирж буй цагт ямар нэгэн зүйл тохиолдохыг урьдаас таамаглан мэдэх зөн совин байдаг. Үнэн хэрэгтээ, амьдрал гэнэтийн зүйлсээр дүүрэн бөгөөд зарим нэг тохиолдсон үйл явдлыг хүлээж авахад хэцүү байх нь бий, тэглээ гээд гэнэтийн дүгнэлт хийж болохгүй. Энэ бол алдаа, яагаад гэвэл бид урьдаас таамаглан мэдээгүй зүйл шүү дээ. Тэгэхээр хэн нэгний үйлдлийг өнгөцхөн, яарч дүгнэх гэсний хэрэггүй. Энэ бол яах аргагүй буруу зүйл, найз нөхөд эсвэл хайр дурлалын харилцааг өнгөцхөн дүгнэлт үргэлж үгүй хийдгийг санаарай.
2. Бүх зүйлийг ээдрээтэй болгох
Өнгөрснийг өнгөрсөнд нь үлдээ, шаардлагагүй зүйлсээс болж, уурлаж бухимдах хэрэггүй. Энэ зан чанар танд үргэлж сэтгэл зовнил, азгүйтэл авчрах болно.
3. Өөрийнхөө үзэл бодолд үнэнч байх
Бид анх удаа амьдарч байгаа учир, ихэнх тохиолдолд алдаа гаргадаг. Үнэн хэрэгтээ, энэ хорвоо дэлхий дээрх бүх зүйл анх удаагаа харахад хэний ч сонирхлыг татах нь ойлгомжтой, тиймээс аливаа зүйлд үргэлж өөрийнхөө үзэл бодлыг бусдад тулгалгүй, өөрийгөө хайрцаглалгүй задгай сэтгэх нь чухал.
4. Хариутай бол бариутай гэж бодох
Амьдрал олон өнгөтэй, нэг бол танд сайн сайхан зүйлс тохиолдоно эсвэл эсрэгээрээ байж ч болно. Бусдын амьдралаар та амьдарч үзээгүй гэдгээ санаарай. Сайн хандсан нэгэнд нь сайн хандаж, муу хандсан нэгнийг нь түлхэх хэрэггүй. Харин байлгах ёстой хүнээ байлгаж, явуулах ёстой хүнээ явуулж сурах хэрэгтэй. Амьдрал гэдэг таны сонгосон сонголтоор л цааш үргэлжлэх болно.
5. Тоолгүй орхих
Бид ихэнхдээ амжилт болон алдаа дутагдлаа тоолгүй орхидог. Үнэн хэрэгтээ, үйл явдал дахин давтагдсаар байх хэдий ч, тухай бүрд нь дүн шинжилгээ хийж, юун дээр алдаж, оносноо тооцоолж байх хэрэгтэй. Өөрөө өөрөөсөө суралц.
6. Хүндээр тусгах
Зурагтаар гарч байгаа таагүй мэдээлэл, хөрш чинь хүнд өвдсөн эсэх эсвэл найзынхаа амьдралд алдсан талаар сонсоод хүндээр хүлээж авах хэрэггүй. Боломжтой бол тусламжийн гараа сунга, харин бүү санаагаа чилээ. Таны асуудал биш.
7. Хэтэрхий гэнэн байх
Сэтгэл хөдлөлдөө захирагдсаар байвал, хэзээ ч амжилтад хүрч чадахгүй. Таныг аз ивээх нь юу л бол…
8. Сул дорой байх
Амжилтад хүрэхийн тулд, өөдрөг бай. Өөрт хэрэгтэй зүйлсийг эргэн тойрондоо байлга. Хүмүүсийн сөрөг хандлагыг бүү тоо, боломжийг ашиглаж чадвал, аз ивээх нь гарцаагүй.
9. Дүрэм журамд захирагдах
Бид үргэлж өөрсдийгөө хайрцагладаг. Үр дүнд нь сэтгэж, бодож чадаагүйдээ уурсаж, мэдрэлээ ядраадаг. Бусдын замаар биш, бусдын зохиосон дүрмээр биш, өөрийн сонгосон замаараа, өөрийнхөө дүрмээр амьдар.
10. Өнгөрснийг сөхөх
Өнгөрснөө ардаа үлдээхгүй байгаа хүнийг аз хэзээ ч, бүр хэзээ ч ивээхгүй. Уучлах ёстойг нь уучилж, мартахыг нь мартаж, зүрх сэтгэлээ цэвэрлэ. Зүрх сэтгэлдээ уйтгар гуниг, урам хугаралт, өнгөрсөнтэй холбоотой алдаа оноогоо тээж явах нь урагшлах ёстой хүний хийдэг зүйл биш.
Өөрийнхөөрөө амьдар, таныг аз ивээх болно. Танд сайн сайхныг хүсье!
Хөөрхөн
Тэнэглэл
Гайхмаар
Гоё
Буруу
Харамсалтай
Бахархмаар
Ха Ха
