Хиймэл дагуулын зураг дээрх хоёр зүйлийг сураггүй болсон Малайзын нисэх онгоцтой холбоотой байж магадгүй хэмээн Австралийн эрлийнхэн шалгаж байгаа гэсэн албан ёсны мэдээлэл цацагджээ. Австралийн Перт хотоос баруун урагш 2500 км-т орших газар руу уг зүйлсийг шалгахаар Австрали, Шинэ Зеланд, АНУ-ын хөлөг онгоц, нисэх онгоцнууд явсан байгаа аж. Хамгийн том 24 метр хэмжээтэй гэж харагдаж буй уг зүйлийг далай тэнгисийн хариуцлагатай албаныхан онгоцтой холбоогүй ч байж магадгүй гэж анхааруулсан байна.
Австралийн онгоц далайд үл мэдэгдэх хэлтэрхий олжээ
Австралийн эрлийн багийнхан Энэтхэгийн далайн өмнөд хэсэгт хайгуул хийж байгаа юм байна. 26 улс орны оролцоотойгоор явагдаж байгаа эрлийн явцад хэмхэрхий, хэлтэрхий байж магадгүй зүйлс олныг олж харсан ч онгоцтой холбоогүй зүйлс байжээ.
Австралийн эрх баригчид обьектуудын нэг нь 24 м гэж хэлжээ.
Обьектуудыг хиймэл дагуулын зураг дээрээс олж, мэргэжилтнүүд үнэлсэн байна.
Малайз улс энэ долоо хоногийн эхээр Австралийн багийнхныг хайгуулын өмнөд хэсэг рүү чиглэхийг хүссэн юм байна.
Австралийн далай тэнгисийн хамгаалалтын албаныхан Пертээс баруун урд зүгт байгаа обьектыг олохоор нисэх онгоц болон хөлөг онгоцнууд явсан болохыг мэдэгдсэн байна.
1
0
0
0
0
0
0
0