Аюултай нөхцөл байдлуудад ямар арга хэмжээ авах вэ?

Олонх хохирогчдын хийдэг хамгийн буруу алхам бол цахилгаан шатны хамгийн алсын булан руу зүглэдэг явдал юм. Танд боломж олгох хамгийн тохиромжтой булан бол цахилгаан шатны товчлуурууд бүхий хана эсвэл хаалганы хэсэг. Энд ойрхон байснаар танд ядаж л товчлуурыг дарж амжих боломж олдох магадлалтай.

Хар салхи

Энэ тохиолдолд хамгийн гол зүйл бол нуувч олох. Хэрвээ нуувч олдохгүй бол хар салхи хаашаа чиглэж байгааг тодорхойлох хэрэгтэй. Машинаасаа гараад эсрэг чиглэлд нь гүйх хэрэгтэй. Хар салхи цагт 100 км хүртэл хурдалдаг учир маш хурдан гүйх хэрэгтэй. Хэрвээ дээрх аргууд бүтэлгүйтэж, хар салхинд өртвөл газар толгойгоо бүтээгээд хэвтэхээс өөр аргагүй.

Гал түймрийн нөхцөлд

Ер нь хүмүүс гал болон утаанаас болж амиа алддаггүй. Халуун хий дээш хөөрдөг учир аль болох доошоо бөхийх хэрэгтэй. Хана даган гарц олох хүртлээ яв. Ямар ч зүйл болж байлаа гэсэн хийгээр амьсгалахгүй байхыг хичээ. Хэрвээ ухаан алдаж байгаагаа мэдэрвэл хананы эсрэг чиглэлд газар хэвт. Энэ нь таныг гал сөнөөгчид хурдан олоход тус болно.

Усны гүний давалгаа

Давалгаа таныг нөмрөхөд аль болох түүнийг хөндлөн туулж гарахыг хичээх нь хамгийн зөв алхам. Хэрвээ энэ боломжгүй бол гар хөлөө сайтар тэлж, гүн амьсгал аваад аль болох усны гүн рүү шумбахгүй байхыг хичээ. Гүн амьсгал аваад тайван байхыг хичээ. Нэг газраас нөгөө рүү хүчтэй шидэгдэх учир баримжаагаа аль болох алдалгүй сандрахгүй байхыг хичээх хэрэгтэй. Байж болох бүх хурдаараа гадаргуу дээр гарч гүн амьсгаа аваад нөхцөл байдлыг дахин гартаа авахыг хичээх нь таныг дараагийн алхмаа ухаалгаар хийхэд тань тусална.

Ойд төөрвөл юу хийх вэ?

Хэрвээ баримжаагаа олж чадна гэж бодвол өндөр газрын оройд гараад дараа нь налууг даган урууд. Ус, гол горхи зэрэг урсгал ус олвол маш сайн. Түүнийг даган явснаар та хот, суурин газарт хүрэх магадлал өндөртэй. Хэрвээ гол горхи олж чадахгүй бол нараар баримжаалан нэг чигт явах хэрэгтэй.

Буудалцаан дунд

Хамгийн түрүүнд хийх ёстой зүйл бол амьд гарахыг хичээх. Гарч зугтах, халхавчлан нуугдах ямар нэгэн зүйл ойр хавьд чинь байхгүй бол гараа толгойныхоо ард аваад газар хэвтэх хэрэгтэй. Нөхцөл байдлыг хяналтандаа авч, алгуурхан мөлхөн буудалцаанаас холдоорой.

Цөмийн дэлбэрэлт

Дэлбэрэлтийн цохилтын долгионоос гарч чадвал танд амьд гарах боломж байна гэсэн үг. Мэдээж хэрэг тэнд анхааруулах тэмдэг байгаа бол та нуувч олох хэрэгтэй. Ялангуяа газар доорх нуувч олох нь тун сайн. Дэлбэрэлтийг харсан л бол нэн даруй толгойгоо бүтээгээд газар хэвт. Дэлбэрэлтийн долгион 30 секундын дотор таныг нөмөрнө. Дэлбэрэлтийн улмаас гарах гэрлийг харах хэрэггүй, энэ нь таныг тэр дор нь сохолно. Хэрвээ сайн халхавч олсон л бол аврагчид таныг олох хүртэл тэндээ байх хэрэгтэй.

Цасны нуранги

Зугтах гэсний хэрэггүй, учир нь та цанаар явж байсан ч цасны нуранги таныг гүйцнэ. Хэрвээ та нурангитай харьцуулахад хэвтээ байдлаар явж байгаа бол танд боломж байна. Энэ нь боломжгүй бол гараараа нүүрээ халхалж, амны орчимдоо бөмбийлгөн барих нь цасанд дарагдсан үед агаарын нүх үүсгэхэд тань туслах юм. Хашхирч уйлах нь танд буй багахан хүчилтөрөгчийг үргүй устгах болно. Цасанд дарагдсан бол шээх хэрэгтэй. Энэ нь таныг аврагч нохой хурдан олох боломжийг олгоно.

Барьцаалагдсан бол

Зугтах төлөвлөгөө байгаа бол хурдан хийх хэрэгтэй. Хамгийн чухал нь эхний хэдхэн минутын хугацаа. Эргэн тойронд хүмүүс байж магадгүй, анхааралтай байх нь чухал. Зугтах боломжгүй бол бүх зүйлсийг сайн ажиглаж, тэд юуны учир таныг барьцаалсныг мэдэх хэрэгтэй. Өөдгүй этгээдүүд юу хийхээр төлөвлөж байгааг мэдэхийг хичээ. Юу ч болж байсан итгэл найдвараа алдалгүй, оргож зугтах ямар боломж байна тэр бүхнийг ашиглахыг оролд.

Машин тань ус руу унасан бол

Хэрвээ машинтайгаа санамсаргүй их усанд унасан бол кабин усаар бүрэн дүүрэх хүртэл танд 90 секундын хугацаа байна. Хаалганы доод хэсэг усанд живэх нь хаалгыг нээгдэх боломжгүй болгодог учир аль болох хурдан бүсээ тайлж, цонхоо нээхийг оролд. Хэрвээ цонхоо нээж чадахгүй бол цонхыг хүчээр доош нь болгохыг хичээ.

Булчингийн хөшилтийн үед яах вэ?

Усан дотор булчин хөших нь маш аюултай. Хамгийн түрүүнд хийх зүйл бол бүтэн эргэн дээш хараад усан дээр нуруугаараа хөвөх. Ингэх нь ус уушиг руу орохоос сэргийлнэ.

Сургууль болон бусад газруудад болсон буудалцааны үед

АНУ-д хийсэн судалгаагаар сургуульд болсон буудалцааны үеэр амьд гарахад тус болох 4 хүчин зүйл байдаг гэжээ. Хамгийн түрүүнд хийх зүйл бол зигзаг хэлбэрээр гүйж зугтан гарах. Гэхдээ энэ нь үргэлж боломжтой байдаггүйг санах хэрэгтэй. Хоёрт хаалгыг хаалт болгон ашиглах. Хаалганы ард нуугдах, ямар нэгэн зүйлийг араар орох. Хэрвээ буутай этгээд таны байгаа газарт орж ирэх гэж байгааг мэдвэл үхсэн мэт дүр үзүүлэх нь хамгийн шилдэг арга. Үүний тулд сандралгүй амьсгалаа хянах хэрэгтэй. Энэ бүхэн бүтэлгүйтвэл өөрт байгаа давуу талыг овсгоотой ашиглаж, тулалдах л үлдэж байна.

Аянга цахилгаантай шуурганы үеэр

Аль болох нам дор газар олж, тэндээ хоргод. Болж өгвөл газартай наалдан хэвтээд чихээ дар. Хэрвээ та шуурганы төвд байгаа бол аянгын дуу хэнгэргийг тань хагалж мэднэ.

Далайн залхагны хор

Маш хурдан эрэг дээр гарч, далайн залхагны тэмтрүүлүүдийн ул мөрийг элсээр бүр. Залхагны хорны эсрэг хамгийн сайн эм бол халуун ус. Тэмтрүүлнүүд наалдсан бол хатаагаад кредит карт гэх мэт зүйлээр нэг л удаа хусаж арилга. Үрж болохгүй, учир нь хор арьсанд тархахад хүргэнэ.

Өндрөөс унах

Ямар ч найдваргүй мэт нөхцлөөс ч амьд үлдсэн хүмүүс байдаг. Энд хэд хэдэн зүйл таны боломжийг өсгөнө. Хамгийн түрүүнд хотойх байрлал авах. Үнэндээ бол тулгуур, түлхэлт үүсгэхийн тулд аль болох тэлж сунах хэрэгтэй. Хоёрт, газардах газраа сайтар хар, бетон дээр унахаас зайлсхий. Танд өөрийн хүссэн чиглэлд хөдлөх боломж бий. Жишээ нь баруун мөрөө доошлуулан, эсрэг талаа хавчсанаар та баруун тийш хөдөлнө. Эцэст нь нуруугаараа арагш болж, өвдгөөрөө хөлөө нугалаад хөлийн улаа урагш болгох хэрэгтэй ба газардмагц өнхрөх боломжийг бүрдүүлэхээр хичээ.

Шахцалдаан

Хөл дээрээ зогсож байхыг хичээх нь амьд үлдэх боломж. Унах нь таны боломжийг маш ихээр бууруулна. Нэн даруй босож чадахгүй бол хамгаалалтын байрлал авч, хөлөө татан атирч, толгойгоо гараараа барь. Толгойгоо үймсэн олны хөдөлгөөний чиглэлд барих хэрэгтэй. Энэ үед гал гарсан байгаа бол аль болох доош болж, чийгтэй даавуугаар амаа халхал.

Нохой дайрах үед

Тайван байж, орилж хашхиралгүй байхын зэрэгцээ нохойны нүд рүү харах, айдас түгшүүрээ мэдрүүлэх хэрэггүй. Өөрийгөө аюулгүй байгаа гэдгээ харуулвал нохой таныг сонирхохоо больж ч магадгүй. Нохойнд ар талд чинь гарах боломж бүү олго. Хэрвээ нохой таны орчимд эргэлдэж байвал тэр дайрч магадгүй учир түүн рүү биеэ эргүүлэн харуул. Нарны хаалт гэх мэтийн ямар нэг зүйл танд байгаа бол нохойны өмнөөс түүнийгээ барь. Нүүр, цээж, хүзүүгээ хамгаалж, хуруугаа хамгаалахын тулд гараа зангид.

Амьдаараа авсанд булшлуулсан бол

Юуны түрүүнд уйлах хашхирах мэтээр хүчилтөрөгчөө дэмий зарцуулах хэрэггүй. Авсан дотор нэг цаг үсрээд хоёр цагийн хүчилтөрөгчийн нөөц бий. Гүнзгий амьсгалаад аажмаар амьсгалаа гарга. Уушиг хүчилтөрөгчөөр хэт дүүрэх учир агаарыг залгилгүй амьсгал. Шүдэнз гэх мэт ил гал ашиглах нь хүчилтөрөгчийг устгана. Харин гар чийдэн ашиглаж болно. Хашхирч, уйлж, сандарснаар зүрхний цохилт хурдасч, амьсгалын тоо нэмэгдэх учир тэгэх хэрэггүй. Гараараа авсны тагийг түлх, хямдхан картонон авсанд хуримын бөгж, бүсний арал зэргээр нүх гаргахад амархан байдаг. Гараа цээжиндээ зөрүүлээд мөрний орчмоос цамцаа дээш татаж, толгойгоо битүүлэн ороо. Энэ нь авсны тагийг эвдэх үед шороо ам хамраар чинь дүүрэхээс хамгаална. Авсны тагийг доош тат. Хямдхан авсыг газарт дөнгөж булахад л хүнд шороонд дарагдан хялбархан эвдэрдэг. Толгойноос хөлний чиглэлд шороог нүхлэхийг хичээ. Нүх гаргасан бол өндийж суухыг хичээ, шороо сул зайг дүүргэж, танд өөрийнхөөрөө хөдлөх боломжийг олгоно. Гэхдээ хөдлөхөө больж болохгүй, тайван амьсгалсаар хөдөлсөөөр байх хэрэгтэй. Шинэхэн булшны шороо сул байдаг учир бороо орж, хөрсийг хүндрүүлж, нягтаршуулаагүй л бол түүнээс гарах нь харьцангуй хялбар байдаг.

Хөл чинь замганд орооцолдсон бол

Боломжтой бол хөлийн булчин агшсан үеийнх шиг усанд нуруугаараа хэвтэж сэл. Толгой чинь усан доор байгаа бол тайван байж, амьсгалаа түгж. Сул гараараа замгийг хөлнөөсөө салгахыг оролд. Хэт хүчтэй хөдлөх хэрэггүй, энэ нь нөхцөл байдлыг муутгаж мэднэ.

Хахсан тохиолдолд

Олон нийтийн газарт хахсан бол танд хэн нэгнээс тусламж авах боломж байна. Хэн нэгэн хажууд чинь байхгүй бол сандал гэх мэт хатуу зүйл дээр хүйс, хавирга хоёрынхоо дунд хэсгээр тааруулан хэвлийгээрээ хүчтэй цохилт өг. Цоройн дахь агаарт даралт очсоноор хоолойнд тээглэсэн зүйл гарна.

Уулын хажуу руу унах

Эрүүгээ цээжиндээ шахаж, хөлөөрөө тоормоз авахыг хичээ.