Та 52,500 долларын үнэтэй тасалбар бүхий галт тэргээр зорчих уу?

0
0
20,112

Та 52,500 долларын үнэтэй тасалбар бүхий галт тэргээр зорчих уу?Төмөр замаар зорчигч болон ачаа тээвэрлэх хэлхээст тээврийн хэрэгслийг галт тэрэг гэдэг. Машинаар явснаас хурдан, нисэх онгоцоор явснаас зардал багатай учир галт тэргээр зорчихыг илүүд үзэх үе хүмүүст байдаг. Эсвэл зүгээр л төгсгөлгүй мэт санагдах төмөр замаар хот тосгод, тал хөндий, уул усны дундуур давхих нь таалагддаг болохоор галт тэргээр зорчих хүсэлтэй нэгэн ч байж болох юм. Машиныг бодвол хүрэх газарт арай түргэн хүргэх давуу талтай боловч нисэх онгоцноос тав тух, цаг хугацаа хэмнэх байдлаараа доогуурт бичигдэх галт тэрэгний аялалыг туйлын тав тухтай болгох тал дээр олон зүйл хийгдэж байгаа аж. Машинаар, нисэх онгоцоор аялснаас илүүтэй гайхалтай сэтгэгдэл, дурсамжийг үлдээх туйлын тав тухтай, тансаг галт тэрэгний аялалын тасалбарын үнэ 52,500 хүртэл доллараар үнэлэгдэж байна.

Blue Train: $ 1,850
Өмнөд Африкын Преториа болон Кейп Таун хотуудыг холбосон энэхүү галт тэрэгний үйлчилгээ нь хувийн үйлчлэгч, тансаг тасалгаа, гайхалтай гал тогоог агуулжээ. Аялалын үеэр цонхоор байгалийн тансгийг бишрэх боломжийг олгосон энэ галт тэрэгний люкс өрөө бүр нь халдаг гантиг шал бүхий угаалгын өрөөтэй ба угаалгын өрөө нь алтан тоноглол бүхий гантиг угаалтуураар тоноглогдсон байна.
Хоолны вагонд нутгийн хамгийн шилдэг хүнсний бүтээгдэхүүнүүдээр хийсэн нарийн тансаг зоогоор үйлчлэх ба болор хундаганд дээд зэргийн дарс хундагалан дайлна. Преториа, Кейп Тауны галт тэрэгний хоол хүнс, ундаа ус, Монтекристо тамхи багтсан тасалбар оргил үедээ 1850 доллар байдаг байна.
Orient Express: $ 2170
Сингапур, Бангкок хоёрын хооронд 2000 км урт замыг туулах энэхүү галт тэрэгний үйлчилгээний өрөө бүр нь агааржуулагч, унтлагын өрөөтэй холбогдсон буюу en-suite угаалгын өрөөтэй. Интоорын модон хана нь шигтгэмэл чимэглэлтэй тасалгаа бүхий галт тэргээр аялахад хамгийн сийрэг үед 2170 доллар төлөх ба энэ нь өрөөний үйлчилгээ бүхий гурав хоногийн аялал юм.
 
Энэ галт тэргэн дэх хоол үнэхээр гайхалтай. Өрнөдийн болон Дорнын хэв маягийн яруу тансаг нийлэмж, хольц бүхий хоолыг Франц тогоочийн бэлтгэснээр амтлахын хамт 40 долларын үнэтэй дарс шимнэ. Өглөөний цайг тасалгаанд олгоно.
Orient Express Venice-London: $ 3140
Парис, Истанбулын хооронд явдаг хамгийн алдартай галт тэрэгний хуваарьт аялал болох энэхүү аялалын 1982 оны 5-р сарын 25-нд болсон Лондонгоос Венец хүрсэн хамгийн анхны аялалаар дэлхийн алдартнууд, дээдсийн гэр бүлийнхэн аялж байв.
http://img.xopom.com/2013/images/hOp7v.jpg” border=”0″ />
 
Өнгөрсөн зууны 20, 30-аад оны үеийн Арт Деко стилийн вагонуудыг анхны хэлбэрээр нь сэргээн зассан тасалгаануудад нь өглөөний цай болон цайг хүргэх үйлчилгээ, гурав хоногийн аялалын үдэш бүр зоогийн өрөөнд гайхалтай хоол зоогоор үйлчлэх энэхүү аялалын тасалбарын хамгийн бага үнэ нь 3140 доллар аж.
 
Express «Ghan»: $ 3,390
Австралийн өмнөд болон умард хоёр талд байдаг Аделайд, Дарвин хотуудыг холбосон энэ замаар тэмээн жингээ тууварлаж байсан Афган тэмээчин Ghan хэмээн нэрлэсэн түүхтэй. Happy Coupe-ны зочны өрөө нь үдэш болоход тухлаг унтлагын өрөө болох ба угаалгын өрөө нь шүршүүртэй. Том том цонхнууд нь тус тивийн үзэсгэлэнг тольдох боломжийг олгоно.
 
3390 долларын үнэтэй Платинум ангиллын 3 хоногийн аялалын үеэр Австралийн болон олон улсын хоол зоогоор үйлчилдэг байна.
 
Express «Danube»: $ 4975
Будапештээс Франкфурт хүрэх энэ буухиа галт тэрэгний бусдаасаа ялгарах гол онцлог нь аялалын хэд хэдэн замтай. Эвхдэг сандалнууд нь үдшийн цагт орны үүрэг гүйцэтгэх энэ аялалын тасалгаанууд нь угаалгын өрөөтэй.
Зоогийн өрөөнд Унгарын алдарт дарсыг шимж, нутгийн туршлагатай тогоочийн дор дор нь бэлтгэсэн амтлаг, шинэ хоол зоогийг амтлах гурав хоногийн энэ аялалын хамгийн доод үнэ 4975 доллар аж.
Train «Royal Scotsman»: $ 5180
Шотландын өндөрлөг газрын тал хөндий, нууруудын дундуур ердөө 35-хан зорчигчтойгоор үргэлжлэх энэ галт тэрэгний аялал тухтай ор хөнжил, тусдаа угаалгын өрөө, өндөр чанартай ариун цэврийн болон угаалгын хэрэгслийг санал болгодог.
Галт тэрэгний зоогийн газарт үндэсний болон нутгийн онцлог хоол хүнснээс гадна тагтааны цээж махаар хийсэн халуун салат, үхрийн нүд жимсээр хийсэн соус, амтат алимны мусс зэрэг өвөрмөц зоог, амттануудыг санал болгодог. Энэхүү аялалын нэг хүний тасалбар 5180 доллар.
Maharaja Express: $ 7700
88 зорчигчдод зориулсан 23 тансаг вагон бүхий энэ галт тэрэгний буухианд спа центр, фитнес төв, бизнесийн төв, агааржуулагч, утасгүй интернэтийн сүлжээ гээд өнөө цагт хэрэгтэй юм бүхэн бий. Энэтхэг, Хятад, Энэтхэгийн баруун хэсгийн Мевар мужийн олон төрлийн хоол зоогийг санал болгох хоёр зоогийн газар бүхий энэхүү галт тэрэгний үйлчилгээний гурав хоногийн аялалын тасалбарын үнэ 7700 доллар бөгөөд ерөнхийлөгчийн иж бүрдлийн үнэ нэг хүний 25,800 доллар юм байна.
 
Train «Rocky Mountaineer»: $ 7878
Канадын хадад уулс бүхий Банфф үндэсний цэцэрлэгт хүрээлэнгийн дундуур, Луйс нуурын дэргэдүүр өнгөрөх энэ галт тэрэг хоёр давхартай. Хоёр давхрын шилэн дээвэр бүхий тасалгаанууд орчны байгалийн үзэсгэлэнг бахдах боломжийг олгодог бол нэг давхрын тасалгаанд голчлон нутгийн онцлог бүхий түүхий эдээр бэлтгэсэн хоол зоогийг амтлах боломжтой. Шөнийг зочид буудалд өнгөрүүлэх зорчигчид өглөө аялалаа үргэлжлүүлэх долоо хоногийн аялалын үнэ 7878 доллар юм.
 
Train “Golden Eagle”: $ 15.495
Алтан бүргэд галт тэрэг бол алдарт Транс-Сибирийн замаар Москва, Владивосток хоёрыг холбосон тансаг зэрэглэлийн галт тэрэгний аялалын галт тэрэг юм. Том гэгчийн ор, угаалгын өрөө, суух хэсэгтэй, маш чинээлэг байдлаар тоноглогдсон хоёр өрөөт купенд тухлангаа хоёр зоогийн газрын аль дуртайдаа хооллох боломжтой.
Train Pride of Africa: $ 52,500
Дэлхийн хамгийн тансаг зэрэглэлийн галт тэрэгнүүдийн нэг болох энэ галт тэрэг Өмнөд Африкын Кейп Таун болон Египетийн Кайр хотуудын хооронд явдаг. Галт тэрэгний аялалын алтан үе хийгээд орчин үеийн онцлогийг хослуулсан энэ буухианы галт тэрэгний иж бүрдэл нь Эдвардын хэв маягийг шингээсэн чимэглэл сэлт, халуун шүршүүр, ус хатаагч бүхий угаалгын өрөө, төрөл бүрийн амтат ундаанууд бүхий мини-баар, өрөөний үйлчилгээ зэргийг агуулсан. Радио, телевиз байхгүй ч гар утас, зөөврийн компьютер болон бусад техникийг бусдад төвөг удалгүйгээр ашиглах боломж бүрэн.
 
Викторийн эриний хэв маягаар чимэглэсэн хоёр зоогийн өрөөнд нутгийн уламжлалт хоол зоогноос гадна хятад хоол тэргүүтэй хэд хэдэн төрлийн хоол, Өмнөд Африкын тэргүүний дарсаар үйлчилдэг. Аялалын тасалбар нэг хүний 52,500 доллар аж.
0
ГоёГоё
0
Ха ХаХа Ха
0
ХөөрхөнХөөрхөн
0
ГайхмаарГайхмаар
0
БахархмаарБахархмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.