Архитектур Техник

Дэлхийн хамгийн аймаар галзуу хулганууд

Нийтлэгч: Лука
Огноо: 2013/05/10
5
0
26,061
  • Total0
  • 0

Дэлхийн хамгийн аймаар галзуу хулгануудЗун цаг айлчлан ирж, өдөр уртсан хүн бүр амарч, зугаалж, цэнгэхийг илүүд үздэг цаг ирээд байна. Гэвч манайд хөдөө хээр цэвэр агаарт гарахаас өөрөөр хотынхоо хэмжээнд амралтаа өнгөрүүлчихээр, зугаацаж цэнгэчихмээр, амарч тухалчихмаар тав тухтай, цэвэр цэмцгэр, хэрэгцээтэй бүхнийг бүрдүүлсэн газар бараг байхгүйтэй адил. Хотын иргэдийн амралтаараа зорьдог хуруу дарам цөөхөн газруудын нэг нь Үндэсний соёл амралтын хүрээлэн буюу хүүхдийн парк бөгөөд хэдий ихэнх газар нутгаа алдаж, алга дарамхан зайд хэдэн тоглоомоо бөөгнүүлсэн энэ газарт босож байгаа нэг зүйл хүн бүрийн анхаарлыг татаж байгаа гэхэд хилсдэхгүй. Энэ бол манайхны нэрлэдгээр галзуу хулгана /roller coaster/ бөгөөд аюулгүй байдал болоод үнэ ханш, хэзээ ашиглалтанд орох зэрэг нь хараахан тодорхойгүй байгаа энэ галзуу хулганан дээр нэг сууж үзье гэсэн үг нилээдгүй хүмүүсийн амнаас гарч байгаа. Энэ нуршуу оршлын төгсгөлд бидний та бүхэнд хүргэх гэж байгаа гол мэдээлэл бол Дэлхийн улс орнуудад байдаг хамгийн аймаар галзуу хулгануудын тухай юм. Сонирхол татсан мэдээлэл болж чадсан гэж итгэж байна. Галзуу хулганы ертөнцийн жинхэнэ хувьсал одоогоос 37 жилийн өмнө буюу 1976 оны 5-р сарын 8-нд хийгджээ. Хүмүүсийн нервийг гижигддэг энэ тоглоомын хамгийн анхны гогцоотой хувилбар Калифорни мужийн чинээлэг суурин болох Валенсиад байрлах Сикс Флэгс Мэжик Маунтин /Six Flags Magic Mountain/ сэдэвчилсэн паркд сүндэрлэж байжээ. Одоо бол гогцоо нь гайхашруулаад байх зүйл биш болсон бөгөөд галзуу хулганыг бүтээгчид улам илүү шинэ, илүү аймшигтай зүйлсийг бодож олохоор толгойгоо гашилгадаг болсон цаг. Ямартай ч өндрөөс айдаг хүмүүсийн хувьд зүглэхийн ч хэрэггүй галзуу хулгануудын дундаас хамгийн аймшигтай галзуу хулганууд хаана оршдогийг доорх нийтлэлээс уншиж танилцахыг урья.

 
1. Германы Баден-Вюртемберг мужид орших Европа парк /Europa Park/-ын Силвер Стар /Silver Star/ галзуу хулгана
Силвер Стар нь Европын хамгийн өндөр галзуу хулгана бөгөөд 2002 онд ашиглалтанд орсон. Гинжин өргөгч систем ашигладаг энэ галзуу хулгана нь аажмаар 73 метрийн өндөрт хүргэх ба дараа нь 130 км/цагийн хурдтайгаар уруудаж, тойрдог байна.
2. Австралийн Квинсленд дэх Дриймворлд /Dreamworld/ паркын Тауэр оф Террор 2 /Tower of Terror II/ галзуу хулгана
Анхны Тауэр оф Террор 1997 онд 8 сая гаруй Австраличуудыг айлгахаар сүндэрлэж байсан нь тухайн үеийнхээ Дэлхийн хамгийн өндөр, хамгийн хурдан галзуу хулгана байсан ба 2010 онд энэ галзуу хулгана илүү аймшигтай болж хувирсан. Галзуу хулгана хонгилоос босоо хэлбэрийн цамхгийн орой өөд 161 км/цагийн хурдтайгаар долоохон секундэд гараад буцаж хонгил руу ордог нь хүмүүсийг маш их айлгадаг.
 
3. Японы Кувана хотод орших Нагашима Спа Лэндийн Стил Драгон 2000 /Steel Dragon 2000/ галзуу хулгана
Энэхүү галзуу хулгана нь маш өндөр гүвээнүүдтэй, маш хурдан гэдгээсээ гадна хамгийн урт замтай гэдгээрээ алдартай. Энэ галзуу хулганыг маш өндөр үнээр барьсан ба хөрөнгө оруулалтын ихэнх нь газар хөдлөлтийг эсэргүүцэх гулсуур бүтээхэд зарцуулсан байна.
 
 
4. АНУ, Нью Жерсид орших Сикс Флэгс Грейт Эдвенчер паркын Кингда Ка /Kingda Ka/ галзуу хулгана
Дэлхийн хамгийн өндөр галзуу хулгана гэдгээсээ гадна хурдаараа Дэлхийд хоёрт тооцогддог Кингда Ка галзуу хулгана 139 метр өндөртэй бөгөөд түүхэндээ хэд хэдэн удаа асуудалтай тулгарч байсан. 2005 онд асаах төхөөрөмжийн мотор болон кабелийн системд нь механик гэмтэл гарч байсан ч азаар асуудлыг арилгаж чадсан. 2009 онд Кингда Ка цахилгаанд цохиулж, дахин шинэ гэмтэл авсан.
 
5. АНУ, Виржиниагийн Кингс Доминион /Kings Dominion/ паркын Интимидатор 305 /Indimidator 305/ галзуу хулгана
Энэ галзуу хулгана нь 2010 оны Шилдэг шинэ галзуу хулгана хэмээгдэн Алтан тасалбар шагнал хүртэж байсан.
 
 
6. Японы Фужиёшида хотод орших Додонпа /Dodonpa/ галзуу хулгана
Нэгэн цагт Дэлхийн хамгийн хурдан галзуу хулгана гэгдэж байсан энэ галзуу хулгана нь одоогийн Дэлхийн хамгийн хурдан хурдатгалтай галзуу хулгана юм. Додонпа нь гэнэтхэн 173 км/цагийн хурдтайгаар хурдалж, бараг босоо хэлбэрийн гогцоонуудаар аялуулдаг.
 
 
7. АНУ, Валенсиа хотын Сикс Флэгс Мэжик Маунтин паркын Супермэн: Эскейп фром Криптон /Superman:Escape from Crypton/ галзуу хулгана
2011 оноос өмнө зүгээр л Супермэн:Эскейп нэртэй байсан энэ галзуу хулгана өнгө будаг нэмж, шинэчлэгдсэнийхээ дараа дээрх шинэ нэрээр дахин гарч ирсэн ба 160 км/цаг хурдалж, 126,5 метрийн өндөрт хүмүүсийг хүргэдэг болсон байна.
 
 
8. Японы Токио хотын Токио Дом Сити /Tokyo Dome City/ паркын Тундер Долфин /Thunder Dolphin/ галзуу хулгана
Тундер Долфин галзуу хулгана нь энэ ангилал дахь хамгийн даруухан галзуу хулгана юм. Хурд, өндөр зэргээрээ онцлоод байх зүйлгүй энэ галзуу хулганы хамгийн их сонирхол татдаг зүйл нь дэргэдээ байрлах барилгын өнцөг дэх бетонон цагирагаар гардаг зам нь юм.
 
9. АНЭУ, Абу Даби, Феррари Ворлд /Ferrari World/паркын Формула Росса /Formula Rossa/ галзуу хулгана
Формула Росса бол одоогийн хамгийн хурдан галзуу хулгана. Тав хүрэхгүй секундэд 240 км/цаг хүртэл хурдыг авдаг энэ галзуу хулганы хамгийн урд эгнээнд суусан хүмүүст нүдний гэмтлээс сэргийлсэн тусгай хамгаалагч шил зүүлгэдэг байна.
 
 
10. Японы Фужиёшида хотод орших Ээжанайка /Eejanaika/ галзуу хулгана
4D хэмжээст галзуу хулгана гэгддэг энэ галзуу хулганы суудал хойшоо урагшаа 360 градус эргэдэг нь хамгийн их аймшигтай сэтгэгдлийг төрүүлдэг байна.
 
 
1
ТэнэглэлТэнэглэл
1
ГайхмаарГайхмаар
0
ГоёГоё
0
Ха ХаХа Ха
0
ХөөрхөнХөөрхөн
0
БахархмаарБахархмаар
0
ХарамсалтайХарамсалтай
0
БурууБуруу
Баярлалаа!
  • Total0
  • 0

5 Сэтгэгдэл

  1. nickhun

    2013/05/11 at 11:55

    10. Японы Фужиёшида хотод орших Ээжанайка /Eejanaika/ галзуу хулгана Iiha Video gn zasaachee!!!!

  2. golon

    2013/05/11 at 13:29

    янзтай!

  3. jakoo

    2013/05/11 at 19:16

    Тоглоом нэмээчээ дандаа хэнд ч хэрэггүй хэдэн зурагнууд.

  4. haruka

    2013/05/11 at 20:21

    http://clicktrackprofit.com/splash/?referer=tsolmon1110

  5. NDND

    2013/05/20 at 18:00

    estoi goe yum segsiitle sugad uzmeer sanagdchila :))) bas aimarin

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.