Хүн төрөлхтний амьдралын хуудас тун баялаг. Түүнд сайн саар олон зүйлүүд бичигдэн үлддэгийн дотроос хүн хэмээх ухаант төрөлтний маш өчүүхэн хэсэг болох туйлын цөөхөн хэдэн хүмүүсийн тухай мэдээллийг та бүхэнтэйгээ хуваалцахаар шийдлээ. Энэ бол нэгэнт туулаад өнгөрсөн болохоор эргэж хэзээ ч олддоггүй, хүн бүрийн эргэж очихыг дэндүү ихээр хүсдэг хүүхэд насандаа үүрд үлдсэн хүмүүсийн тухай мэдээлэл юм. Хэзээ хэзээгүй хорвоог орхих гэж байгаа өвгөн шиг төрөөд он жил өнгөрөх тусам улам бүр залуужсаар нярай хүүхэд болоод нас бардаг Бенжамин Баттон /Benjamin Button/-ы тухай сонирхолтой киноны гол дүрийн баатрыг санагдуулам ийм хүмүүс тун цөөхөн байдаг. Наслалт болон сэтгэхүй янз бүрийн нөлөөллийн улмаас сааталд ордог ховор төрлийн эмгэгтэй тэдгээр хүмүүстэй дараах зураг болон товч мэдээллээр дамжуулан танилцацгаая.
1. АНУ-ын Монтана мужийн Биллингс хотын Габриелле Мэри Уильямс нэртэй энэ охин одоо 8 настай. Гэхдээ тэр яг л нярай хүүхэд шиг жаахан учир эцэг эх нь түүнд 0-3 сартай хүүхдийн хувцас авч өгдөг.