Полиэтилен давхаргатай саарал өнгийн зузаан наадаг тууз /duct tape/-ыг жижиг сажиг засваруудад хэрэглэдэггүй хүн гэж үгүй. Энэ туузтай байхад бүхнийг засаж болно ч гэж хошигнодог. Саарал туузны ашиг тусыг магтахын хамт энд бид дундаж саарал туузнаас 100 дахин бат бэх шинэ бүтээгдэхүүнийг танилцуулах гэж байна. Энэ бол ган төмөрнөөс ч илүү бат бэх Фиберфикс /Fiberfix/ тууз юм. Тусгай давирхайнаас гаргаж авсан энэхүү туузыг үйлдвэрлэгчид яг л ган төмөр шиг хатуурдаг хэмээн тодорхойлжээ. Хэрэглэхэд маш энгийн, шаардлагатай хэмжээний урттай туузыг усанд дэвтээгээд дараа нь нойтон фиберфиксээрээ засах гэж байгаа зүйлээ ороогоод л гүйцээ. Ороогоод хэсэг байлгахад аяндаа хатуурах ба 10-аад минутын дараа гэхэд нилээд сайн хатуурч, 24 цагийн дараа гэхэд бүрэн хатуурсан байх болно. Засаж сэлбэсэн багажаа яаралтай ашиглах гэж байгаа тохиолдолд энэ нь тийм тохиромжтой байж чадахгүй байж болох юм. Гэхдээ нэг удаа фиберфиксдээд авахад дараагийн удаа салаад унах вий гэж айлтгүй л болно. Бүрэн хатуурсан туузыг дараа нь будаж, өнгөлчихвөл бүр ч болоод явчихаж байгаа нь тэр. Бүрэн хатуурсан туузанд дараа нь ус нэвтрэхгүй бөгөөд нэгэнт наасан л бол дараа нь түүнийг салгах тухай саналтгүй. Үйлдвэрлэгчийн зүгээс туузыг арьс, хувцас, багаж хэрэгсэл дээрээ наахгүй байхыг сануулж байгаа аж. 1х40 инчийн урттай тууз 5,99 доллар, 4х60 инчийн хэмжээтэй нь 9,99 долларын үнээр үнэлэгдэж байгаа юм байна.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
