Алдарт Гиннесийн номонд нэрээ бичүүлэх нь нэг талаар амархан хэрэг байж болох юм. Учир нь тэрхүү амжилтаа ахиулах, амжилтын эзэн гэдэг нэрээ хадгалах нь тун хэцүү хэрэг. Учир нь дэлхий дээр маш олон авьяастай, чадвартай, гайхалтай хүмүүс байдаг. Гэхдээ Гиннесийн дэлхийн дээд амжилтын номонд бичигдсэн зарим төрлийн амжилтууд маш удаан хугацаанд хадгалагдаж чаддаг. Жишээ нь урт тодотголтой зарим амжилтуудыг эвдэх хүн тэр бүр гарч ирдэггүй. Энд цөөн хэдэн шилдэг дээд амжилтуудыг танилцуулж байна.
Дэлхийн хамгийн хөгшин хүн хэмээгдэж байсан Японы иргэн, 116 настай Зироэмон Кимура хорвоогийн жамаар нас эцэслэснээр дэлхийн хамгийн урт настай хүнээр эмэгтэй хүн тодорсон нь мөн л Японы иргэн Мисао Окава байсан ба 115 настай энэ хүн 1898 оны 3-р сарын 5-нд төрсөн юм байна.
Хэдийгээр дэлхийн хамгийн урт настай хүн гэсэн албан ёсны бүртгэлд Япон эмэгтэй бүртгэлтэй байдаг ч дэлхийн өөр орнуудад дахиад өөр гурван урт настай хүн байдаг. Жишээ нь, Энэтхэгийн Аймара омгоос гаралтай Боливын Кармело Флорес Лауро /Carmelo Flores Lauro/ нь 123 настай гэгддэг. Түүний ач зээ нарын өгүүлж байгаагаар өвөө нь 1933 онд Парагвайн дайнд оролцож байсан гэх. Адис хүртээх ёслолын гэрчилгээн дээр нь түүнийг 1890 оны 7-р сарын 16-нд төрсөн гэсэн байдаг ч түүнд төрсний гэрчилгээ байхгүй аж. Учир нь Боливт 1940 оныг хүртэл төрсний гэрчилгээ олгодоггүй байжээ.
Энэхүү амжилтын өөр нэгэн өрсөлдөгч бол Алимихань Саят хэмээх хятад хүн юм. Тэрээр өөрийгөө 1886 оны 6-р сарын 25-нд төрсөн гэдгээрээ 127 настай болж таарч байгаа юм. Хятадын Геронтологийн нийгэмлэг түүний насыг баталдаг ч төрсний гэрчилгээ гэх мэт баталгаа байдаггүй.
Этиопын фермер Жакаб Эбба өөрийгөө 160 настай гэдэг ч мөн л түүнд албан ёсны баталгаажуулах бичиг байхгүй. Гэхдээ наргианч хөгшин эр XIX зууны үе 1880 онд болсон Италийн довтолгоог санаж байгаагаар барахгүй тухайн үеийн өөрсдийн залуу насны тухай олон нарийн ширийн зүйлийг өгүүлдэг байна.
Нью Йоркын Бруклин дүүргийн Жон Фалкон /John Falcon/ өөрийн биеийн нэг хэсгээрээ Гиннесийн амжилт тогтоосон. Тодруулбал Жон дэлхийн хамгийн урт бэлэг эрхтэнтэй эр юм. Түүний эрхтэн хэвийн үедээ 24 см, хөвчирсөн үедээ 34 см урттай. Дундаж хэмжээний дарсны лонх шиг урттай түүний эрхтэн мөн төдий хэмжээний бүдүүн аж.
Олон эрчүүд түүний энэ амжилтын зэмсэгт атаархаж мэдэх ч Фалкон өөрөө биеийнхээ энэ хэсэгт тийм ч талархалтай ханддаггүй гэнэ. Учир нь цагдаа нар түүнийг халаасандаа зэвсэг хийсэн байна гэж сэжиглэх явдал цөөнгүй гарч байсан байна.
Өөр нэгэн удаан үргэлжилсэн, урт тодотголтой амжилт бол Латвийн иргэд утсаар тасралтгүй 54 цаг 4 минутын турш ярьсан явдал юм.
Гэхдээ Латвийн энэ амжилтыг удахгүй шинэ тоног төхөөрөмжийн шүтэн бишрэгчид эвдэж магадгүй байгаа юм. Гиннесийн дэлхийн амжилтын хороо Андройд үйлдлийн системд суурилсан Highscreen Boost 2 загварыг албан ёсоор хүлээн зөвшөөрөх баримт бичгийг боловсруулсан ба энэхүү загварын 6000 mAh болон 3000 mAh хоёр батерей нь хоёр долоо хоног үргэлжлэх аж.
Өмнөх загвар болох Highscreen Boost-ын батерей нэг долоо хоног цэнэгээ барьдаг байсан нь уг загвар зөвхөн нэг батерейтай байсантай холбоотой. Гэхдээ Орос дахь анхны Boost тухайн жилийнхээ хамгийн шилдэг борлуулалттай 10 ухаалаг гар утасны нэг болсон юм.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
Зочин
2013/10/13 at 20:40
dajgui medeelel bna