Эх дэлхийн маань эргэн тойрон дахь сонирхол татам баримтуудын талаарх бас нэгэн нийтлэл уншигч та бүхэнд хүрч байна. Хүн амьдралынхаа туршид хэр хол зам туулдаг болох, хүний биеийн хамгийн их ашиглагддаг хэсэг юу болох, дэлхийн хамгийн урт хорхой ямар амьтан байдаг, мэлхий яагаад юм залгихдаа нүдээ аньдаг тухай гээд олон сонирхолтой зүйлсийг энэхүү нийтлэлээс мэдэж авах боломжтой. Далайд дусал нэмэр гэдэгтэй адил таны мэдлэгийн далайд өчүүхэн төдий дуслыг нэмэрлэж чадсан байхаа гэж итгэж байна.
Хүн амьдралынхаа туршид дунджаар экваторыг таван удаа тойрсонтой тэнцэх хэмжээний урт замыг туулдаг.
Мэлхий нүдээ анивчихгүйгээр юм залгиж чаддаггүй. Учир нь тэдний нүдний алим нь залгиж байгаа хоол хүнсийг нь ходоод руу нь түлхэхэд тусалдаг байна.
Хүний арьс 28 хоног тутамд шинэчлэгдэж байдаг.
Байгаль дээр хамгийн ховор байдаг химийн элемент нь астатин хэмээх радио идэвхт химийн элемент юм. Дэлхийн 1,6 км зузаан хөрсөнд ердөө 70 мг астатин агуулагддаг.
Эрүү бол хүний биеийн хамгийн их ашиглагддаг бүтэц юм.
Далайн гахайнууд бие биенийгээ нэрээр нь дуудаж чаддаг.
Дэрний ‘амьдралын’ үргэлжлэх дундаж хугацаа 6 жил байдаг.
Агаарын 10 хувийг арьсны хачиг болон тэдгээрийн үлдэгдэл эзэлдэг.
Нүцгэн сохор номин нь хавдрын эсрэг дархлаатай байдаг ба бараг хүчилтөрөгчгүйгээр амьдарч чаддаг.
Дэлхийн хамгийн хурдан иддэг амьтан бол одон хамарт сохор номин юм.
Онолын хувьд мод хамгийн өндөртөө 130 метр хүртэл өндөр ургадаг.
Цэнхэр халим нь амандаа өөрийн биетэй тэнцэх хэмжээний жинтэй зүйлийг авч явж чаддаг. Гэхдээ мэдээж хэрэг усан дотор.
Дэлхийн хамгийн урт амьтан бол тэнгисийн өт бөгөөд энэ өтний урт 55 метрт хүрдэг.
Хамгийн том амьд организм бол Орегон мужид ургадаг мөөг юм. Энэ мөөг нь 10 км.кв талбайг эзлэн ургадаг байна.
Насанд хүрсэн хүн дунджаар 7 триллион жоуль хэмжээний нуугдмал энергийг хадгалж байдаг.
Энэ нь 30 ширхэг устөрөгчийн бөмбөгтэй тэнцэх хэмжээтэй юм.
Дэлхийн алтны 99 хувь нь дэлхийн төвдөө байдаг.
Хүн төрөлхтөн түүхийнхээ хугацаанд хоёр Олимпийн усан санг дүүргэхүйц хэмжээний алт олборложээ.
Өдөр бүр дэлхий дээр сансрын хог хаягдлын дор хаяж нэг хэсэг унаж байдаг.
5
Гайхмаар2
Гоё0
Ха Ха0
Хөөрхөн0
Бахархмаар0
Харамсалтай0
Тэнэглэл0
Буруу
Зочин
2013/10/19 at 13:24
sonirholtoi medeelel bn