Дэндүү бяцхан зүйлс

Нийтлэгч: Лука

Огноо: 2013/09/08

Total0
0

Хумсны толион дээр тогтох хэмжээний өчүүхэн жижиг хэмжээтэй атлаа өөрийн гүйцэтгэх үүргийг яг л бодит хэмжээ бүхий зүйл шигээ яруу тод гүйцэтгэж чаддаг зүйлсийг бүтээхийн тулд уг зүйлийн бодит хувилбарыг бүтээхээс харьцангуй их хөдөлмөр зүтгэл шаардах нь гарцаагүй. Гэхдээ ийм хөдөлмөрт хөлс хүчээ зарцуулдаг цөөнгүй хүмүүс байдаг бөгөөд тэдний бүтээсэн бяцханаас бяцхан эд зүйлс нь өөрийн гүйцэтгэх үүргийг дээд зэргээр гүйцэтгэж, бүрэн дүүрэн ажиллаж чаддаг байна. Хүмүүс бидний амьдралд хэрэглэгддэг ямар ямар зүйлсийн жижигрүүлсэн төгс хувилбарууд энд байгааг мэдээний дэлгэрэнгүйгээс үзэцгээе.

1. Буу

Швейцарьт бүтээгдсэн энэ бяцхан буунд жинхэнэ буунд байдаг бүх зүйл ном журмынхаа дагуу бий.

2. Галт тэрэгний загвар

Энэхүү бяцхан загварыг бүтээсэн Дэвид Смит /David Smith/ уг бүтээлээ бүтээхэд ердөө 12 доллар зарцуулжээ.

3. Бяцхан машин

1962-1965 онуудад үйлдвэрлэгдэж байсан Peel P50 микро машин нь гурван дугуйтай, нэг хүний суудалтай, нэг хаалгатай, нэг шил арчигчтай, нэг их гэрэлтэй.

4. Камер

2011 онд Германы Фраунхофер институтын эрдэмтэд нэг удаагийн камерын шинэ төрлийг танилцуулсан. Үйлдвэрлэхэд хялбар, хямдхан, нэг удаагийн энэ камер 1 куб.мм хэмжээтэй. Эмнэлгийн зориулалттай уг камерын ачаар эмч нар хүний биеийн доторх хэсгийн зургийг жижиг хэмжээнээс нь үл хамааран тун сайн авах боломжтой болжээ.

5. Компьютер

Норвегийн Эф Икс Ай /FXI/ компани саяхан микро компьютерыг худалдаанд гаргажээ. Дээрх зурган дээрх төхөөрөмж нь USB биш, Андройд, Убунту үйлдлийн системийг дэмжиж ажилладаг бүрэн ажиллагаатай персонал компьютер юм.

6. Завь

Томхон жакуззи ванны хэмжээтэй энэ завийг Шведийн Свен Урвинд /Sven Urvind/ хэмээгч бүтээсэн ба үүгээрээ Дэлхийг тойрон аялахыг хүсэж байгаа аж.

7. Телевизийн дэлгэц

2007 онд Шотландын компаний MicroEmissive ME1602 телевизийн дэлгэц Дэлхийн хамгийн жижиг телевизийн дэлгэц хэмээгдэн Гиннесийн амжилтанд бүртгэгдсэн.

8. Тийрэлтэт онгоц

1960-аад оны сүүлээс 70-аад оны дунд хүртэл Америкийн нисэх онгоцны дизайнер Жим Беде /Jim Bede/-гийн Беде Эйркрафт Корпорейшн /Bede Aircraft Corporation/ хэмээх жижигхэн компани ердөө 159-хөн кг жинтэй Bede BD-5J хэмээх бяцхан агаарын хөлгийг бүтээсэн нь Дэлхийн хамгийн бяцхан нисэх онгоц гэгдсээр байгаа төдийгүй 5000 орчим хувь худалдан борлуулагджээ.

9. Бяцхан шавьж-робот