Та эдгээр хориотой газруудаар аялбал баривчлагдах болно

Та аялах дуртай нэгэн байж болно, гэхдээ таны очиж болохгүй газар гэж бас байна аа. Эдгээр газрыг зүгээр ч нэг хориогүй, ямар нэгэн шалтгаан байж л таарна. За яах вэ, нэвтэрч орохыг хориглосон байж, тэгвэл эрх биш зургийг нь харж болох байлгүй дээ.

1. Богемийн шугуй (Монте-Рио, Калифорни)

Дэлхийн хамгийн баян хүмүүс энд цуглаж, дураараа дургиж дунд чөмгөөрөө жиргэдэг газар – толгойгоороо хөл хийж ухаангүй цэнгүүн зохионо. Энд урилгагүй л ирсэн бол шууд гавтай ачигдана.

2. Ментвит-Хилл цэргийн бааз (Хойд Йоркшир, Их Британи)

Урилгагүй л бол энд нэвтэрч орно гэж зүүдлэх ч хэрэггүй. Үндэсний аюулгүй байдлын агентлаг энд элдэв төрлийн тагнуулын судалгааны ажиллагаагаа явуулдаг хориотой бүс.

3. Ласко агуй (Франц)

Хүй нэгдлийн үеийн ханын зурагтай энэ агуй анхлан олон түмэнд нээлттэй байжээ, харин 1963 оноос эхлэн зургийг устаж үгүй болохоос урьдчилан сэргийлж хаасан байна.

4. Сюртсей (Исландын нэгэн арал)

60-аад оны галт уулын дэлбэрэлтийн үр дүнд бий болсон арал бөгөөд эрдэмтэд уг арал дээр амьдрал хэрхэн бий болохыг судлах зорилгоор хаалгуулжээ.

5. Шпицбергенд дэх бүх дэлхийн үр тарианы агуулах (Норвеги)

Дэлхийд газар тариалангийн хямрал нүүрлэвэл юмыг яаж мэдэх вэ гээд хэдэн сая үр тариаг хадгалж байдаг.

6. Хойд Синтинелийн арал (Андаманскийн арал)

Таныг энэ арал дээр хөл тавилаа гэж баривчлахгүй, та шууд л үхэх болно. Эндхийн уугуул иргэд гадны зочид гийчдэд тун дургүй тул таныг шууд л нум сумаар цааш харуулж орхино.

7. 39 дугаартай өрөө (Хойд Солонгос, Пхеньян)

Хойд Солонгост тийм ч амар нэвтэрч орохгүйг хүн болгон мэднэ. 39 дугаартай өрөө бол Ким Чен Уны гол амин сүнс буюу энд бүх л хууль бус ажиллагаанууд явагдана. Энд урилгагүй зочин бол төрийн дайсан л гэсэн үг.

8. 51-р бүс (Невада, АНУ)

Олон арван жил АНУ-ын удирдлагууд энэ бүсийг үгүйсгэж байсан ч гэсэн эцэс сүүлд нь үнэнээ хэлэхээс өөр аргагүйд хүрсэн юм. Энэ бол агаарын зэвсэгт хүчний нууц бааз гэдгээ хүлээн зөвшөөрсөн нь хаалга нээлттэй гэсэн үг биш юм шүү.

9. Мария Сионын сүм (Аксум, Эфиоп)

Энэ сүмд Эфиопийн үнэн алдартны шашны шүтээн болох Гэрээний авдар хадгалагдаж байдаг. Сүмд зөвхөн хамгаалагч л орох эрхтэй.

10. Ватиканы нууц архив (Ватикан)

Архивын нууц бичиг баримтуудыг зөвхөн Ромын Пап л үзэх эрхтэй байсан бол өнөөдөр судлаач, эрдэмтдийг нэвтрүүлдэг болжээ. Магадгүй тун удахгүй баримтууд нууц биш ил болох байх.

11. Кеймада-Гранди (Бразилийн нэгэн арал)

Та арлын аль ч буланд буусан хамаагүй хөл тавиад л тун удалгүй дэлхийн хамгийн хортой могойд хатгуулна. Түүний хор агшин зуурт л үйлчилдэг юм. Уг арал дээр хааяахан тусгай зөвшөөрлөөр эрдэмтэд очдог байна.

12. Ниихау (Хавайн арал)

Энэ арал дээр жирийн нэгэн шалтгаанаар та очиж чадахгүй: энэ бол хувийн өмч. Арлын уугуул оршин суугч болох 130 хүнийг эс тооцвол Робинсоны гэр бүлийн урилгагүйгээр энэ арал дээр хөл тавьж чадахгүй.

13. Уайтагийн жентельмений клуб (Лондон, Англи)

Энэ бол Британийн элит клуб, энд жентельменүүд хүссэнээрээ согтож, мөрийтэй тоглодог зөвхөн эрчүүдийн клуб. Энд гишүүнээр элсэхийг хүсвэл клубын 35 гишүүнээр зөвшөөрөгдөж, жилд 1200 доллар төлөх чадвартай байх ёстой.

14. Зянсу мужийн үндэсний аюулгүй байдлын музей (Нанзин, Хятад)

Энэ музей Хятадын иргэдэд нээлттэй, харин гадны жуулчдад бол орохыг хатуу хориглосон, “тагнуулын” шинж чанартай дотоодын мэдээлэл маш олноор дэлгэгдсэн музей.

15. Херд арал (Австрали)

Энэ арал дээр жилд ердөө 400 жуулчин л аялж болно. Хоёр долоо хоногт ширүүн давлагаатай, тэгээд бас цаг агаарын тогтуун бус нөхцөлд аялахыг хүн болгон хүсэхгүй л болов уу.

1

Тэнэглэл

1

Гайхмаар

0

Гоё

0

Ха Ха

0

Хөөрхөн

0

Бахархмаар

0

Харамсалтай

0

Буруу

Баярлалаа!