![](https://news.xopom.com/content-mn/uploads/2020/07/XopoM.com-Оргүй-унтах-шаардлагатай-болсон-нөхцөлд-хэрхэн-тухтай-амарч-болох-тухай-9-аргыг-танд-танилцуулж-бай-11.jpg)
Бид амьдралынхаа турш нийт 27 жилийг орон дээрээ унтаж өнгөрүүлдэг гэсэн судалгаа бий. Гэтэл бид оргүй нөхцөлд унтах шаардлагатай болох үед л орыг ямар чухал зүйл вэ гэдгийг санадаг шүү дээ. Орон дээр унтахад тухтай, дулаахан гээд давуу тал ихтэй. Харин оргүй газар унтах шаардлагатай болсон үед хэрхэн хүзүү хөшиж өвдсөн таагүйхэн мэдрэмжтэй өглөөг угтахгүй байж болох талаар бяцхан зөвлөгөөг хүргэхээр бэлдлээ.
Онгоцоор аялж байх үед:
1. Сууж буй байрлалаа сольж байх
Буддын шашны лам, хуврагууд эгц суунгаа унтаж чаддаг тухай өгүүлдэг. Гэхдээ ядаж 40 хэмийн налуу өнцөг үүсгэн сууж унтах нь тохиромжтой байдаг. Хэрэв та онгоцонд унтахад хүндрэлтэй байдаг бол байрлалаа сольж, хөлөө жийх нь танд тухтай амрахад туслах болно.
2. Толгойгоо хөдөлгөөнгүй байлгах арга хэмжээ аваарай
Хүн гүн нойр авахын тулд бүх булчингаа суллах хэрэгтэй байдаг ч суунгаа унтах үед хүзүүний булчин байнгын ажиллах хэрэгтэй болдог байна. Энэ үед хүмүүсийн хэрэглэдэг хамгийн түгээмэл арга нь цонх дэрлэх байдаг. Харин цонхноос хол суусан тохиолдолд зарим зорчигчид ороолтоор толгойгоо суудалтайгаа бэхлэж хөдөлгөөнгүй болгох нь бий. Мөн түүнчлэн хүзүүний дэрийг ч хэрэглэдэг. Энэ нь хүзүүг ямар ч хөдөлгөөнгүй болгох эрсдэлгүй тул хэрэглэхэд тун тохиромжтой.
3. Гутлаа тайлаад, урт оймс өмсөх
Сууж байх үед бидний цусны эргэлт удааширч байдаг. Учир нь удаан хугацаанд суух үед цус хөлөнд хуримтлагдаж, биеийн цусны эргэлтийг удаашруулах шалтгаан болдог. Гутлаа тайлах нь цусны эргэлт сайжруулах нэгэн арга бөгөөд нөгөөтээгүүр хөлөө дулаан байлгаж байж бие сайн амрах нөхцөл бүрдэх тул урт оймс өмсөхийг зөвлөж байна.
Нийтийн зорчигч тээврээр үйлчлүүлж байх үед:
4. Өөрийн эд зүйлсээ найдвартай газар байршуулах
Чухал эд зүйлсээ авч яваа үед нийтийн тээвэрт унтах нь тийм ч тухтай байдаггүй шүү дээ. Ажил, гэрийн хооронд явахдаа та цүнхээ дэр болгох, хүрэмнийхээ дотрыг эргүүлж нөмрөх зэрэг аргаар хулгайчаас сэргийлэх боломжтой.
Мөн автобусны арын эгнээ бусад суудлуудыг бодвол гэмт хэрэг үйлдэгдэх магадлал илүү их байдаг тухай судалгаа бий.
5. Орчны чимээг багасгах арга хэмжээ аваарай
Орчны дуу чимээг багасгах аргууд дундаас бидэнд хамгийн ойр нь чихэвч хэрэглэх явдал билээ. Унтахад тань дуу чимээ тусгаарлах үүрэгтэй тусгай чихэвч ч гэж бас байдаг шүү дээ. Гэвч дуу чимээг бүрэн тусгаарласан тохиолдолд сэрүүлгээ сонсохгүй өнгөрөөх, буух ёстой буудлаа өнгөрч сэрэх эсвэл хулгайчаас сэргийлэх ямар нэгэн дохио болсон бусдын гаргаж буй чимээг ч сонсохгүй өнгөрөөх эрсдэлтэй. Тиймээс танд цагаан дуу чимээ (white sound) буюу радио телевизорын тодорхой давтамж бүхий дуу авиа, агааржуулагч сэнсний чимээ гэх мэт дуу авианаас тусгаарлагч тусгай чихэвч эсвэл зүгээр л хөгжмөө нам тавиад чихэвч зүүх нь ч тустай байж мэдэх юм шүү.
6. Унтахын өмнө сэрүүлэг тавих
Зорчиж байх үедээ сэрүүлэг тавиад унтах нь тайван амрах боломжийг олгодог билээ. Байн байн сэрж цагаа шалгахын оронд сэрүүлэг таны өмнөөс бүхнийг хариуцна гэдэг сайхан хэрэг шүү. Сэрүүлэг тавихдаа тооцоолсон цагаасаа өмнө сэрүүлгээ тавьж, өөрийгөө бэлдэх цаг гаргахаа мартав аа.
Найзындаа хонох шаардлагатай болсон үед:
7. Заавал шалан дээр унтах хэрэгтэй гэж үү? Хайрцагнаас гарч сэтгэцгээе
Шалан дээр унтах нь тухгүйгээс гадна угаалгын өрөөнөөс ч хүйтэн байх тохиолдол бий. Тиймээс яагаад ванн эсвэл хийлдэг гудас ашиглаж болохгүй гэж? Жишээлбэл: та ванн дотор өдөн хөнжил дэвсэж унтвал дулаахан бөгөөд тухтай байх болно.
8. Хүйтэн шалнаас сэргийлэхийн тулд доороо илүү олон дэвсгэр дэвсээрэй
Доороо дэвсгэр нэмж дэвсэх нь танд дулаанаа хадгалах хамгийн сайн арга болох болно. Хэрэв та унтлагын хувцастай унтдаг бол энэ нь хүний биеэс ялгарч буй хөлсийг зохицуулагч нэгэн төрлийн механизм болж өгдөг. Харин өдөн хөнжлийн тухайд дулааныг маш сайн хадгалагч гэдгээрээ онцлогтой. Хэрэв таны унтаж буй өрөө агаарын солилцоо сайтай бол дээгүүрээ агаар нэвтрүүлэхгүй хучлага хэрэглэхийг зөвлөж байна. Доороо дэвссэн дэвсгэрийн хувьд энэ нь таныг дулаан байлгаад зогсохгүй илүү тухтай унтахад туслах болно.
9. Дэрийг булчинд өвчин орохоос сэргийлж ашиглах нь
Дэр магадгүй таныг булчингийн өвдөлтгүй сайхан амрах нөхцөлийг бүрдүүлэгч болж мэдэх юм шүү. Унтах үедээ дэр ашиглах нь хүзүү болон нурууг шулуун байрлалд байлгаж, сайн амралт өгөх зорилготой. Толгой болон мөрөн дороо тус бүрд нь нэг дэр, хавирганы доод хэсгээр хөндлөн байрлалтай дэр байрлуулснаар нурууны доод хэсэг болон хөл тань маш сайн амарч чадна.
Бонус: Дүүжин орон дээр хэрхэн унтах вэ?
Дүүжин орон дээр унтах нь эрүүл мэндэд хэрэгтэй эсэх талаар хүмүүс үргэлж маргаж байдаг. Явган аялагчдын хэлж буйгаар шөнө хүйтэн газарт хорхой шавжнаас зайлсхийхийн тулд дүүжин ор ашиглах нь элбэг байдаг бөгөөд тухтай амрахад 2 гол зүйлийг мэдэх шаардлагатай байдаг гэнэ.
1. Дүүжин ор тань хэр нарийн эсэх. Ихэнх хүмүүсийн боддогоос ялгаатай нь дүүжин ор нь хэт нарийн байх нь тохиромжгүй гэнэ. Учир нь хэт нарийн болсноор хүний бие галбирт зохицон хувирах хангалттай орон зайгүй болдог ажээ. Тиймээс өргөн дүүжин ор нь таны биед зохицон хувирах хангалттай хэмжээний зайг бий болгож өгөх давуу талтай.
2. Хэвтэж буй байрлал. Хүн ерөнхийдөө ташуу байрлалаар унтдаг. Тиймээс дүүжин орон дээр та хөлөө зүүн эсвэл баруун тал руугаа 20-30 см хажуулдуулж цээжин биеэ хөлийнхөө эсрэг зүгт эргүүлэн хэвтээрэй.
Оргүй унтах болсон тохиолдолд илүү дээр амрах өөр ямар нэгэн арга танд бий юу? Дүүжин орон дээр унтах тухайд өөр нэмж хэлэх зөвлөгөө танд байгаа уу? Хэрэв тийм бол сэтгэгдэл хэсэгт бичиж бидэнтэй хуваалцаарай.
![Гоё](https://news.xopom.com/content-mn/plugins/tw-reactions/assets/img/style_1/heart.png)
![Тэнэглэл](https://news.xopom.com/content-mn/plugins/tw-reactions/assets/img/style_1/poop.png)
![Ха Ха](https://news.xopom.com/content-mn/plugins/tw-reactions/assets/img/style_1/haha.png)
![Гайхмаар](https://news.xopom.com/content-mn/plugins/tw-reactions/assets/img/style_1/wow.png)
![Хөөрхөн](https://news.xopom.com/content-mn/plugins/tw-reactions/assets/img/style_1/love.png)
![Бахархмаар](https://news.xopom.com/content-mn/plugins/tw-reactions/assets/img/style_1/yay.png)
![Харамсалтай](https://news.xopom.com/content-mn/plugins/tw-reactions/assets/img/style_1/sad.png)
![Буруу](https://news.xopom.com/content-mn/plugins/tw-reactions/assets/img/style_1/angry.png)