Барилгын салбар хэзээ хэзээнээс илүүтэйгээр хөгжиж байгаа энэ үед олон хүмүүст амьдрахад үнэ өртөг багатай ч гэсэн тав тухтай байхаар гэр орон хэрэгтэй болоод байгаа юм. Барилгын инженерүүд энэ асуудлыг шийдвэрлэхэд ихэд анхаарал хандуулж байгаа бөгөөд тэд та бүхэнд зарим нэг загваруудыг санал болгож байна.
Photon Space байшин нь шилэн бөгөөд байгалийн гэрлийг хэрэглэж цахилгаан хэмнэхээр бүтээгдсэн юм. Нарны гэрэл таны сэтгэлийг сэргээнэ гэдэгт бүрэн итгэлтэй байна.
Мэдээж танд хувийн орон зай хэрэгтэй байгаад аль эсвэл нарны хэт ягаан туяанаас болгоомжилж байгаа бол та тусгай тохиргооны тусламжтай гэрийнхээ шилэн ханыг нэвт харагддаггүй болгож болно.
Лондоны архитекторууд болон эрдэмтэд уг бүтээлээ зөөхөд болон угсарч буулгахад тун амархан хэмээн хэлсэн байна.
Photon Space-ийн нэг ийм байшин нь 330-410 мянган долларын үнэтэй юм
Хөнгөн цагаанаар хийгдсэн ALPOD байшин нь бат бөх агаад тун хөнгөн юм.
Гүйдэг хаалгатай, цонх нь дээрээ байрлалтай энэхүү зөөврийн байшин таны гэрийг үргэлж нарны гэрлээр хангаж байх болно.
Тус байшинг James Law Cybertecture, Aluhouse бас Arup-ын инженерүүд зохион бүтээсэн байна. Тус байшин нь гурван хэсгээс бүрддэг: гал тогоо, угаалгын өрөө мөн унтлагын эсвэл зочны өрөө.
ALPOD дотор мөн агаар цэвэршүүлэгч, гэрэлтүүлэгч бий. Худалдаанд 2016 онд гарах юм.
Уг барилгыг гэр болгон амьдарч болохоос гадна албан байгууллагын оффис, жижиг дэлгүүр аль эсвэл студи болгон хэрэглэсэн ч болно.
Хэрэв та алслагдсан газар амьдрах гэж байгаа бол энэхүү экокапсулыг сонирхох байх. Нар болон салхины тусламжтайгаар өөрийгөө бүрэн цахилгаанаар хангах чадвартай ба нэг удаа цэнэглэхэд 4 өдрийн турш хангалттай юм.
Экокапсулын онцгой чадваруудаас дурьдвал дулаанаа бараг алдахгүй ба борооны дуслыг цуглуулан нөөцөлдөг юм.
Хүргэлтийн үнийг оруулаад үзвэл энэхүү жижиг оромж нь 3 мянган долларын үнэ өртөгтэй юм. Капсул дотор ор, жижиг ширээ, шүүгээ мөн угаалгын өрөө хүртэл бий.
Белгичүүд ч мөн энэ салбарт хүч сорьж байгаа юм. Skilpod үйлдвэрийн бяцхан байшин нь нарны хүчээр эрчимждэг ба хураасан дулаанаа ахин хэрэглэн дулаан алдалтыг 0 болгож байгаа юм. Мэдээж дотроо бүрэн тохижсон.
Мөн гэр доторхи гэрлийн хэмжээг аль болох их байлгахаар тооцогдсон
Энэхүү гэр нь ганцаараа амьдрах дуртай эсвэл их зай хэрэггүй настай хүмүүст тохиромжтой гэж хэлсэн байна. Үнэ нь 67 мянган доллараас эхлэх юм.