Хамгийн үнэтэй 10 дижитал зургийн аппарат

Нийтлэгч: Лука

Огноо: 2015/10/23

Total11
11

Хальсан дээр дүрс буулгадаг камер хэрэглэдэг байсан үе саяхан мэт санагдах ч түүнийг мартахад хангалттай хугацаа өнгөрчээ. Өнөө үеийн камерууд таны төсөөлөхийн ч аргагүй түвшинд хүрсэн нь үнэхээр баярлууштай зүйл юм.

10. Sony Alpha A99 – 3,164,000 төгрөг

Загвар SLT-A99, авах зургийн хэмжээ 35,8 х 23,9 мм. 24,3 мегапикселийн нягтралтай. OLED тоон системтэй, 7,5 см-ийн дэлгэцтэй. Энэ нь өнөөдрийн байдлаар хамгийн сайнд тооцогдож буй камер юм.

9. Canon EOS 5D Mark III – 5,062,000 төгрөг

Энэхүү камер нь 22,3 мегапикселтэй, тоон систем нь CMOS. 61 төвлөрлийн цэгтэй болохоор дүрс хурдан тодорч ялгардаг, ISO 100-25600 гэрлийн мэдрэгчтэй болохоор нар жаргасан ч бүх зүйл тод харагдна.

8. Nikon D4 – 8,226,000 төгрөг

Хамгийн хурдан мэргэжлийн камер бөгөөд Nikon D4-ийг спортын зураг авалтанд ашиглахад тохиромжтой. Нэг секундэд 11 кадр авахаас гадна 16,2 мегапикселийн нягтаршилтай FX тоон системтэй. Мөн 51 төвлөрлийн цэгтэй бөгөөд, ISO гэрлийн өндөр мэдрэгчтэй.

7. Pentax 645D – 18,984,000 төгрөг

Pentax 645D камерын зургийн хэмжээ 44х33 мм, CCD мэдрэгчтэй, 40 МП (мегапиксел) учир маш өндөр нягтралтай зураг авах боломжтой мэргэжлийн камер юм. Энэхүү камер нь 11 төвлөрлийн цэгтэй, ISO 100-1600 гэрэл мэдрэгчтэй.

6. Canon EOS 1D Mark III – 23,097,000 төгрөг

Canon EOS 1D Mark III нь сурвалжлагчдад зориулсан, секундэд 10 кадр авах өндөр хурдтай мэргэжлийн камер юм. CMOS тоон системтэй, АРS-H форматын 10,1 МП нягтаршилтай, 3888х2592 хэмжээтэй зураг авах, 6400 ISO хүртэл гэрэл мэдрэгчтэй.

5. Leica S2-P – 56,953,000 төгрөг

Энэхүү камерыг Дмитрий Медведевийнх гэдгээр нь олон хүн танина. Leica S2-P нь дундаж форматтай, CCD гэрэл мэдрэгчтэй, 30х45 мм-ын харьцаатай, 37,5 МП нягтаршилтай. Энэ камераар агаарт зураг авдгаараа зурагчдын дунд алдартай билээ. Мөн усны хмагаалалттайгаас гадна зайгаа маш сайн барьдаг аж.

4. Panoscan MK-3 Panoramic – 75,937,000 төгрөг

Panoscan MK-3 Panoramic нь 8 секундэд 360 хэмийн зураг авч чадна. Панорама зургууд нь 3D ертөнц бүтээхэд тохиромжтой, жишээ нь Quicktime VR, Flash VR гэх мэт. Панорам зураг авах зориулалттай онцгой тоон системтэй. Эргэн тойрон, орчны зураг авах зориулалттай.

3. Phase One P65+ – 77,519,000 төгрөг

Phase One P65+ нь дундын форматтай, бүтэн кадрын тоон системтэй. Тоон системийн төхөөрөмжийн тусламжтай маш өндөр нягтралтай зураг авах боломжтой. ISO 3200-ийн системтэй ч гэсэн 15 МП хүртлэх нягтаршилтай тул сайн чанарын зураг авах чадвартай.

2. Seitz 6×17 Panoramic – 82,265,000 төгрөг

Seitz 6×17 Panoramic камер нь 160 МП нягтаршилтай. Нэг секундэд 300 мегабайт мэдээлэл үүсгэх чадвартай, авч байгаа дүрсийг шууд өөр төхөөрөмж дээр давхар гаргаж үзэх боломжтой. Өргөн нягтаршил шаардагдсан хөрөг зураг, уран зураг, архитектур зэрэг зураг авахад зориулагдсан.

1. Hasselblad H4D 200MS – 87,011,000 төгрөг

Дэлхийн хамгийн шилдэг камераар Hasselblad H4D 200MS тодроод байгаа юм. 200 МП нягтаршилтай тул бүх деталийг тод гаргана. 6 мэдрэгчтэй болохоор 6 зураг зэрэг авч 200 МП-ийн файл болгон нэгтгэдэг. Студид ажилладаг зурагчдад зориулсан.