Узбекистаны тухай сонирхолтой 24 баримт

Нийтлэгч: Лука

Огноо: 2015/10/23

Total4
4

Албан ёсны нэр – Бүгд Найрамдах Узбекистан Улс. Дундад Азид байрлах бөгөөд Туркменистан, Афганистан, Казахстан, Кыргызстан болон Таджикистан улсуудтай хил залгаа оршино. Далайд гарцгүй, улсын нийслэл Ташкент.

1. Олон жилийн өмнө Узбекистанд олон тооны Оросууд амьдран суудаг байлаа. Хүн амын ихэнх хувь нь Оросоор ярьж, Орос шахуу соёлтой болж байв. Харин одоо зөвхөн настайчууд л Оросоор ярих бөгөөд залуучууд төрөлх хэлээрээ ярина. Гудамжны нэрээс Орос нэр алга болсоор байгаа юм.

2. Гаднынхан Узбекистанд амьдрахад бэрхшээлтэй тулгарна, учир нь Узбек залуучууд гадныханыг маш их гадуурхдаг байна.

3. Цагдаа – хамгийн их орлоготой ашигтай ажил. Цагдаа нар хаа сайгүй, тэдний орлого нь авилга.

4. Ташкент хот амралт, зугаалгын сайхан газар. Жуулчдад үзэж харах зүйл ихтэйгээс гадна амьдрахад тухтай.

5. Ташкент саяхан л сайхан ургасан модтой парк, талбайгаараа гайхагдаж байлаа. Гэтэл учир битүүлэг шалтгаанаар моднуудаа тайрч аваад оронд нь жижиг гацуур суулгах болжээ.

6. Аялал жуулчлалын газруудад Бухар, Самарканд болон Хиву хот орно. Тэнд амьдарна гэж худлаа, очиж үзээд л ирэхэд болно.

7. Улсын нийслэлд театртай бөгөөд хааяахан Орос хэл дээр жүжиг тавина. Мөн хэд хэдэн музей үзэж болно.

8. Хэрвээ та клубын амьдралыг илүүд үздэг бол ихэнх клубууд нь Ташкентын төв хэсэгт байрлана. Гэхдээ ихэнх узбек залуучууд зодолдох гэж л клубт очдогийг мартаж болохгүй шүү.

9. Хэрвээ танд узбек паспорт байхгүй бол таны аялал хоёр дахин үнэтэй болно.

10. Бас л узбек паспортгүй бол бэлэг дурсгалын зүйл ч үнэтэй тусна.

11. Ташкент хотыг “барилгын хот” гэж хэлж болно, яагаад гэвэл байнга барилгаа өөрчилж байдаг газар.

12. Ташкентийн үзэх ёстой нэг газар бол метро. Буудал болгоныг хаш чулуугаар бүрсэн ба шил толь болсон газар байх ажээ. Цагдаагийн эргүүл алхам бүрт таарна. Метроны буудлууд маш цэвэрхэн, цаасны хэлтэрхий ч байхгүй. Метронд гэрэл зураг авахыг эрс хориглодог.

13. Ташкентад явж байхад өлсөнө гэж байхгүй, гудамжны өнцөг булан бүрт кафе, ресторан байна.

14. Жимсний дарснаас бусад согтууруулах төрлийн ундаа нь муу гэж үздэг учраас импортоор орж ирсэн архи үнэтэй байдаг ажээ.

15. Хэрвээ та Узбекистан явахаар шийдсэн бол урьдчилан узбек мөнгөн тэмдэгт солиулж авч явсан нь дээр. Учир нь тус улсад мөнгө солиулах маш хүндрэлтэй, банкинд ч амархан солихгүй.

16. Узбекистанд 8 болон 9-р сард аялахад тохиромжтой. Энэ үеэр шинэ ургацын жимс гарсан байхаас гадна тийм ч халуун биш байна.

17. Цанын баазаараа алдартай улс: Чартак, Агалык, Чимган болон Ташкентийн рашаан …

18. Тус улсад нийтийн тээвэр явдаггүй хотууд байдаг. Эдгээр хотуудад бэлэг дурсгалын зах, тоглоомын клуб зэрэг чөлөөт цагаа өнгөрүүлэх газрууд их байх ажээ.

19. Узбекистанд байгалийн унаган төрх болон зэрлэг амьтдыг хамгаалахын тулд 9 тусгай хамгаалалтай газар, үндэсний парк байдаг.

20. Узбекистанаар хоёр том гол урсана – Амударья, Сырдарья, эдгээр голууд нь Кызылкум цөлөөр дамжин Аралын далайд цутгана.

21. Кызылкумын уулнаас 1990 онд эрдэмтэд харь гаригийн гэмээр хадны зураг олжээ.

22. Гиссаргскийн оргилоос динозаврын хамгийн тод мөрийг олж байв. Эрдэмтдийн үзэж байгаагаар 75 сая жилийн тэртээх мөр ажээ.

23. Узбекистанаас дэлхийг донсолгосон олдворыг олжээ. Сакс хатны шарил – 250 алтан товчтой маш үнэтэй хувцас өмсгөсөн мумми. Түүхэн баримтаас харахад сакс хатныг Александр Македонский Самарканд хотыг эзэлснээс хойш эхнэрээ болгожээ.