Lily дрон таныг дагаж гайхалтай мөчүүдийг тань бичиж авах болно

Нисдэг роботууд буюу дронууд зургийг тохиромжтой өнцгөөс авахад их хэрэгтэй ч өөрсдийн хүссэнээр удирдахад тийм ч амар байдаггүй. Харин нисдэг Лили камер өөрөө нисч чаддаг учраас та үүнийг ямар нэг байдлаар удирдах шаардлагагүй. Үүнийг агаарт шидэхэд л паппарациуд таны хамгийн шилдэг зургийг дарахаар улайрдагтай адилаар таныг хаа сайгүй дагаж гайхалтай мөчийг тань мөнхлөх болно.

Лили камер бол Беркели сургуулийн шинэхэн төгсөгчдийн бүтээл. Өндөр нягтрал бүхий 1080p видеонууд буюу секундэд 720p-ээс 120 фрейм хүртэл видео хийх боломжтой, 12 мегапиксель зураг авдаг.

Энэхүү бүтээл нь камерны хувьсалд нэгэн шинэ үеийг авчирч байгаа бөгөөд хэрэглэгчид удирдах шаардлагагүйгээр тэднийг дагах боломжтойгоороо шинэлэг болж байгаа юм. Энэ нь бугуй болон халаасандаа бэхлэх боломжтой жижиг дагагч төхөөрөмжинд GPS механизмыг суурилуулснаар боломжтой болсон байна.

Бугуйн цагны хэмжээтэй Лили дагагч төхөөрөмжийн тухайд iPhone болон Андройд утсан дээр аппликейшн суулгаснаар мөн камераа удирдах боломжийг олгож өгсөн. Энэхүү аппликейшнаар дамжуулаад та авах зургийнхаа төрлийг сонгох ба камераа удирдахад мөн ашиглана.

Хэрэглэгчийн дүрсийг бичиж авахын тулд Лили камер 40 км/цагийн хурдтайгаар хамгийн ихдээ 15 метр өндөрт нисч, дагагч төхөөрөмжөөс 30 метрийн зайд холдох чадвартай. Аюулгүй байдлын үүднээс өөрийн байндаа 1,75 метрээс дотогш зайнд ойртдоггүй.

Дөрвөн ширхэг агаарын сэнсээр тоноглогдсон, 1.3 килограмм жинтэй ба 20 минутын нислэг хийх боломжтой, ус нэвтэрдэггүй.

Лили камер нь 899 ам.долларын үнэтэйгээр худалдаанд гарч байгаа ба урьдчилж захиалвал 499 доллараар авах боломжтой.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!