Мансууруулах бодис зөөвөрлөж байсан дрон осолджээ

Өнгөрөгч Мягмар гаригийн орой АНУ, Мексикийн хилийн ойролцоо метамфетамин хэмээх хар тамхи зөөвөрлөж байсан дрон осолдсон хэмээн цагдаагийн газраас мэдээлжээ. Автомат ажиллагаатай бяцхан агаарын хөлөг Мексикийн хилийн Тихуана хотын худалдааны төвийн авто зогсоолоос олдсон бөгөөд 6 хэсэг хуваан багласан 3 кг орчим мансууруулах бодис ачсан байжээ. Дрон хаанаас нисэж ирсэн болон хаашаа нисэж байсан нь тодорхойгүй байгаа аж.

Осолдсон дроны тухай нэр тодорхойгүй нэгэн Мягмар гаригийн үдэш орон нутгийн цагаар 9:50 цагт цагдаа руу утасдаж мэдэгджээ. Цагдаагийн байгууллага дроныг 1400 долларын үнэтэй Spreading Wings 900 загвар болохыг тодорхойлсон ба үйлдвэрлэгчийн вэбсайтад бичсэнээр 6 сэнстэй энэхүү дрон 18 хүртэл минут нисэж чадна гэжээ.

Мексикийн эрх баригчид Facebook сайтад гэмт хэрэгтнүүд хууль бус бүтээгдэхүүн тээвэрлэхэд дрон гэх мэтийг ашиглах гэх мэтээр төрөл бүрийн техник хэрэглэхээр хичээж байгаа тухай бичсэн байсан байна. Дроныг мансууруулах бодисын жинг тэнцүүлж чадалгүй унасан гэж үзэж байгаа юм.

Энэ бүх нутагт мансууруулах бодис хууль бусаар хил давуулахад дроныг ашиглаж байгаа нь шинэ зүйл биш юм байна. Drug Enforcement Agency-ын мэдээлж байгаагаар 2012 оноос хойш хил орчимд кокайн болон бусад мансууруулах бодисуудыг тээвэрлэхэд 150 гаруй дрон ашигласан тохиолдол бүртгэгдсэн гэнэ.

Мексикийн хар тамхи наймаалагчид Америк болон Мексикийг холбосон асар том газар доорх хонгилын сүлжээ зэрэг мансууруулах бодис тээвэрлэх төрөл бүрийн арга хэлбэрүүдийг ашигладаг байна.

1

Харамсалтай

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Тэнэглэл

0

Буруу

Баярлалаа!