Баян болсон үедээ хийх 10 зүйл

Та санхүүгийн хувьд бүрэн эрх чөлөөтэй болчихов уу? Та ямар ч зүйл хийсэн мөнгөний тал дээр санаа зовохооргүй болсон бол анхаарлаа нааш нь хандуулаарай. Юу байна мөнгө л байгаа бол та дараах 10 зүйлийг хийж үзэх хэрэгтэй. Хүний амьдрал ганцхан бөгөөд богинохон. Тийм учраас хорвоог орхих цагт харамсахгүй байхын тулд баян болсон л бол эдгээрийг заавал хийж үзэх хэрэгтэй юм.

Мэдрэмжийг сорих Sublimotion зоогийн газар

Ибизагийн Hard Rock Hotel-д байрлах Sublimotion бол хагас зоогийн газар, хагас театр юм. 2,015 доллар төлж энэ зоогийн газарт орж ирж зоог барьж байгаа хүн урт, цонхгүй өрөөнд зассан нийтийн ширээнд суух ба өрөөний хананд проектороор гайхалтай орчинг бий болгохыг тухлан ажих боломжтой. 20 төрлийн хоол тус бүр нь өөр өөрийн гэсэн тохирсон температур, чийглэг, гэрэлтүүлэг, хөгжимтэй.

Дэлхийг тойрох 2 жилийн аялал

VeryFirstTo.com нь 1 сая фунт стерлингийн амралт аялалын багцаараа тансаг бүтээгдэхүүн, үйлчилгээг санал болгодог. Гайхмаар нь энэхүү аялалд хоёр л хүн явсан байгаагийн нэг нь хятад оюутан, нөгөө нь итали бизнесмэн аж. Дэлхийн 150 гаруй улс орноор аялах энэ аялал 2 жил үргэлжилнэ.

Дэлхийн хамгийн үнэтэй зочид буудал

Royal Penthouse Suite нь сум нэвтэрдэггүй шил, хувийн цахилгаан шаттай. Женевийн Hotel President Wilson зочид буудлын энэхүү өрөөнд нэг шөнө хоноглоход 83,200 доллар төлөх учиртай. Тус бүр нь гантиг угаалгын өрөө бүхий 12 унтлагын өрөө энэ сьютэд тухалсан зочин хувийн тогооч, үйлчлэгч, туслахын үйлчилгээг ч авна. Альпын нурууг ажиглах өргөн сэрүүн тавцан, бүрэн энтертайнмент систем, биллиардны ширээ, хувийн биеийн тамирын танхим гээд бүгд бий.

Дэлхийн хамгийн үнэтэй лонх дарс

12 литрийн дарс нь өөрийн царс модон гэртэй. Дубай дахь дарсны дэлгүүрт 12 литрийн лонхтойгоор худалдаалагддаг 2009 оны Château Margaux дарс 195,000 долларын үнэтэй. Дубайн Олон улсын нисэх онгоцны буудалд байрлах Le Clos дарсны дэлгүүр нь ердөө 6-хан ширхэг үйлдвэрлэгддэг энэ дарсны 3-ыг нь худалдаалдаг аж. Дарсыг худалдан авсан хүн Францаар дээд зэргийн тансаг хэлбэрээр аялах ба Château Margaux дарс үйлдвэрлэгчийн урилгаар зоог барих юм байна.

Хувийн арал

Фижи дэх Лаукала арал нь хувийн үдэшлэгт төгс тохирох хүн оршин суудаггүй арал. Хамгийн багадаа 5 хоног байрлах энэ арал дээр өнгөрүүлэх ганцхан шөнө нь 150,000 долларын үнэтэй ба 70 хүртэлх тооны хүн байх боломжтой. Зочид олон төрлийн спорт, үйл явдал, ангилал болон хоолны сонголтууд багтсан арлын тохь тухтай байдлыг амсаж мэдрэхийн хамт хүн бүр рашаан эмчилгээний 90 минутын үнэ төлбөргүй үйлчилгээ авна. Энэхүү ресортыг Red Bull-ын магнат Dietrich Mateschitz бий болгосон ба үүнийгээ Газрын диваажин хэмээн тодорхойлжээ.

Хамгийн үнэтэй кредит карт

Centurion кредит карт нь анодын боловсруулалт хийгдсэн титан юм. Хамгийн дээд зэрэглэлийн American Express Centurion энэхүү картыг авахын тулд 16,3 сая долларын үл хөдлөх хөрөнгө болон 1,3 сая долларын өрхийн орлоготой байх ёстой. Түүнчлэн картны жилийн төлбөрт 2,500 доллар төлөхөөс гадна эхний удаад 7,500 долларын төлбөр төлөх ёстой. Энэ картаар хийгдсэн хамгийн том худалдан авалт нь 52 сая долларын хувийн онгоц байжээ.

Airbus A380

Нисэх онгоц гэхээсээ илүүтэй 5 одтой зочид буудал гэмээр санагдах энэхүү тансаг зэрэглэлийн онгоцны нэг удаагийн тасалбар 23,077 доллар. Таныг онгоцонд орох үед хувийн хүлээлгийн өрөө угтах ба энд олон төрлийн амттанаар танд үйлчлэхээс гадна үйлчлэгч тээшийг тань зөөвөрлөнө. Онгоцон дотор зорчигчид тансаг ор бүхий хувийн сьютэнд байрлана. Олон төрлийн хоол хүнс зооглож, Bose чихэвч, Ferragamo-гийн гоо сайхны хэрэгсэл бэлгэнд авна.

Очир алмаазан ‘шивээс’

Хөдөлгөөн хязгаарлахын зэрэгцээ чамгүй хүнд оргих энэ тансаг чимэглэл байнгынх ч биш. Өмнөд Африкын Shimansky очир алмаазны компани бүтээгдэхүүнээ сурталчлахын тулд загвар өмсөгч Minki van der Westhuizen-ийн нуруун дээр 612 ширхэг очир алмаазыг наажээ. 924,000 долларын үнэтэй очир алмаазнууд бүхий энэ сурталчилгаа амжилттай болсон ба Shimansky иймэрхүү олон сурталчилгааг хийхээр төлөвлөж байгаа аж.

Дэлхийн хамгийн үнэтэй сууц

Монакогийн Odeon Tower-т 400 сая доллараар үнэлэгдсэн дэлхийн хамгийн үнэтэй сууц Sky Penthouse байрладаг. Тус бүрдээ гал тогооны өрөө бүхий 5 давхартай, хамгийн дээд талын давхарт сэрүүн тавцангийн доор орших усан сантай усан гулгуураар холбогдсон бүжгийн танхим байрладаг. Авто зогсоолыг авахын тулд нэмж 330,000 доллар төлөх учиртай.

Дэлхийг тойрох усан аялал

115 хоногийн хугацаанд 49 усан боомтод зочлох хөвөгч зочид буудалд байрлан дэлхийг тойрох World Cruise нь Лос Анжелесаас гардаг. Флоридагийн Ft. Lauderdale-д эцсийн зогсоолоо хийх энэ аялалын зочид тагт болон хоолны өрөө бүхий уужим сьютэд байрлана. Аялалын нийт үнэ 346,500 доллар.

1

Гайхмаар

1

Гоё

0

Ха Ха

0

Хөөрхөн

0

Бахархмаар

0

Харамсалтай

0

Тэнэглэл

0

Буруу

Баярлалаа!